قصيده في جميع قبايل المملكه
[align=center]يـــاالله يـاخـالــق اراضــيــن وابــحــار
يـــا الـواحــد الـمـعـبـود رازق عـبـيــده
الـخـالــق الـغـفــار عــــلام الاســــرار
مفـرق شعـوب الارض فــي كــل بـيـده
ابـدي واسولـف مـن عذيبـات الاشـعـار
ابــيــات شــعــر والـمـعـانــي وكــيـــده
اشـري وابيـع وعــارف كـيـف بخـتـار
واخـتـار مــن جــزل البـيـوت الـفـريـده
واذكـر تـراث وعــز وامـجـاد وافـخـار
قـبــائــل تــومـــن بــديـــن و عــقــيــده
وصلت حضارتنـا علـى سطـح الاقمـار
ابـنــاء الـجـزيـرة والـجـزيـره مـجـيـده
فــي ظــل حـكـام لـهـم فـعــل واشـــوار
آل الـسـعــود الــلــي تــفــك الـضـهـيـده
نـسـل الزعـيـم الحـاكـم الـعـادل الـبــار
مــجــدد امــجــاد الـجــزيــره بـجــيــده
حتـى اصبحـت حـره وحنـا لـه انصـار
فــي ظــل اخــو نــوره هـنـوف سعـيـده
وصـارت لابـو تركـي بطولـه وتـذكـار
والـفـخــر والامــجــاد تـبـقــى شـهـيــده
وخلـف لنـا امـلـوك لـهـم فـعـل واخـبـار
الـشـعــب واحــــد والـقـيــاده رشــيـــده
والامــن بانيـنـه عـلـى ســاس وجـــدار
وقــرو عـلـى العـابـث عـقـوبـه شـديــده
وحـنـا حـمـاة الــدار مــن كـــل غـــدار
ومـــا هـمـنـا بـطـشـه وخـبـثـه وكــيــده
قــبـــائـــل مـالـحـقـنــاهــم اوعــــــــار
وعشـنـا بـهـذي الــدار عيـشـه رغـيــده
والـحـمـد لله نـحـمــده ســــر واجــهــار
شـعــب تـكـاتـف مـــن سـنـيـن مــديــده
ودون الوطـن جيـش علـى كــل معـبـار
لارفـــرف الـبـيــرق ونــــادى عـقـيــده
بـشـرق الـبـلاد وغربـهـا دوم حـضــار
وارض الشـمـال الـلــي نـفــوده مـديــده
وارض الجنوب اللي تخيضر بالاشجار
جــزيـــرة فـيــهــا الـقـبـايــل عـــديـــده
ارض بـهـا قحـطـان وافـيــن الاشـبــار
ويــاعــز مـنـهــم بـالـشـدايــد بـســيــده
واذكــر عتيـبـه يــوم للـطـيـب مـغــوار
لا ثـــارت الهـيـجـا وقــــرب ضــديــده
وشمـر هـل الـطـولات والـجـود مـقـدار
اهــل الـكـرم واهــل الفـعـول الحـمـيـده
وقوم اعنزه مرويـن الاخصـام الامـرار
اولاد وايـــل مــــن عــصــور عـهـيــده
ومطيـر قــوم تـكـرم الضـيـف لا زرار
ويـاويـل خـصـم فــي حـراهــم وعـيــده
واذكــر قبيـلـة حــرب يانـعـم الاخـيــار
وتاريـخـهـم يـحـكـي سـطــور مـجـيــده
وسبـيـع نـعـم الـقـوم ووجـيـه الاسـفــار
زبــن الدخـيـل لـيـا زبــن مــن طـريـده
واذكــر قبـيـلـة يـــام والـطـيـب يـنــدار
اهــــل الـعـلــوم الـوافـيــه والـرشــيــده
ثــم الـدواسـر تجـعـل الخـصـم مـنـهـار
عـيــال زايــــد عــــز مـنـهــم سـنـيــده
ثـم السهـول اللـي لـهـا الطـيـب مــدرار
وعــن منـهـج الـعـادات مـاهـي محـيـده
ثــم اذكـــر العـجـمـان حـمـايـة الـجــار
والـمـرجـلـه والــجــاه فـيـهــم عـتــيــده
واذكــر بـنـي مــره طويلـيـن الاعـمـار
مــــا يـنـقــد الــمــري ولا لــــه نـقـيــده
ثـــم الـهـواجــر لابــــة تــقــدح الــنــار
اهــل الـركـاب الـلــي خـطـاهـا بـعـيـده
واذكـــر بـنــي خـالــد قـبـيـلـة وامــــار
قــوم لـهـم فــي المـجـد قــول ورصـيـده
وبنـي تميـم اللـي لهـا الطـيـب مـصـدار
بــنــي تـمـيــم وكــــل فــعـــل تـجــيــده
ثـم الزعـوب اللـي بهـا الخصـم يحـتـار
شـجـعـان مـاتـرضـى ســـوا مـاتـريــده
العازمـي وافــي وفــي الطـيـب بيـطـار
روحـه علـى كــل المصـاعـب صمـيـده
ثـم الظفـيـري فــي المصاعـيـب جـبـار
