سرقوا قصة بداح العنقري التميمي في مسلسل (عيون عليا)
بسم الله الرحمن الرحيم
السلام عليكم ورحمة الله وبركاته
السالفه وما فيها
واحد بدوي اسمه سطام ترك البداوه لسبب معين وراح مع تاجر قروي واشتغل معه يذهبون يبيعون بضاعه عند البدو(فيه روايه تقول ان بداح كان يذهب بنفسه يبيع تجارته عند البدو طبعا الروايه خاطئه ولا يقبلها المنطق ولا القبيله ولا العناقر لان بداح كان اميرهم ذاك الوقت فكيف امير ثرمدا الي تعتبر من اغنى بلدان نجد يذهب بنفسه يبيع تجارته على البدو والروايه هذي ايضا مب معروفه عند العناقر وعندنا وعند اهل ثرمدا,,,)المهم سطام عايرته بنت شيخ القبيله اللي كانوا يبيعون عندهم بحضارته وقالت له انت قروي (زين تصفيح)وبداح في قصيدته يقول ,,,
وراك تزهد يا اريش العين فينا
تقول خيّال الحضر زين تصفيح
وبعد ما قالت له انت زين تصفيح راحت بعدها بكم يوم تشتري من عنده قال لها قصيده لكن ليست لبداح ومعنى القصيده لاني ما احفظها اني ما ني بقروي انا بدوي فارس ما نيب من اهل القرى اللي هم عكس ذالك(وهذا غلط ثاني في حق اهل القرى كلهم لانهم اشهر الناس في الشجاعه والاقدام والعزه ولا يرضون المذله,,, طبعا ولا يهونون الباديه لان الفعل مقسمٍ بين الوجيه المفاليح كما قال بداح )وبعدها جاء عليهم غزوا وشيخ القبيله اللي يبيع عندها سطام مع معزبه الحضري كان ذاهب مع كثير من جماعته لإقامة صلحه بين قبيلتين متحاربتين عند عد ماء(وهذا خطأ ايضا لا نقبله فليست من شيم الفضول ولا العرب ان يغزو على القبائل بدون ما تنبه القبيله اللي يبون يغزونها وبدون ما يكون شيخ القبيله وجماعته موجودين)وكانت البنت اللي تقول بالامس لسطام انك قروي تندب وتصيح في قومها والفرسان فقال عقيد القوم الغازين على قومها لواحد من ربعه رح وسكتها وراح وسل عليها السيف(طبعا القبيله اللي دافع عنها بداح هي مطير والقبيله الغازيه الفضول ولا نحن ولا الفضول نرضى ان يطلع واحد من فرسان الفضول بهذا المنظر وهم معروفين بالمرجله والشيمه والشجاعه)طبعا وهذا سال سيفه عليها جاء سطام بين عيونها وندبته ودخلت عليه وكان قاعد يحاول يروح ينجدها إلا ان معزبه القروي كان يمنعه ان يدخل في المعركه(هنا ايضا خطأ في حق اهل القرى لا نرضاه ابدا ابدا)فدافع القروي عنه وراح وقتل الفارس اللي كان سال سيفه على البنت وبعدها راح لعقيد القوم الغازيه وقال له انت ما فيك شيمه كيف تامر واحد انه يسل سيفه على مره فرد عليه ذاك ابعد عني واقصر الشر انا مانيب حولك ولا ابيك انا ابي واحد ثاني وقال له تعال وما اهتم سطام بكلامه وسل سيفه عليه وحط السيف في جنبه لكن الرجال ما مات رجع لجماعته صويب وبعد ما رد سطام الغزو ورجع شيخ القبيله جائو الفرسان بالقلايع ورمو بقلايد الخيل عند الشيخ وكل واحد قال هذي كسبي وذا فعلي ولما سمعت بنت الشيخ الكلام قال لا يبه وله ما ردهم الا هالنشمي(طبعا هذا ايضا اللي صار في مجلس الشيخ من اعتراف البنت لسطام من احداث قصة بداح).
وانا اتمنى انهم ينفضحون في كل الجرايد
وان العناقره اهل اربد يفضحونهم في الجرايد ويكتبون ايضا في الجرايد السعوديه عن هالموضوع
على العموم شوفوا حلقة اليوم لان سطام الى الان عند القبيله وممكن يقول قصيدة بداح
تحياتي
مواقع النشر (المفضلة)