[align=center]السلآم عليكم ورحمة الله و بركاته
كيف الحال عساكم بخير !
بما أن فيني نوم وفيوزاتي ضاربه شوط
مالي خلق أكتب مقدمه و اتفلسف على روسكم
بدخل لكم في الموضوع على طول ،
هذا طول الله عمركم و أطال في عمري و عمر السامعين و القاعدين والرايحين
كننآ نناقش موضوع الرومنسيه وفعايلها في أحد المواقع الله يستر عليه
و بما أن توني داخله الموقع ولقيتني مرتزه ببشت أسود
فـ عرفت على طول أنه بسبة الموضوع وبسبة ردودي فيه ألبسوني هـ البشت المشرف
كان الموضوع يناقش حال الشباب و البنات ،
و أن فيه شباب مساكين ينقص عليهم و العكس
وكلِ يحط مأساته ويشرح وشلون كان رومنسي و الطرف الثاني لعب عليه
جيت بسلامتي و قلت أحسن محد قالكم مع بعض البهارات
ماتوقعت ردي يسبب طيش في الموقع ويهز أصحاب القلوب الرقيقه
بحيث صرت أني إنسانه متوحشه بلا أخلاق و لا مبادئ ،
أشتد النقاش بيننآ و كانت نهايتي المتوقعه [ سوداء ]
بصراحه الموضوع من وجهة نظري كان بايخ وفكرته أبيخ
يعني الحين وش دخل الرومنسيه بمواقفكم و تعبكم النفسي !
كل واحد يبي يقول شوفوا معاناتي ووشلون أنه ينقص علّي !
ولا تعالي طبطبي علي يافلانه و العكس !
ولا اعتبروا فيني <= مسوي فيهآ قصه وعظه وعبره im3 !
من بين المواقف اللي قريتهآ هي التالي :
تقول العضوة نورة الله يجزاها خير
كنت في أحد الأيام مسافره لدولتي الغاليه الكويت
و فيما كنت بنزل لجمعية من الجمعيات [ بقالة ] لقيت واحد يكلم الكرسي
ويقوله يامريم حرام اللي سويتيه فيني
ليش تخونيني
وقام يصفق عمرّه
تقول الأخت نورة أنا قعدت أطالع فيه و مستغربه الوضع
بعدهآ فهمت أنا وصديقتي أن الشاب كان مجنون و السبب حبيبة القلب !
بما أن القصه حسيتهآ من نسج الخيال لكن يجوز
يقول الأخ عالي مستواه :
أن لي خوي كان على علاقه بأحد البنات على الماسنجر
و كانت تلعب عليه ، ولما أكتشف هـ الشيء
حبس نفسه بالبيت وعيى يكمل دراسته !!
ويقول الأخ أحبك :
كانت لي تجربه أحب أحتفظ فيها لنفسي
وأتمنى أن لا أحد يمر فيها لما عانيته !
وغيرهآ من المواقف والردود اللي شيبت لي راسي..
الحين بالذمّه وأنتوا تقرون هـ الموقفين والرد مصدقين السالفه ولآ
بوجهة نظري أنهآ من نسج الخيال ولا تمت للواقع بصله
وإذا كانت واقعيه فعلاً فـ إن أبطالها مهبل للأسف..
جا مشرف القسم بكل هيبة ووقار وقال :
مشكلتنا رومنسيين و تتحكم بنا قلوبنا أكثر من عقولنآ
كلام نصه سليم
مع أني أعترض على كلمة رومنسيه
لأن بإعتقادي هـ الزمن لا به رومنسيه ولا شي إلا بالأفلام و القصص
محد خرب عقولنا وأوهمنا بالرومنسيه و الحب الحقيقي إلا المسلسلات [ و أشدها نور و مهند] و القصص ..
تقول صديقتي و.ع جزاها الله خير :
من فتره قرأت خبر عن شاب انتحر لما أكتشف أن صديقته تكلم صاحبه
و تقول إضافة أيضاً :
أن شبابنا يوهم نفسه بالرومنسيه وهو ماطقه منها شي
لو تبون الرومنسيه الصدق أرجعوا لقيس وليلى و روميو وجولييت
وتحلموا
و لاعاد تشوفون أفلام هنديه تأثر على عقولكم
شكراً و.ع أسعدتني مداخلتك يـ الغلا :24ar:
الصدق أنا وياها بكلامها عن الأفلام الهنديه
أذكر يوم عرضوا فلم جودا أكبر
أللي عندنا شوي ويسعبلون ع الشاشه
مـ شاء الله كل هاذي رومنسيه im22
زبدة الموضوع :
1- وش مفهوم الرومنسيه بالنسبه لك !
2- تعتقد شعبنا و مجتمعنا وشبابنا فيهم رومنسيه ولا بس كلام !
3- هل أنت رومنسي!
هذا وقد كتبت مافي جعبتي من حره وقهر
يعطيكم العافيه
:25ar:
-[/align]
,,
مواقع النشر (المفضلة)