السلام عليكم ورحمة الله وبركاته
كيفكم
راح ادخل في الموضوع من دون لف ودوران
اليوم في المدرسه وفي حصة الفقه
انا ادرس ثاني شرعي يعني مادة الفقه من أهم المواد
ومعنا طالب من يوم يجي لين يطلع وهو نايم الا حصه الفقه
ودخل الاستاذ وهو نايم
قومه من النوم ويسأله عن الورث الطالب يعني عقليته ضعيفه مو مستوعب توه صاحي من النوم
ويسولف ويخلي الطلاب يضحكوون عليه
قاله اختر لك سؤالـ وحله
اختار سؤالـ حله
قال طيب الاخت الشقيقه وش تصير
قال الطالب اخت الرجال من ابوهـ
قال الاخت لأب قال اخته من امه وابوهـ
المدرس استانس عليه قال خلني اضحك الطلاب على هالضعيف
المهم يجيب اسئلة بالالغاز وهو مايفهم والطلاب يضحكوون
بصراحه انا حقدت على هالمدرس
قال للطالب انت تعرف اركان الايمان
الطالب عدها ولكن كلها خطا والطلاب يضحكون
قال عد اركان الاسلام
ومع كل سؤالـ يلخمه بكم جمله ينلحس الطالب
قال قلي التحيات
قال الطالب
التحيات والصلوات الطيبات وناوي يكمل
هنا ضحك المدرس بلعانه يبي يشككه في جوابه
الطالب كمل اللهم صل على محمد....الخ
ويشب عليه
وينتف هالضعيف
خلاهـ مايسوى شي
حطه مسخرهـ
وانا احس ان هالضعيف بيجيه عقدهـ من مواد الدين
مو هذي المشكله
المشكله ان هالمدرس شيخ معرووف
ويدرس طلبة علم ويسافر في دعوات وندوات
ولكن ماألومه !!
المهم ابي منكم اذا ماعليكم امر تجابون على الاسئلهـ
هل يحق للمدرس ان يقلل من درجة الطالب ولو كان الطالب مهمل ؟؟
هل سيفعل هذا من اتخذ المدرس قدوه له ؟؟
وما العقوبه المفروضه على المدرس ؟
واعذورني على الاطالهـ
مواقع النشر (المفضلة)