اهليين
كيفكم اليوم قررت اني اكتبلكم موقف صار معي وابي رايكم انا غلطانه بالي صااار ولا لا
الموضوع بختصار عندي بنت عمتي وهي اقرب الناس لي بعد وفات ابي تقربت منها زياده بس احيانا احسها بعيده عني مع ان كل المشاكل اللي تصير احنا سببها احنا اربع بنات كل ثنتين قريبات من بعض يعني انا وهي واختي وبنت عمتي الثانيه وعلاقتنا ببعض مره قويه ....المهم قبل سنه حسيت ان بنت عمتي صااارت مره بعيده عني صارت ما تفهمني صارت بيننا مشاكل كثيره صرت اتنرفز منها صارت علاقتها باختي اقوى من علاقتها بي وبصراحه انا من النوع الغيووووور مررررره والشي اللي ملكي ما احب احد يشاركني فيه وهذي مشكله مو قادره اني اعالجها المهم صارت المكالمات اللي بيننا قلييله مرره وكثرت مكالماتها لختي وبصراحه عصبت مررررره و واجهتها وصارت تبررر لي باشيا سخيفه مثل انتي تغيرتي ليش صايره حساسه ولا انتي ما كني مو جوده ولا كانت اختك تسالني ........الخ المهم واذ صارت اي سالفه اكون اخر من يعلم فيها<<<<متعوووب عليها
والصيفيه هذي سافرت لمصر وقبل لا اسافر قرارت اني اغير معاملتي معها يعني كل اللي تبيه اسويه وانا بمصر كلمت اختي وقالتلها انها مسافره جنوب افريقا ومن هنا بدات المشااااااكل مره اختي ارسلت رساله من جوالها لجوال بنت عمتي ورد عليها برساله ولما شفتها بالماسنجر قامت تهاوشني علشاني ما ارسلت ولما قلتلها انو جوالي مقطوع قالت مو سبب المهم بعد فتره لقيت رساله بالاميل منها بس الصدمه الكبرى انها مو لي الرساله لختي وهي ارسلتها بالغلط لااميلي ولقيت كلام كثير لختي
انا عصبت انو ليش ما ارسلتلي وانا مرسلتلها الرساله علشان اتطمن عليها والقهر انو الرساله عنوانها اسم اختي وكلمت مشتاقه لك مرررررررررررررره رديت على الرساله بدون ما اعلم اختي انها جتني رساله من بنت عمتي وكتبت بالرساله شكرا يا.......
على الرساله الحلوه اللي ارسلتيها بالغلط شكلي ما كنت بالقائمه لما ارسلتي الرساله
تدرين اظاهر اني غلطانه لما حسيت بلحظه انك قريبه مني وانك اقرب الناس لي
وشكرررررررررررا
المهم صرت انتظر الرد ما لقيت ولا رد سافرت اختي قبلنا بكم يوم وصارت مكالماتها مع بنت عمي كثيره وانا ولا عارفه اش يصير من وراي قبل رجعتي للرياض بيومين جتني رساله منها تقوووول
كل الناس حسو اني متضاااايقه اللي انتي وانتي السبب
ارسلت لها
ليش اش السالفه
ردت
وبكل برود تقوولين اش السالفه والله لو منتي حاسه مصيييبه
رديت لها
تكلمي لانها موصله معي
ردت
الحمد لله انها موصله معك لاني مو قايله الموضوع
رديت
براحتك مو لازم تقووولين لي الموضوع
وبعد نص ساعه ضاق صدري ماهان على اني اسوي فيها كذا دقيت عليها ماردت وبعد كم مره ردت
انا:الووو
هي:نعم
انا:كيفك
هي:الحمدلله
انا:اش السالفه
هي:من جد ما تعرفين اش الموضوع
انا:والله ما اعرف
هي:يا....اذا ماحسيتي اسمحيلي فانتي عديمه الاحساااس كلهم حسو الا انتي
انا:اوف اش السالفه
هي:انا لي اسبوع راجعه من جنوب افريقيا ولا قلتيلي الحمد لله على السلامه لا تتعذرين ولا تقووولين جوالي مقطوع لان جوال امك موجود وفيه اكثر من طريقه
انا:طيب انتي ليش ما قلتيلي الحمد لله على السلامه لما وصلت
هي:انا كنت بجنوب اقريقا
انا:اها يعني بس اختي هي الا يصل لها السلام مع الطيووور<<<تعرف تنكت وقت الجد
وانا مو لازم
هي:تدرين
انا:بدون ماتكمل الكلمه ضاااااااااااق صدري زياده وسكرت الجوال بوجها
بعد ربع ساعه فتحت الجوال لقيت رساله منها ومكتوب
انا مو وحده من صحباتك تسوين فها كذا راجعي نفسك يا........ تراني انا......
مو اي وحده
هذي هي الرساله سكت وعدا اليوم ولما رجعت صرت اتهرب من الروحه لعمامي علشان ما اقابلها ولما رحت سلمت عليهم كلهم بصراحه سلمت عليها وانا متضااايقه بس ما بغيت احد يحس انو فيه شي بيني وبينها المهم صرنا نسووولف عن روحتها اش صار وين راحت.................الخ
المهم جاء الجزا اللي تموت فيه اختي وهو الهدايا اللي جابتها من جنوب افريقا
لما طلعنا لغرفتها اول شي سوته هو فتحت دفتر وقامت تقرا قصيده كتبتها فيني على الموقف اللي صااار وتقووولي محد ضيق صدري غيرك يعني صااار اللوم كله على طلعت معصبه وقلت لخوي ودني للبيت
وانا بسياره ارسلت رساله لها وكتبت فيها
كنت اتمنا انك تفهميني زي اول يمكن اول تعرفيني اكثر وان كنتي تعرفيني راح تعرفين ليه سويت كذا
وارسلتها
وبصراحه انا سويت كذا لاني صرت اغار كانت عندي كل شي كنت لما اتضااايق اتكلم معاها حتى انها تفهمني من صووتي لو اضحك تعرف اني متظايقه واخر شي راح كل هذا والسبه هي ان اختي تقربت منها
والحين انا ما اكلمها ولا اروح عندهم فالبيت
هل انا غلطانه باللي اسويه ساااعدوني
انا ما كتبت لكم الا لان المنتدى عزيز على واحب المنتديات عندي
واذا صاارت فرصه بجييييبلكم القصيده اللي كتبتها فيني لانها انشرتها بمنتدى مع القصه ان شالله بجيبها لكم كامله
بس انتم ساعدوووني الله يخليكم im6
اختكم احلا عيون
مواقع النشر (المفضلة)