--}{ بساتين المشاعر }{--
[align=center]
السلام عليكم ورحمة الله وبركاته
حروف متواضعه واتمنى ان تصل لذائقتكم العذبه[/align]
[poem=font="simplified arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا والليل وجروح المشاعـر والعنا والصمت=وحزني والعذاب ودفتري والشعر واوراقي
وقفنا عند بيبان الغرام وقال لّي ما دمت=على وضح النقى بعطيك نبذه وافهم الباقي
مدام انك على اللي قد مضالك في الهوى اتندمت=بساتيـن المشاعر يابسه يومنّك الساقي
خذ اللي باقيٍ في العمر وافطر من عقب ما صمت=وعبّر عن شعورك كل ما شفت الصدر ضاقي
وقلت اسكت ترى سرّ المحبّه غاليٍ لو لمت=خفوقي واستبحته وانفجر في داخل اعماقي
ومن عقب العذاب الي مضالي في الهوى عزّمت=مابوح بسر حبّ اللي ملكني عشقه الراقي
وشفني من بعد ماغاب عنيٍ من الوله مانمت=زرعني فوق جمر الشوق واحرق قلبي احراقي
حديثه عذب وايامي معه حلوه وانا لو رمت=الاقيه وظروفه عانقتني ذابت اشواقي
انا معه استلذ الحب لو من همّه اتألمت=لأنه بلسـم جروحي بعد ما تل مسباقي
وكل لحظه تمر القلب ياما اجلس وياما قمت=على جمر الوله طال انتظاري وجفت احداقي
ولو بالسوق مليون البضايع بالغلا ماسمت=سوى من حرّكت همس المشاعر منه خفاقي
بعيدٍ عن جميع اهل الوشايه والعذل والشمت=أحبّه واعشقه وابيع لجله عمري الباقي[/poem]
[align=center]
وسلامت قلوبكم
اخوكم
بدر بن تركي العتيبي
[/align]
رد مع اقتباس
مواقع النشر (المفضلة)