[color=FF0000]>>> هذه أوصاف معظم بنات السعوديـه..وان فاتني اوصاف ماقلتها اذكروني <<< [/color]
الســــلا م عليــــكم
_(1)_ نوعية من البنات تشوفها في البيت غير وعند الناس غــير
على سبيل المثال: >> في البيت لما حد يناديها ..تقول :هاه ويكون مالها خلق ولا بعد وهي ترد رافعه خشمها وتقول هاه خير وش تبون
لكن خارج البيت،السوق ،المدرسه،لماترد على التلفون ....الخ.
تقول:سمي او سم ..طال عمرك...هلا...حياتي...عفواًماسمعتك...اهلين...الخ
ليه كذا ؟؟ خلك نورمل >>طبيعيه خلك عادي قولي هاه داخل البيت وخارجه وشوو يعني بيصير شي ماراح يصير شي .
_(2)_ المـــــــلابــــس....
انواع الخلقنه في البيت ..يعني تلبس جينز مشقوق عادي او بيجامه مقصمله يعني طويله وقصيره او قميص مشقوق من تحت الابطين عااادي
لكن اذا طلعت..لو تدخل مسابقة كان فازت بملكة الاناقه
طيب سؤال طرح نفسه؟؟ ليه ماتتخلقنين في البيت وخارجه اوكي لبسي بس بحدود اذا طلعتي تزيني مانقول لا لكن في البيت غير وبرى غير ليش ؟؟
----------------------------------------
_(3)_ خفة النـــفس..
ونسبتها قليله جداً يعني اغلب بناتنا عجازات وحتى لما تقول لها نكته يعني تبي تضحكها اوكي جامليها ابتسمي حتى لو تطلعين سن واحد لا مبرطمه وحالتها حالها ليش ؟ يعني لهدرجه حياتك تعيسه كلنا كذا مو بس انتي ولا المشكله حتى من العجز ..حتى العبايه ماتلبسها تســاعدها الشغاله >> ياااي بس.
---------------------------------------------
_(4)_ اذا تبون تعرفون البنت الفوضويه والمرتبه ؟
شوفوا شنطتها اليدوية اللي تاخذها معها باستمرا او حتى شنطتها المدرسيه..مثلاً شنطة السوووق بعض البنات الداخل شنطتها مفقود ..والخارج منه مرحوم !!
يعني كل شي تلقونه في ذا الشنطه (مناديل خرابيط علك فواتير روج بدون روج ...الخ.
والبعض الاخر من البنات لا...شنطتها أنتكة مثلها
أنتكه=راعية ذوق
-----------------------------------------
_(5)_ بعض البنات الله يهديهم مايفرقون بين الطلعة العاديه..والطلعه المدرسيه او الجامعيه والطلعه للسهره.
يعني الميك أب لكل هالطلعات واحد والبس والشعر كذالك..يعني وووووين رايحة بالله ..وشهوله هالكلافه!!
لازم تفرقين بين كل طلعة والاخرى.
يعني انا ودي اسأل البنات اللي تروح الكليه او الجامعه او المدرسه بالله عليك في وقت تقومين من النوم وتحطين ميك أب ولا بعد توك صاحيه من النوم !! والله من الفراغه وبعدين مو شرط تحطين ميك أب حتى لو بودره وماسكرا او كحل وروج وانتهت السالفه واذا ماتوفر الروج مسحة فازلين على شفايفك وانتهت السالفه لان النعومه احلى من الدفاشه وبعدين من الفاضي اللي بيطالعك من صباح الله خير في وحده حاطه مكياج عرس اقول بس خلوني ساكته
يعني المفروض ياحبيبة قلبي انك لما تقومين من النوم تكونيين مطنقره ولا تكلمين أحد مو تتمكيجين اللهم لك الحمد --------------------------------------------------
_(6)_ الــدلـــع..
هذي غريزة في البنات يعني البنت اللي محد يدلعها ...تدلع نفسها
لكن في دلع عن دلــع
الدلع اللي يجي على سجيته ..يااااااااااحلووووه
لكن الدلع مصطــنع ....وووووووووووووااااااااااااع ع ع ع ع يحوم الكبد..اصلااا ماودك تتكلم مع وحده تصطنع الدلع "أي" وياكثرهم اللي من ذا النوعيه
يعني اذا كلمتها وحده ولا بعد مو أي وحده مثلا تكون حلوه او حتى مدرسه او حتى شاب كل شي جايز هنا تنعم صوتها( زين حتى يوصل النفس لها) اقول ترا الدلع خليه حق زوجك هو اللي بيدلعك صح ولا بعد اصول الدلع كله بس لا تتعبين حالك على هذا الدلع المصطنع لا نه ما راح ينفعك ونصيحه اذا تدلعتي لا تاكولين علك .
