لاتنشغل فيني أنا بحالي ادرى
لاتنشغل فيني أنا بحالي ادرى
.......................قلبٍ تعلّق فيك ينسى مع الوقت
اكثرمن اللي صار لي ويش يجرى
.......................بين الرجا والياس فكري تعلّقت
مثلي ولو شفته عن همومه ازرى
.......................ما قال ليتك في جروحه ترافقت
هاك القصايد لاتضايقت واقرى
.......................شف وش كثر فيها لبسماتك اشتقت
أثرالوفا ينباع عندك ويشرى
.......................ما كنت اصدق فيك واليوم صدّقت
يا مشتهي فرقا المواليف حذرى
.......................تبعد وأنا من سكرة الحب ما فقت
لاطافت الفرصة تحريت الأخرى
.......................وتروح ما كني عليها تشوقت
ساري لو إن الليل ما فيه قمرا
.......................أشيل من حمل الهوى فوق ماطقت
لاصار حظ أقشر والايام قشرى
.......................مافيه احد عاقل يلومك إليا ضقت
صحيح بعض الناس فرقاه بشرى
.......................وبعض البشر لاغاب ليله تضايقت
ليتك خذيت بليل الاحباب مسرى
.......................غربت من كثر الطواري وشرّقت
السيل يبقى له على القاع مجرى
.......................ويبقى لك التذكار لو كنت فارقت
اشوف لك من وين مارحت ذكرى
.......................ولاشفتها صديت عنها ودنقت
ما كل جرحٍ لاخذا أيام يبرى
.......................بعض الجروح يزيد شره مع الوقت
متعب التركي
مواقع النشر (المفضلة)