منوعات من أختيـــاري .....
[align=center]
قصــــــــــــــائـــــــد اتمنى ان تعجبكــــم ..
الشــــاعر :
"" نـواف المزيريب ""
((( فمـــــــان اللـــه )))
"""" صوتيـة """"
.
.
.
.
.
.
.
فمـان الله يـا لولـو بحـر ماجـابـه الغـطّـاس
فمـان الله يـا أصـدق وأبيـض قـلـب حبيـتـه
فمـان الله مـا قلتـه وأنـا صامـد رفيـع الـراس
فمـان الله (مهـزوزه) عشانـك يومـي أطريـتـه
فمـان الله فـي دنيـاً سعـيـده كلّـهـا أونــاس
هـذاك الـدرب ينتضـرك وأنـا دربـي تنصّيـتـه
نهايـة دربنـا بـاب(ن) تكاثـر عنـده الـحـرّاس
نهايـة دربنـا لغـز(ن) رمعتـه لـكـن أخطيـتـه
نهاية طيب/ في صفحـة وفـا/ وختامهـا نومـاس
وأدوّن قـصـه تجمعـنـا بكتاب(الصدق)سميـتـه
صحيح (أستأذنك) صعبـه ولكـن تتبعـه (لابـاس)
حروفـك داخـل أعماقـي بـدم القـلـب خطّيـتـه
وأنا 00إخترت الفراق المر ورضيت معانق الهوجاس
وخاويـت السهـر والنـوم هاجـرتـه وجافيـتـه
عشانك يابعـد عمـري / عشانـك يابعـد هالنـاس
عشانـك يابعـد حـي الشمـاااال ويابعـد ميـتـه
فديتك00 (زهرةٍ) فاحت وفا/ وإستنعـش النسنـاس
فديتك (مهرةٍ) شوفـه شفـا/ وشلـون لـو جيتـه
فديت (الشفتيـن) اللـي يحرسـن لمعـة الألمـاس
فديت (الوجنتين) اللـي يغـار الصبـح مـن ليتـه
فديت الطـول مـع خصـرٍ تمايـل ضامـرٍ ميّـاس
فديت الزول لو بوصف تعبـت أوصـف ولا أوفيتـه
فديـت الشامـه و رمـشٍ طويـل وناظـرٍ نعّـاس
وشعـرٍ ضاعـت إيدينـي بسـواده يـوم فلّيـتـه
فديتـك كلّـك ولجلـك حروفـي تتعـب القرطـاس
فديتـك كلّـك وكلّـي مشـاعـر لـكـن أزريـتـه
أجل وشلون أترجم لك مشاعـر مـا لهـا مقيـاس
وشاعـر جامـعٍ هـم الليـالـي فــي تناهيـتـه
وأنا لامن عشقت أعشق على وضح النقـا نبـراس
بدويٍ لا سمـع طـاري الخيانـه ينتخـي (صيتـه)
ياليتك طيف في بالـي تلاشـي بحضـرة الجـلاس
وقلبـك ماعـرف قلـبـي ياقلـبـي آآآآه ياليـتـه
زمن قاسي00بشر أقسى00قلـوبٍ مابهـا إحسـاس
زمـن حلّـل قتـل طفلـه وطفـلٍ لاهـي إف بيتـه
زمـن فيـه الوفـا كلمـه تخـط بأبيـض الكـرّاس
زمـن لـو نـزّل دموعـي يسمعـنـي زغاريـتـه
حبيبي00دامهـا شـادت بجوفـي مملكـه للـيـأس
أبـي تقـرأ نهايـة درب علـى شانـك تمطّيـتـه
خلاص (أستسمحك) برحل كما حـرٍ كفـخ قرنـاس
نصيـت الـدار يـوم الــدار نادتـنـي ولبّيـتـه
بقالك كلمتيـنٍ تحتهـن خـط ومـا بيـن أقـواس
(فمان الحـب) يـا أطهـر وأبيـض قلـب لاقيتـه
============================
.
.
.
.
الشــــاعر :
(( وليـــــــــد المــــــالكـي ))
.
.
.غفى واستجمع أحلامه,, تغافل كل سكّاته..
جذب آآآآخر تلابيب السما بيديه.. واطلقها..!!
" عبث ",, حاول يدس الشمس بكفوفه لنظراته..
" عبث " غافل بنظراته كفوفه لجل يحرقها!!
" سخافة " واعتبر نفسه تعدى صدق نياته..
تصور إنه أذكى من وصل للشمس وأرّقها!!
ولا ادري زلِّتهْ عدَّتْـه,, أوْ اْنه عدّ زلاته..
ولا ادري غرّقَتْهْ ظْنونَهْ.. أو هُوْ همّ يغْرِقها..!!
" جهل ",, صاغ العمر لذه,, واسهب في ملذاته..
"وهم",, ضيّف غيوم الصيف.. وجاراها وصدقها..!!
"سذاجة",, صار يتعذر لها في قل طيحاته..
"سذاجة" حسّ في كلمة ((أحبك)) قبل تنطقها..!!
"ألم",, خلى الوله زهره.. وكسّر مزهرياته..
"أمل",, حاول يفتش عنْه,, وضحكاته.. ويسرقها..!!
"غبــا" لمّـا إتجه للريح.. وضيع اتجاهاته..
"ذكـا" يومه عرفها قبل وجـه الشمـس يخلقها..!!
"زهق",, جمع رسايلها,, دفاتر شعرها,, ذاته..
مثل جملة جرايد أمس حََرَقْهَا بس.. مْـ اْحرقها..!!
"ندم",, أو قل "تحامل" صار يبكي ويندب سكاته..
"ضجر",, واستجمع أصــواته.. وُهَمّ إنّه يشقّقها..!!
==================================
الشـــاعـرة :
(((( الغـريبــة شـــوق )))
.
.
.
.
حبيبي لو بغيت اسلا الهموم وخاطري يرتاح
من ابعاد الغياب تعوّد الذكرى وتغرقني
حبيبي والنهار اظلم بعيني 00وانكسر مصباح
ولو حاولت اعبـّـر لك / دموع العين تشرقني
حبيبي والعنب يغري .. حرام يلملمه سوّاح
حرام لغيرك يروح الشهد والنار تحرقني
حرام انك على باب الجنا وتضيّع المفتاح
وتطرقني هموم البعد وانت بعيد تطرقني
تعال اعصف بشرياني وصَحّ البلبل الصداح
تعال ارجوك و إمطرني غرام وشوق وابرقني
حبيبي والغلا يكبر بقلبي سنبلة فلاح
وانا اسقيها من الشريان لوّالموت يدرقني
حبيبي في بعادك سافرت عن عيني الافراح
ولا عاد بحياتي غير ( هم البين ) يسرقني..
==================================
وتحيـــــــــــــــــاتي للجميــــــــع ...
[/align]
رد مع اقتباس
مواقع النشر (المفضلة)