-------------------------------------
_(7)_ البنات النصابات ..
!! يمكن تستغربون لو قلتلكم ان فيه بنات نصابات ..لكن الصدق ينقال..فيه وياشينهم ..عليهم نصب موب صاحي..تدرين أن اسير الشوق بكره جا يخطبني >>طبعا متعرفه عليه مدري وين ..ورفضت لانه بيسكني مع اهله يامســكينه خليه يلعب على عقلك .
-----------------------------------
_(8)_ مصلحجيات..
وياكثرهم عندنا ...يتلزقوون بصوره ميب طبيعيه موب لله عشـــان...حل واجب والا عشان فلان والا اذا كان عندها اخوو حلووو لقطه تتقرب منها او غيره من من المصالح ..يعني ماتمشي معك لسواد عيووونك...عشان مصلحه بس ..وان قضت المصلحه اتحدى ان طالعتك ولا سلمت عليك.
----------------------------------
_(9)_ تــحَــمق..
فيه نوعيه من البنات تحممممق بســرعه >>تعصب
مثلاً ..لو تقولها وش ذا اللون مو لا يق عليك (من باب المزح ) عصبت وحمقت وقالت وش فهمك بالذوق يا قرويه وانتي وانتي .
----------------------------------
>>>>>>ابقولكم شي في صف بعض الشباب مو كلهم يعني طبعاً <<<<<
يعني يجيك شاب فــــــــي حااالة مو عند أحد وتجي البنت وتقووول:شوفي هذا قليل الأدب من الصبح يلاحقنا ..مالت عليـه ..ذا البايخ ..ودك من يأدبه ..والولد موو حوولها..تلاقونها مسيكين يفكر في شي ثاني .
تكفين شوووفي شكلــه بس انتي واغسلي يدك...اصبري علي وبهزئـه ...وهوووو مو معاها الضعيييف ....لكن تصير مع البنات كذا...يظنون ظن سيئ فيهم.
-------------------------------------------
_(11)_ الــدلــخـــه.
هذي نوعيه لا قليل ولا كثير منها يعني مثلا والمعلمه تشرح الدرس تجي تنط وتدخل بموضوع ثاني بالنسبه لها يضحكها ولا بعد تعالوا شووفو شلتهاااا يعني غباء او سفاهه مدري ولا البنات اللي في الفصل مايطيقونها يعني مثلا في الباص كل انواع الخبال يا اما تفتح وجهها >>ليش ياحظي او تقعد تقول نكته بايخه وهي في نمله تضحك ليش ؟؟ يقولون لها ليش؟. تقوول مدري الحمدلله اللهم لا شماته بس اقوول يعني هذي عقليه ولا الدلخه لازم يصير اسمه حميده او سليمه او خديجه او لطيفه ...
----------------------------------
_(13)_ الضعـــيفه..
فيه بنات ضعيفات لكن مو كثيـر هذولي البنات يرضون بأي شي
مالهم راي ..:ل شي عندها ايه
ماتعرف كلمة لا... (واذا احد سألها تكون اجابتها مدري ..ماتناقش ..ولا شي ).
شفت بنات زي كذا بس مو كثيـر
حيااتي يكسروون الخاطر .
-----------------------------
_(14)_ الفرفووووووووشه والفروووووووحه.
يعني تحب الضحك والفرفشه والتعليق..النكد والطفش ماتعرف .وتتعب نفسياً اذا قعدت مع ناش ثقيلين دم وحتى لو كان مامعها احد يضحك ويسولف ...تورح تشوف وجهها بالمرااايه وتقعد تعلق على نفسها وتضحك وطبعا معلومه :اكثر هالنوعيه اللي يعلقوون ويحبون يضحكون على البنات فيهم عيووووب بالهبل يعني تشوف نفسها بعدين تتكلم)
>>>>على قول مطلع الاغنيه غض النظر ياصاحبي وامسك لسانك في حذر طالع عيوبك قبل ما تجرح احاسيس البشر<<<<
----------------------------------
_(15)_ اللي شايفه نفسها..
ياكثررر البنات اللي شايفات انفسهم...البعض من البنات يحق لها تشوف نفسها
لكن اللي مااااااا يحق لها ؟؟؟؟؟ على ايش شايفه نفسها .... ما ادري ؟!؟
ماتكلم الناس الا من طرف خشمها واذا تكلمت مع احد مستحيل تطالعه..واذا ردت ترد بعد بالموت ..غالباً هذي النوعيه من البنات ماعندهم سالفه . يعني مالها داعي من امها >> من امها =بقوووه
-----------------------------
_(16)_ راعية الطرب و والعرووس والشكشكه..
