{ خاطرة مصرقع هاجرته حبيبته }

[][ هـــذا انـــا . . . ][]

عندما ياتي المساء وتهجع مخاليق الله وترتاح

امسط بفريشي في سطوحي وانطل برويسي على مخدتي ... فيزاورني طيفك العذب كعذوبة مياه نجران ...

ويطلب منى الرحيل الى عالم الخيال .. وانا اردد ياليل ما اطولك ... واناجيه واصرخ عليه احب الواقع ..

فيرتد إلي صوتي منكسراً ويعود الي مسرعاً الحق علي ودني للاسعاف

وانا ما غير يتهياء لي زولك في عايرة البيت واتصدد داق اللطمه واقول يالله الخيره الظاهر ان

هذي من سكان حي العود ومضيعه المقبره جنيه تبي تقلقك

وافكر وافكر وافكر ملياً ومرات ومريرات فأجد نفسي تائهاً بين عواير الجراديه وبرحة الشميسي

لا أعلم اين اذهب

لقد كان حبك بدايته عذب المذاق كعذوبة الانسانية ونهايته تقولين كنه راب دلال في حساسية

ولا عذوبة مراصيع جدتي في الضحويه

حبيبتي

مغير ادور وادوج ادور عليك واردد بعالي الصوت انتي في السبالة ولا في الصالحية <<< يحب طقاقه

ولخاطر عيونك كتبت لك احلى كلام وسطرت لك اشجاني واشواقي وصريتها بمنديل لونه اخضر

مطرز بزري من غلاك

ومن زود حبك طقيت على طبلون ددسني اغنية تجملوا يالاجاويد

تدرين ياغاليتي

اني اصبحت مثل قوطي ببس مدعوس على الدايري الجنوبي <<< مهوب يدل الشمال حده شكمان الرياض

وكل ما زاورني طيفك انطل بعمري في سكيك سكيرينه واروح لمعكال والحبونيه <<<< يشتغل في تقسيم

الاراضي

وياونتي ونة قطيع البعارين ولا غراب عاشقاً له حمامه

ويقول بعد الشاعر

البارحة وامس وقبل امس واليوم عامين قبل السنة الجاية وانا برجواك

انتظر وانتظر وانتظر وانتظر تقولين قاعد اتصل من مستشفى الشميسي

عذبيني عذبيني اخنقيني اخنقيني اخنقيني وانا اقول ليه تخنقيني انتي وخشمك وتقولين احب

اشوف عويناتك وهي مزرقه تدور هواء

واقول تعذيبك لي عسل سدر مغشوش بمويه

وللمتابعين الجادين فقط

كم مره وردت كلمة اخنقيني ؟ عذبيني ؟ انتظر ؟

ان شاء الله اعجبتكم

تحيتي بلا حدووود

فيصل اليامي

[حنـوُن بجنـونْ]

يعطيك العافية

أخوي

الغالي

فيصل اليامي

امتعتنا في هذه الخاطرة

أتمنى تتواصل معنا بالجديد والرائع

احترامي

[راعية الزين]

هههههههههههههههههههه

مهستر وربي هههههههههههههههه يحليله
وعلى جواب سؤالك :2ar:
انتظر اربع مرات ومع سؤالك صاروخمسه
وعذبيني مرتين ومع سؤالك ثلاثه ومع الكلمه يوم قالها بالخاطره تعذيبك صارت اربعه
واخنقيني اربعه مع سؤالك بعد صارو خمسه :1ar:


رآعية الزين :23ar:

[][ هـــذا انـــا . . . ][]

مشكورين
وزيارتكم لصفحتي شرف

[!. مــايــهــابـ .!]

فيرتد إلي صوتي منكسراً ويعود الي مسرعاً الحق علي ودني للاسعاف

وانا ما غير يتهياء لي زولك في عايرة البيت واتصدد داق اللطمه واقول يالله الخيره الظاهر ان

هذي من سكان حي العود ومضيعه المقبره جنيه تبي تقلقك


ههههههههههههههههههههههههههههههههه

قسم بالله انك فاااااااااااصل

تسلم اخوي وسلمت يمناك

وننتظر جديدك

تحياااااااااتي


أأخـــووك:مــــأأيـــــهــــاب