انا وامي بالسوووووووووق
بسم الله الرحمن الرحيم <<< عشان اذا في بسم الله ولا بسم الله مايقرون الموضوع <<< نحيسه
المهم اليوم قررت انا سوير الله يحفظني ويحفظكم ويرعاني ويرعاكم
اكتب يوم من يومياتي السعيده
الجمعه <<< الله يحوم تسبدتس
في يوم من ايام الجمعه وبما اننا كنا من غير ابو << الله يرجعوه بالسلامه مسافر من غير شر
المهم قررت امي تسوي فيها ام وتودينا تغدينا هي وخالتي المصونه وقررو اننا نتوجه الى مجمع الظهران
لاسباب عديده 1/ مايدخل شباب <<< لو شافوكم الشباب اصلا بيطلعون لاتشيلون هم ياعمري
2/العابهم حقت البزارين تونس <<< ياعمي على بزارينكم لو تقطونهم بزريبه استانسو
3 / صغير مايمدي ساره وساره يضيعون <<< انا وبنت خالتي
طيب نعود للموضوع الشيق
طبعا كل العائله السعيده لازم نشقلها معنا ونشمل عيال عمي وعيال ابو اشرف <<< ابو الجيران
وذهبنا .....
دخلنا طسيت لم سوير واقفتن عند ماكدونالدز وقفت وياها امها تطلب ماادري الا الجوال
ويييييييييوييييييييييوووووييييييييييي<<<< نغمة امي
امي : وينتس فيه يامال اللي منب قايله <<< لاقولي انتي و طوووط <<< بقلبي ترا والله
ساره : قسم بالله اني موب مع خويي انا مع سوير ننتظر امها عند ماكدونالدز
امي : تعالي انتي وخشتتس هاااالحين عند ماكدونالدز <<< ماادري الوالده بالظبك من وين تسمع ؟ ؟
ساره : ياام الشبااااب وانا ويني اقوولتس انا عندوه
امي : وينتس مااشوفتس ؟ ؟
ساره : اناقز وتشوفيني ؟؟
امي : االعقل .
ساره : وش اسوي بتس يعني اذا ماتشوفني موب مشكلتي بس شرهتتس على اللي مفصل لتس نظارتتس
امي : ايييي شفتتس اسكتي ولا تحركن هاذاي جايتكن
ساره طيـــــــ طوووووط <<< تسكر الخط شرهتتس على اللي مايسكر قبلها خخخخ << امتس ياشيخه
جت امي العزيزه لمنا واستلم نزلي بشيتتس صدرتس كله طالع معيييييييييين طالع وانا لابسه عبايه وتحت العبايه بلوزه
ياامي اتقي الله الحين ورا نقااااابتس مايصير مثل نقاب سوير وراااه وش كبر فتحته ؟ ياامي اتي ماتقدرين ان سوير
خشمها زحليقة نمل بالتالي يثبت عليه النقاب بينما انا خشمي صغنون ما يثبت عليه قااااايلتلكم لاتغطوني
وتستمر المصارعه على شكلي وغطاي وايديني اللي طالعه وهي ماتشوف نقابها عسا ماتطلع جبهتها منه ومصره
ان نقابها ذاك ابو الف طبقه احسن مني مع ان خشمها يطلع منه بس الشكوى لله
نعووود المهم جت خالتي يقوووولووون في مطعم وش زيييينه جديد حق ايطالي فاتح
وطسينا لم المطلعم بعد ماطلبنا للروضه اللي معانا 15 وجبه ماكدونالدز هابي مييييييل <<< وكلهم مايبون ماك تشكن
وبينا احنا عند المطعم السعيد اثر السالفه تحجزين وتستنين وامنا حااااره وتبي تتغدا <<< مجوعينها
ولنا ساعه عند الباب مير تدخل خالتي وتوقف فوق طاولة ناااس << حركات مااحبها
يوم قامو قالت خلصتو << احلفي لتس ساعه واقفتن عند روسهم قالو لها اييييييه
وتقعد تحلس المكان وتدق على امي تقول ادخلي انتي وسوير وسوير
دخلناوقعدنا وكلن طلب طلبوه ولله الحمد
فاااااااااااااااصل __ اللي بيروح لهالمطعم اطلبو فطيرة البيتزا تراها لذيذه __ <<< مطعم ابوتس
المهم وكلهم ماجاز لهم طلبهم ويلمحون لي وانا اقول يالله يازييييين فطيرة البيتزا حقتهم تهبببل
وهم يقولون لا شكل وجبتتس احسن شي وانا اقول اي الظاهر
المهم بعد ماطلعنا واكلنا وترسنا بطوننا ولله الحمد
قررنا نتسوق <<< بس محنب شارين شي لاننا موب محتاجين <<< وشوووله تتسوقون اجل <<< ننتظر السواق يجي
المهم وطول الوقت وامي امشو وراي نظرا لان خالتي تتشوق بلحالها وماادري وش خلانا ننهبل ونتسوق مع امي العزيزه
ساره : يمه شوفي ذا البلوزه جايزتلي
امي : اي حلوه
ساره : طيب ابيها
امي : ماتحتاجينها
ساره : بس انا ودي اشريها
امي : من قروووشتس <<<< لا لالالالالالاااااااااااااااااااااااااااااا هذا الظلم
ساره : ياحسرتيي من وين لي قرووووش ؟؟ من قمل راسي
امي : كيفتس
ساره : شرهتتس على اللي يقول لتس انها حلوه
امي : .........
طلعنا وقلنا عاد نبي سطااار بكس نبي فربتشينو قالت امي رجلي على رجوووولكم <<< ابو النشببببببببببه
طسينا لم ستاربكس واخذا فربتشينونا
وركبنا السياره متوجهين الى حديقه يعتقدون خالتي انها حقت ابوهم الله يرحمه
14 نفر بالسياره اانواااع الزحمه والقلق
اخواني : ساره اذا ماتبين فربتشينوتس ترانا نبيه
ساره : لا ابيه
اخاوني : يمكن تشبعين وانتي ماخلصتيه
ساره : لامنب شبعانه
اخواني : عادي حتى لو الكريمه انتي ماتحبينها
ساره : لاصرت احبها
<<<< ابوووو النحاااسه
وطسينا لم الحديقه ونزلنا << احلفي
ولقينا خالتي الثالثه تستنانا هناااك ياللسعاااااااااااااااده حديقه يوم الجمعه انواااع القررررررف
قعدنا وقعدنا وقعدنا
ويدق اخوي << مسوي فيها ابووو
اخوي : وينكم
امي : هذانا ياوليدي بحديقة ابوك سليمااان يالله الجنه
اخوي : طيب تراني زهقت ارجعو البيت <<< الله يلعن شكل اباليس اطلع ياحمار خذ سيارتك ودق لك سلف طس وين ماتبي
امي : طيب شوي بس وبنرجع
رجعنا لعيووووون اخوي :::
مايستفاد من القصه :
1 اذا كنتي رايحه مع امتس السوق افتشي واذا قالت هوووو سوير قولي لاياختي مشبهه
2 لاتروحون الحديقه يوم الاربعا
3 اذا كلمت امتس وقالت وينتس قولي انا اشوفتس انتي ماتشوفيني ؟ ؟
4 اذا رحت للمطعم اطلب زي طلبهم عشان كلكم ياتصيب ياتخيب
5 لاتمشي مع امك بالسووووق
منقووووووووووووول للضحك
مواقع النشر (المفضلة)