هذي النوعيه من البنات ماتماشي الابسجلها..واشرطتها في شنطتها ولا بعد كل انوع الاغاني تغنيها ياما (في البيت ،وهي تستشور شعرها ،في الفصل، في الحمام وانتوا بكرامه ،في الفسحه ،على البيت،في الباص ،ولا بعد اذا كان عندها جوال ماتسمع الاحق نفسها يعني تسجل صوتها واذا رن جوالها تسمع صوتها ولا والمشكله تعرف كل انوا الرقص يعني تعرف ترقص مصري عراقي شبابي ديسكو يعني جسمها متمرس .
--------------------------------
_(17)_ فــتاااانه..
هذي النوعيه تحب تشعللها وتحب تشبها بين النااس...يعني اذا صار موقف او مشكله تزيد الطين بله ولاتراقب البنات بالقاعه وتشووووووف مين اللي حاضر ومين اللي غايب ومين اللي ضحك ومين اللي تكلمت عشااان سيده للمشرفه ولا بعد يحرضونها على هذا الشي (ياسمجهم..ياثقل طينتهم) اوووووووف.
-------------------------------------
_(18)_ التبذيـر..
اغلب البنات مبذرات...قليل البنات العاقلات واللي يحافطون على القررررش ... طبعا تجيك تقعد على التلفزيون عشان تصوت او تراسل او تهدي ..واعاد انتظروا آخر الشهر لين تجي فواتير الجوال ياويلها .
---------------------------------------
_(19)_ الغيوووووووره.
الغيره وما ادراك ما الغيره
كل البنات غيورات لكن نسبتها تختلف من وحده للثانيه ...يعني بعضهم غيرتها شينه ويبان عليها أما بالنظرات أو بالكلام ...ولا بعض الآخر لا ..وفيه غيره عن غيره.
بعض البنات يغارون..لكن يحاوولوون يطوورووون انفسهم لنفس مستوى اللي يغارون منهم ..وهاذي غيره زينه..
لكن البعض الآخر يغاروون ويحشووون ويحقدووون وبس وهذي الغيره ارجووا الحذر منها والشينه اللي بتسوي كذا .
--------------------------------
_(20)_راعيــــة السوووق.
هذي دايــم دوووم بالسوووق ..لو ماتشتري بس تروح للسوق هذي هي هوايتها ونسبتها ماشاء الله كبيره جداً .
------------------------------
_(21)_ الطبيـــخه..
ماتسولف الا عن الطبخ والمطبخ والمواعين وماتروح عند احد الا وصنف من اصناف الطبخ سابقها الله يعينها طبخي بس بحدود .
-----------------------------
_(22)_ العنااااد.
بعض البنااات عنيدات وممكن انها تسوي شي يخالف عاداتها وتقاليدها عشان تنفذ اللي براسها ..كذا عناد بس ..وعلى فكره ...ترى اغلبهم عقاارب .
-----------------------------------
_(23)_ ام دمـــعه..
هذي لو تقولها ..بخ..بكـــت
دمعتها قريبه وعلى طوول تبكي وياشينها
المفروض تصير دمعتها عزيزة عليها مو أي شي يبكيها
بس القهر اذا الوحده ماتبي تنزل دمعتها عشان موقف وتنزل ذا الدموع غصب.
-----------------------------
_(24)_ ماتهااااب.
بعض البنات شخصياتهم قوويه مررره وماتها ب شي ولا بعد لحطت شي براسها تنفذه لو حتى فيها مغامره في الغابات ولا بعد تعطي الوحده كاش يعني مثلااا اذا خصرت مريولها والمشكله ان المشرفه او المرشده الطلابيه عندها بنت في نفس المدرسه تجيها وتقولها غيري مريولك تقولي غيري مريول بنتك بعدين تعالي كلميني وعاد ذيك تنطم وتسكت وتقعد تتحلطم فكذا البنت هذي اموووت فيها عشانها تكسر راس المرشده وتراااها كثيير من هالنوعيه في كل مدرسه تلقا هالنوعيه لكن اللي يصاحبها يوووه تروح في داهيه واحيانا من هالنوع تكون عندها واسطات يعني تعرفون انتوا .
>>>قريباً صفات معظم بنات فصلي والخبال حقهم وبالتفصيل الممل .
<<< تحيــــاتي لولوه >>>
بجنازتي ابي اول الحضور انت
وإذا غطاني التراب ابيك
آخر من يمشي ....
وعلى قبري ابي شمعه تضويها بصمت
وابي دموعك على خدك تبلل
تربة رمالي..
وابيك تكتب..
’’دنياه تابوت وروحي فيه مدفونه ..ادور الموت مااقوى اعيش من دونه..‘‘
مواقع النشر (المفضلة)