[ ملآذ ] من أجلِ أهلهِآ دفنتُ قلبي ..| عآطفيّه ~

[][ إحسـآس ][]

::..
صبآحكم | مسآئكم حب :24ar:
بريد اليوم عآطفي بِ الدرجه الأولى ،
ف أصيخوا مسآمعكم :25ar:..

....

الجنس / ذكر .. .. العمر / بِ العشرينآت .. .. الحآله الإجتمآعيّه / أعزب .،

عندي مشكلة محيرتني كثير وتعبتني وأبي لها حل ،
أنا أحب فتاة وهي تحبني وكلنا نحب بعض.
بقول لكم شلون بدأ هالحب,أنا شاب وسيم وعلاقاتي الإجتماعية ممتازة جداً
وفي يوم من الأيام اتصل جوالي وأرد إلا تكلمني هالبنت.وقالت أنا احبك.
انا وللأمانه مالي علاقات أبد وكنت محافظ نوعاً ما ومراهق وماجربت هالحب اللي يقولون عنه الناس .
استمريت معها بالكلام حتى حبيتها
ولما قالت لي إسمها انصدمت أكثر إني أعرف عائلتهم بس من بعيد .
حاولت أبتعد عنها . بس الشيطان كان أقوى مني واستمريت معها وضميري كان يأنبني ويقول :
كيف تستمر معها انت ماتستحي على وجهك. انت تعرف أهلها . ،
وكنت أصارحها وأقول متضايق من علاقتي فيك انا اعرف اهلك ..
وتقول لي أنا احبك وميته فيك.لما تقول لي هالكلمة أضعف ..
استمريت معها قرابة السنة. مكالمات جوال وأشوفها وتشوفني . لكن ماحصل بيني وبينها أي شيء
حتى جاء اليوم اللي حسيت إني شخص ماعندي شهامة. كيف أعرف بنت وأنا اعرف أهلها.
كلمتها وقلت لها بالموضوع وإني ما أقدر أستمر معها
بكت وبكت وبكت وبكت حتى انقطع الخط
رجعت كلمتني وبداخلي أحتررق وأنا اقول لها ما أقدر استمر معك
تقول بس أنا احبك. قلت لها والله حتى أنا احبك
بس حبي مايخليني أنسى شهامتي ورجولتي
واللي أسويه معك مافيه شهامه أبد ومايسويه الا الأنذال
انهيت هالعلاقة بصعوبة وبمعاناة شديدة .
والان يمكن سنة كاملة ماسمعت صوتها أبد . لكن هي يمكن سمعت صوتي
المشكلة موب هنا. المشكلة بشكل شبه مستمر أشوف أحد من أهلها. وقلبي يتقطع لاتذكرتها
أحس إني تعبت خلاص. أنا ماصدقت انسى هالحب
لدرجه حذفت كل شيء لها كان عندي. من هدايا وكل شيء
أبي أنسى ما أبي اتذكرها
بس أشوف ناس تذكرني فيها . دايم توصلني رسايل من أرقام مجهولة. مكتوب فيها إنت بخير .؟
قلبي يقول لي إنها هي اللي ترسل. أرد برسالة واقول ايه بخير. ابي اطمنها بس ولاحتى أسال من انت
مشكلتي كيف أبنساها ؟؟
لحد يقول لي تزوج. انا مازلت طالب ولو أقدر اتزوج كان تزوجت
أخاف أرجع لها.
يأهل الهوى عندكم حل ؟؟

......

:25ar:

[][دمعه يتيمه][]

حالو انك ماتقابل اهلها


وغير رقم جوااالك

اذا تبي تقطع العلاقه نهاائي



والله الموفق

[Locked Heart]

مسآء الخير

:25ar:

المشكلة صحيح صعبه

لكن أسمح لي أخي أنت غلطآن من البدآية !

صحيح ترآجعت لكن كآنت خطوتك متأخره كثير ...

عموماً أحسنت لتدآرك خطأك

طبعاً أولاً وأخيراً أوصيك بالتمسك بِ الدين من كل النوآحي

الصلاة ،الإستغفار ، الصدقة ، الأذكار ، الدعاء وغيره

وحآول كل ماتذكرتها تستغفر و تستغفر وتستغفر ،

صدقني إذا تعودت بتبدأ تحس بالإرتيآح

شيء ثاني

أنآ ودي اسألك سؤال مهم جداً

أنت تبي ترتبط بهالبنت أو لا ؟

عشآن تقدر تحدد وين تتجه بالضبط

إذا ماكنت بترتبط فيها لسبب منك أو سبب فُرض عليك

فَ عليك بالصبر و إشغال نفسك بالدراسه وغيره ، والله بيعوضك بغيرهآ

أمآ إذا كنت بترتبط فيهآ ونآوي على هالشيء ومتأكد 100%

فَ حآول أنك تجتهد وتتصبر إلى أن تصبح قآدر على أنك ترتبط فيهآ ،

و تذكر أن الله يراقبك ، فَ علآقتك فيهآ ومايربطك فيهآ شيء بتأثم عليهآ

وتذكر أيضاً أنك مآترضى على أختك فكيف ترضآه على بنت النآس ؟

عموماً أنآ مآودي أكون ثقلت أو قسيت عليك بالرد

أتمنى لك التوفيق

قوآك الله :25ar:

-

[شبيهة المطر]

عنديْ قَناعه بِ أنَّ الحُبْ على طريقتكْ ، ينبغي أن لاينمو أبداً !

إذاً تَجاهل كُلْ ذلك لأجلها ، فأنت مَن علّقتها بِكْ
أنت مَن سَمحت لها بِ أن تتمادىْ ! لو أغلقت الخط من أول ماعرفتَها كَانْ !
وكَان فعل مَاضيْ ، لن تُعيده !
تحمَّل إذاً
تحمَّل كُلَّ ذلكْ ، وإيَّاكْ أن تَعود لها ، فَ يوماً مِنَ الأيَّام سَ تتزوَّجْ ! سَ يُأنبَّك ضميركْ مرةً أُخرى!
وَ سَتعود لِ تبكيْ عليكَ أيضاً كَما تركتها أوَّلَ مرَّه
أحسبها بعقلك لا بِ قلبكْ
جميعنا تَخلَّينا عن مَن نُحب ، وأكملنا ذَلِكْ في خَيالاتِنا

/

إن صَلحت ظروفكَ يوماً ، وَأردتَ الزَّواج ، لما لاتَكون هيَ إذاَ ؟
أهدأَ الله قَلبَكَ بِ النَّسيَان




/


إحسَاسْ ، يَ حنونهْ :24ar:

[!..أنفاس الفجر..~]

ماعليش دام تقول لا تقولون تزوجها لأنك فقط طالب !
للأسف ماعندي حل ؟
كانت بنت الناس لعبة عندك كلمتها
وتسليت معها سنه وشفتها وبالأخير تركتها حتى أسبابك اللي جعلتك
تتركها غير مقنعه ..
حلي بيكون للضعيفه اللي عطتك قلبها وحبها اتمنى ماعاد
ترسل لك وتتواصل معاك ويكون شعارها
{من عافنا عفناه لو كان غاالي }
ادري ردي قااسي لكن أخونا في الله مايبي
نقوله تعال بالحلال وتزوج او على الأقل املك عليها يبينا نطبطب عليه نقوله
اوقف على الأطلال وحاول تنسى
شكراً احساس مازالت القضايا هنا تدهشني im3لقلبك :25ar: