[align=center]
.
.
.
.
.
.
اللي من الحسن... شبعانة... ورويانه
مدري من أي الجهات فــ مهجتي طاحت
إلها من الحب ما تعزفني الحانه
وإلها من الشوق ورقاً داخلي ناحت
يا ليتها جوّدت قلبي بــ بيبانه
ولا عذبتني بــ طول البعد وارتاحت
أشكي عليها الهوى ظلمه وعدوانه
ما كنها اللي لــ قاصي روحي اجتاحت
إخت القمر وإن بغيت ازيد من شانه
والا القمر يستحي منها الى لاحت
في صمتها كل حرف يفل جنحانه
وان سولفت مزهرية فمّها فاحت
كانت معي تستفز الحب بــ الوانه
إلين عني بوجه احلامها آشاحت
واليوم يا قلب لا تعتب على الدانه
الله يستر عليها وين ما راحت [/align]
مواقع النشر (المفضلة)