والطـيـب والامـــداح بـاصـلـه وطـيــده
ثــم اذكــر الاشــراف بـجـلال واكـبــار
اهــل الـحـجـاز الـلــي تـفــك الـزهـيـده
ثـــم الهـذيـلـي لـــه مــواقــف ومــنــدار
راعـي الفخـر راعــي العـلـوم السـديـده
ثــم البـقـوم الـلـي لـهـم جـيـش وامـهـار
ريــف الـضـيـوف لـيــا لـفـاهـم ولـيــده
واذكـر ثقـيـف الـلـي لـهـم مـجـد وآثــار
ومـهـمـا حسـبـنـا مـــن كــــلام نـعـيــده
وبلحـارث اهـل الـعـز بشـهـود واقــرار
ا لـحـارثــي يـاطـيــب فـعـلــه وجــيــده
والمالكـي معـروف لا صـار مـا صــار
فـي موقـف اهـل الطيـب يـبـذل جهـيـده
واثـنـي تحيـاتـي عــدد وبــل الامـطــار
عـلــى سـلـيـم وكــــل خــصــم تـكـيــده
واذكــر جهيـنـه هــل مـواقـيـف وادوار
تلـقـى الجهيـنـي راســم الـطـيـب بـيــده
واذكـر بـلـي والمجـدلـه فـعـل واظـهـار
وتـاريـخـهـم يـحـكــي فــعــول فــريــده
وبنـي عطـيـه فــي المواجـيـب حـضـار
قــــوم بــوقــت الــجــد قــــوم عـنــيــده
ثــم الحويـطـي والكـرامـه لـــه اشـعــار
ثـــم الــشــراري لــــه فــعــول مـفـيــده
ثـم الرشـيـدي فــي الصعيـبـات صـبـار
عـلــى عـلــوم الـطـيـب فـعـلـه يــزيــده
وبـاقـي جـنـوب الــدار والـقـاف مــادار
بـاقــي عـلــى قـلـبـي كــــلام واشــيــده
زهران نعـم القـوم فـي وقـت الاضـرار
والخـصـم عـيـنـه مـــن لـقـاهـا سـهـيـده
والغامـدي معـروف لـه عـزم واصـرار
راعـــي الـمـراجـل والـعـلـوم الـمـفـيـده
وشمـران قــوم والجمـايـل لـهـا اطــوار
وبـلــقــرن ســـــم لـلـقـلــوب الـنـكـيــده
والاكـلـبـي والمـحـلـفـي مـابـعــد بــــار
والـحـارثــي طـيـبــه وفـعـلــه يـشــيــده
وبنـي شهـر وبـنـي عـمـر سـيـف بـتـار
قـــوم عـلــى الاخـصــام نـــار وقــيــده
والاسمـري والاحـمـري صيتـهـم ســار
بــيــن الـقـبـايـل والـمـواقــف شـهــيــده
واذكـر عسيـر الهـول ذربـيـن الاذكــار
وابـهــا احتـمـوهـا فالسـنـيـن الـشـديــده
وادهـم والصيـعـر عـلـى حــد الاقـطـار
يحـمـون حــد الــدار مــن الـلـي يـريـده
وامشـي مـع الساحـل مـع جملـه افـكـار
رسـمـتـهــا والـطــيــر زان اتــغــريــده
وانـزل عـلـى جـيـزان تـاريـخ واديــار
ورجــــال فـيــفــا والـقـبـايــل عــديـــده
وارجوا العـذر واهـل المواجيـب عـذار
الــي نسـيـتـه مـانـذكـر فـــي القـصـيـده
الـواهـبــي عــــدد ابـيـوتــه بــــالادوار
مـــن شـاعــر مــاشــل قـلـبــه حـقـيــده
شهـران ربعـي هـم هـل المـدح والـكـار
واهـل الكـنـد واهــل السـيـوف الجـديـده
يـــوم الـبـلـد مـايـامـن الــزنــد لاثــــار
زيزومـنـا ابــن مـشـيـط نـعــم الـولـيـده
فالجـهـل شجـعـان وفــي السـلـم تـجــار
مـــن بـطــن بـيـشــه لـلـتـهـم لارفــيــده
حـبـيـت ابـيــن مـوقـفـي بـيــن شــعــار
وارجــوا سموحتـكـم عـلـى ذا النـشـيـده
مـاحــب انـافــق واتعـنـصـر تعـنـصـار
ولا نــي باطـيـع اهــل العـقـول البـلـيـده
مـا كـل مــن طــب البـحـر قـيـل بـحـار
ومـا كـل مـن شـل الفشـق جـاب صيـده
فالـشـعـر بـسـتـان بـــه ورد وازهــــار
والــلـــي تــعــداهــا بــيــوتــه فــقــيــده
واقولـهـا فــي الشـعـر تـكـرار وامــرار
ضــرف بـــلا عـنــوان يـلـغـى بـريــده
وبعض السوالف لـه مواقـف ومحضـار
وشـعــر بـــلا مـعـنــى لــــزوم نـبـيــده
وصلـوا علـى المرسـول شفـاع الابـرار
مـحــمــد الــهـــادي وقـــــدوة عـبــيــده
[/align]
رد مع اقتباس
مواقع النشر (المفضلة)