[align=center]
ياقلـب لاتبـدي علـى الـنـاس خافـيـك
طـالـبــك يـاقـلـبـي ولــيـــاك لــيـــاك
ابـامـرك ياقـلـب انــا الـيـوم وانهـيـك
واللـي تبـي ياقلـب انــا قلتـلـك جــاك
مانـي مقصـر عنـك تــدري مراظـيـك
تدري طلبـت الصعـب ثـم قلتلـك هـاك
لجلك وطيت الصعـب ماهـوب كافيـك
وردتـنـي درب المصـايـب والاهــلاك
خليـتـك الـعـالـي ولـحــدن يـسـاويـك
مــن صـغـر سـنـي ماتعـنـدت ويـــاك
انـــا ادري ان الـطـيـب اول مـبـاديـك
وان الـكـرم والمرجـلـه مــن مـزايـاك
وانـك ليـامـن طـحـت مـانـي مخلـيـك
الـلـي تـبـي يــب ياصـلـك لاعدمـنـاك
والـيـوم ياقلـبـي حــدودك واراضـيـك
ابـامــرك يـاقـلـب هـالـيـوم وانـهــاك
الـنـاس مـايـدرون عــن علـتـن فـيـك
ولحدن درى عـن علتـك غيـر مـولاك
الـحـب ياقلـبـي هــو اعـظـم بـلاويـك
ادري تحـبـه حـيــل يـاعـظـم بـلــواك
تقـولـلـي يـاقـلـب مـاهــوب نـاسـيـك
ذكــرك مـعـه ويـفـز لاحـــل طـريــاك
شريـت قربـه مثـل مـاهـوب شـاريـك
حـب الشـرف ياقلـب سلمـك ومـبـداك
علـى النـقـا واضــح بعـيـده مرامـيـك
تتعب على الصعبات من طيب مجناك
واضـح معـي ياقلـب مافـيـك تشكـيـك
عــزالله انــه خـــاب مـنـهـو تـحــداك
بـعـيـد باالـهـقـوه ومـبـعـد حـراويــك
دايــم عـلـى العلـيـا متـعّـب مـطـايـاك
واليـوم ياقلـبـي عــن الـحـب ناهـيـك
الـوقـت شــان الـيـوم مــازان ويـــاك
ابـيــك تـصـبــر لاتــبــدي خـوافـيــك
حذراك لاتشكـي علـى النـاس حـذراك
شـكـوى لـغـيـر الله تـراهــا تـوطـيـك
اصبـر عـلـى مــر الليـالـي والافــلاك
هـذي وصيّـه واحتفـض فـي مبـاديـك
ابـامــرك يـاقـلـب هـالـيـوم وانـهــاك
وســـلامتكــم
@ الصــــــــــــــــــــــــــــــــارم @[/align]
مواقع النشر (المفضلة)