السلام عليكم يالربع
المهم عندي سالفه لكم حصلت لي البارح بمقهى اْبو هيثم بالاحساء
يالربع السالفه ماهيب من وحي الخيال سالفه والله حصلت لي ..
دقوا علي اثنين من الشباب واحدن اْسمه سحمي واحدن ثاني مترك كلهم من خوياي
الشباب يعسلون كل يوم بالليل بالمقهى هناك ويدقون على تعال ياناصر نسولف
وندردش ونضحك دايم اْقولهم بجيكم بجيكم واْخذت وقت عنهم قلت بروح للشباب
اْسولف وياهم شوي واْطلب براد شاهي ويمكن نطق بلوت اذا فيه اْحد رابع ..
شغلت الوانيت وتليتها للمقهى واْدخل المقهى وينطحني هاك الهندي الي واجهه
يسد النفس قال شيشه معسل قلت لا لا شوي بطلب الهنود ملاعين ماتدخل الين تطلب
المهم عقب كلام قلت له جب براد شاهي تلقيمه سكر وسط مانيب بحب السكر واجد
دخلن اْول جلسه فيه يمكن عشرين جلسه مفتوحه على بعض والي موجودين يمكن
سبع جلسات المهم جلست فيه بالجلسه المقابله واحدن عمره يمكن 55 سنة تقريبا
ويقوم يطالع فيني يطالع فيني قام يفتل شنبه وانا قمت اْْطالع فيه صحيح اْني ذليت
بس قلت ماعلي منه المهم قام يبرم شواربه واْمد يدي على شنبي بفتله ويوم حطيت
يدي والاْاتذكر انه حاكه بالمكينه على رقم واحد وانا اْقوم افتل قذلتي ماعندي
تصريففه هههههه المهم دقيت عالشباب اْنشدهم وينهم قالوا حنا بعيدين لكن بنجيك
بعد ساعه قلت بنتظركم المهم ويقوم هالرجال ذا ويجيني وسلم ورديت عليه السلام
قال بسولف وياك ياولد شوي انا ذليت بس قلت حياك المهم ويقرب مني ثم ضحك
ذيك الضحكه كنك دقه سلف دوج وانا انصدمت فتل الشنب والقز واْخرتها محشش
هههههه المهم قال انا من مبطي ضربت رجال وسجنوني قال واتعرف على هاك
العتيبي بن عم لك قلت ايوة قال لقيته عند الشيخ شيخ المحكمه القاضي والقاضي
يقول لواحدن بدوي انت مريض يقول البدوي زعلان وتهاوش ويا الشيخ المهم اْمر الشيخ
بارسال البدوي الى شهار يقول يوم اْنه دخل شهار الا والعالم مهبله ذا يصفق ذا
وذا يصيح وذا يضحك وذا ينبح يقول عالمن مهبل يقول البدوي دخل الغرفة وجلس
يقول ويجيه هاك الرجال الي سلم ورحب به قال البدوي بخاطره شكل هالرجال
مظلوم مثلي وهو صاحي مثلي ولاهوب مجنون يقول والبدوي يسولف ليله كله
مع هالصاحي ويدخنون ويضحكون على حركات المجنن المهم الالبدوي قال للصاحي
اْنا برقد هاك الدخان وخله عندك واذا جيت بتسري حطه وبكره الصبح سير علي
تراك مونسني هز الصاحي راْسه ...البدوي توسد نعوله ورقد يقول البدوي وهو راقد
بلى يحكه باْذنه وقام يحك اذنه وكل شوي اذنه يحكها يقول البدوي قام من النوم
الاوهالصاحي من طول الليل هو يقطف الدخان باْذنه يقول البدوي لو ماتلحقت عمري
يالربع كان طفى الزقاره بطبله اْذني هههههههههههههههههه
هو قالي السالفه وانا قمت اْتسدح من الضحك والله ياخوياي جو قال نسمع ضحك
وحنا نمشي من بعيد قلنا نويصر وش عنده يضحك المهم بطني عورني قلت يالربع
انا بسري خلوكم عند هالمحشش ذا واْسهروا عليه علومه طيبه وتصلح لكم
المهم قلت بعلم قصته ربعنا بالمنتدى.
وهذي كل الحكايه ..
عاد انا بشوف لكم سوالفه هالمحشش مع سحمي ومترك وبعلمكم ..
والسلام ختام
البدوي من قبيله معروفه ماحبيت اْذكر خوفا اننا نزعل اْحد
تك تك
مواقع النشر (المفضلة)