بنت البـــــــــــــــدوووو ...........
قصيده لا أريد المقدمات فيهــااا ....
ولكنّهــا تحكي حالها وقصتــها بنفسهـــا .....
صلوا على النبـــــــي ..........
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سقت الحروف مزبرقه بالزباريــق =إمزبرقــه لصوب بنت الرجاجيـــل
بنتٍ على العليّا وبنت المطاليـق = بنت الرجال الوافيه والحلاحيـــل
بنت البدو هالزيــن بين المخاليق=بين العذارا وافيه حيل بالكيــل
شفت العيون مبققه حيل تبقيق=والله مالمت العيون المخاييل
كلن يناظر حسنها زين تدقيق=وان سلهمت بالعين طحنا بلا حيل
النور فيها مثل شمس المشاريق=والعين سود العين حلو المكاحيل
والنطق زين القول بين المناطيق=والعين ترمش بالرموش المضاليل
حطيتها بالجوف وسط المعاليق=حبيّتها بالحيل بالحيل بالحيل
بنت الشرف والطيب قلته بتوثّيق=ذربه ولا فيها شكوكٍ ولا ميل
حبيّتها بالشرع والدين تصـّديق=وإلاّ الردا ماحنا لصوبه مقابيل
بغيتهـا للبيت تشريفٍ يليق=معها بكمل نصف ديني تكاميـل
يابنت انا جيتك بصافي معاليق=وابغا وصالش يوم قطع المواصيل
يابنت انا رجّال فك المخانيق=واخذي وصوفي كان ودش تفاصيل
من لابتي قحطان ترقى شواهيق=والفعل فعلي يوم غيري على القيل
يابنت انا ضحّاك في حزة الضيق=ماهمني والـلــه وقت الغرابيل
حلّقت صقرٍ فوق الأخيار تحليق=ولاني بجالس مجلسٍ بالمهابيل
شاعر ولي وقفات يم الطواريق=واصوغ قافي واحتمي بالمواويل
ومهما يكون انا ترا من مخاليق=وماغير وجه الرب كامل بتكميـل
والله يجيرش من صدوف التوافيق=ثم اقبليني يوم جتك المراسيل
بس اعرفي قلبي تعلّق بتعليق=وإنّي احبك حيل بالحيل بالحيل
وسلامتكم
سعــود[/poem]
رد مع اقتباس
المشاركة الأصلية كتبت بواسطة سعود القحطاني
مواقع النشر (المفضلة)