][ كــــــــذابـــــــيـــــــــن !! ][

[¶ بــآريــس ¶™]

السلام عليكم ورحمة الله وبركاته


كيفكم ؟؟

المهم ندخل بالموضوع

انا عندي اصدقاء كثييييييييييير .. بس مو ذا المهم ..

اللي ابي اوصله ان بعضهم نصابين " كذابين " بس المشكلة وهو يكذب انا ادري انه يكذب بس ما ودي اقولة انت كذاب احسها مالها داعي !!

يعني فيه ناس في النت بعضهم او فالمنتدى يقول شي وادري انه كذاب عادي اعطيه جوه ..

بس المشكلة لما يكون صديقي خارج النت وانا معه اغلب الوقت ويقول كذبة وادري انها كذابة وعشان ما احرجة اسكت .. عاد كثير وربي ..

فيه واحد قلت له عن هالشي قال لوني منك الطسة " اقولها في وجهه انك كذاب "



تخيل انت مكاني وش تسوي إذا كان اللي يسولف عليك كذاب وانت تدري ؟؟

اكيد مرت عليكم مثلها ..



باريس ,,

[عسووولة]

اذا كنت قليل اسولف معه بسلك له
اما اذا كنت كل يوم معه اكيد يا بوضح له او اقوله
لان احس ما اقدر اتحمل ان احد يجلس ينصب علي كل يوم لا وشي واضح بعد

يسلموو باريس

[شموخ أنثى]

وعليكم السلام ورحمة الله وبركاته

ذكرتني بوحده باريس من مجتمعنا كل ماقولها شي تقول ايه حتى انا


وكل ماسرد لها موقف تجيب موقف وتسوي نفسها انه حاصل لها بعد


يعني ممكن تصادف مره مرتين ثلاث لكن ان كل مواقفي تحصل لها بعد هذا اللي مو معقول !!

وأصلا ً هي مشهوره بمجتمعنا بالكذب والكل عارفها

بس والله انا عادي اسمع واطنش

ولا اغير السالفه ماعلق على اللي هي تقول لأني ادري انه كذب

واحس انه مرض فيها مالومها ولا اعاتبها

وياكثر ماتفتضح وتتفشل بس ماتتوب

ابصم انه مرض لأنه مو طبيعي ابد ابد ياباريس


لأنه احيانا ً كذبها يكون خيالي مايدخل المخ !!!!!


وفيه وحده ثانيه بس هذي انا مارحمها دايم افشلها لأنها داهيه وكل انواع الخبث تمارسه

وحركاتها ماتمشي علي وقسم افهمها اكثر من نفسي

واي تصرف تسويه ادري وش مقصدها منه

وهي عارفه هالشي لذلك ماتتجرأ تكذب قدامي بس انها تلعب بعقول اللي مايعرفونها


واذا حبت تعرف شي تمارس خبثها بأساليبها الملتويه يعني ماتسأل الواحد دغري


لا تروح تلف وتدور الين توصل للي تبي او انها تفاجئه

وتقول انت سويت كذا من كذا يعني الأشياء اللي هي شاكه فيها تقلبها حقيقه

عشان يعترف على طول والمسكين يحسب ان عندها خبر صدق

ويروح يعترف وهذا هو اللي تبيه

<< شطحت عن الموضوع بس والله من القهر

مره باريس ارسلت لها رساله بالجوال عباره عن مثل يبين لها اني فاهمتها

والله ماسألت ولا حتى استفسرت عن الرساله لأنها خايفه تواجهني

وهذا دليل على انها فهمتني وفهمت مقصدي من المثل


باختصار << كل هالقرق وتقول باختصار


باختصار وجوابا ً على سؤالك الكذابين عن وقاحه وخبث امثال اللي في بالي ان كذبوا لا والله ماني ساكته لهم


اما الكذابين عن عاده في الكذب اطنشهم واهز راسي تسكيته لهم وبس


وترى كلنا نكذب مافيه احد ابد ابد مايكذب

ولا كان ماتفرد الرسول صلى الله عليه وسلم بصفة الصادق


بس كذبنا في حدود ولدوافع ما

تشكراتي باريس

[Ju$t me]

وعليكم السلام ورحمة الله وبركاته

انا كمان صارلي مثل هذا الموقف وكثيررررر احيانا تصير من المقربين لكن مااقول حاجه امشي

الكذبه لان الكذب يجري فدمهم حتي لو تواجهم مافي فائده لكن اذا كان يضرك واجه احسن لك

الله يعطيك العافيه اخوي

بــــــــــاريس

[!..أنفاس الفجر..~]

باريس...
صباحكــ...ومساءكــ...ورد....
تدري عاااااد..مشكلتنا ننحرج..وصعب..نواجه الشخص بكذبته..؟
وربي لي صاحبهــ..أعزها ...وأقدرها...تكذب...عليّ...لكن كذب...مو عظيم...صرت أفوت لها...
أخاف أقولها أنتِ....مروووش{ كذابهــ..بلهجتنا}...وتزعل والا تأخذ موقف...
خلها على ربكــ...أصلاً....الدنيااا..صارت كلها ..أقنعه...ومزيفين...
طرح...واقعي..ومميز...لاهنت
دمت بخير لك:25ar:
وداعاً للحب