البنات لبسهم مرررره روعه ( فساتين وحركات البنات .. ) بس لو اللبس ساتر شوي
رجاء لاتدخلونا فالدين خلونا نستانس
اووه وش ذ الحركات وش ذ الطيحني ( عاد المنظر مايوصف ) بس لو ساتر بعض البعض
رجاء لاتدخلونا فالدين خلونا نلبس على راحتنا
يا خيتي لاتسمعين أغاني هالوقت ( خاصة تالي الليل ووقت نزول الرب ) اذا ولابد تسمعين اصبري لين يخلص المذن عالاقل
انتِ وش تبين خليني كيفي اسمع الى ابي وقت الى ابي مو كل شوي مسويه دينه على راسي ولاعاد تدخليني فالدين
ياوليدي اترك الدخان ماجاب لك الا المضره وبعدين ونا امك حرام الى تسويه بنفسك حرام حتى من عند الله
يمه والى يرحم والديك لاتدخلينا فالدين
لا تدخلونا بالدين .. الاسرة ماتبي شيء بحياتها يربط بالدين .. وبالتالي هالاسرة تكون مجتمع .. والمجتمع دولة .. والدولة ساسها أسرة تقول لاتدخلونا بالدين
وهذا الى حاصل الحين نتج عن( لا تدخلونا بالدين ) فصل الحياة عن الدين بشكل مبطن لو تبي تنصح قالوا لك لاتدخلنا بالدين حتى لو كنت مسافر وسويت لو جزء تقدر عليه
من الى يرضي ربك عليك قالوا لك حتى هناااا ؟ حتى هنا مسوي مطوع علينا ؟ يا أخي ابسط عمرك وخلي الدين على جنب
البنات مايبون شيء يكدر عليهم ويخرب المزاج عندهم والشباب كذلك ..
صار هالدين حمل ارهق كاهل هالامة
طيب تخيل حياتك بلا دين .. بلا موجه .. كيف تكون .. وكيف تعيش .. وكيف تحس ان لك قيمة
السالفه طويلة وماتقصر الا من عندنا وبوعي الفكر والاكثار من التقرب لله
ساعات اسال نفسي اقول حنا صحيح دولة مش علمانية .. بس يوم اشوف تصرفاتنا وسلوكياتنا .. اقول لا حنا علمانين صناعة وطنية
حبيت اكتب هالموضوع بحروف عامية قريبة للنفس وبعيده عنه بحكم
لا تدخلونا بالدين
بقية الحروف لكم ... جودوا بما لدى محابركم من أراء حول ماسبق .
مواقع النشر (المفضلة)