(((( خيــــــــال الفـــــــــكـــــر ))))

[البشري]

السلام عليكم ورحمة الله وبركاته

صبحكم الله بالخير جميع ..

أولا أعتذر عن طول الغيبه ,,, وأنتوا من الناس اللي يعذرون ,,, وأضع بين أياديكم هذه المتواضعه لعلها تحوز على رضاكم ..


[poem=font="Traditional Arabic,5,blue,bold,normal" bkcolor="transparent" bkimage="backgrounds/19.gif" border="none,4,gray" type=1 line=1 align=center use=ex num="0,black"]
طيفك يداعبني وشوقي يناديك=على خيال الفكر قمت أتحلاك
مثل سراب القايله شوق ضاميك=يضمى على شوفك ويروى ويضماك
متملك(ن) قلبي سواة المماليك=وأخاف أصبح واحد(ن) من ضحاياك
يابو وصوف تفكك المخ تفكيك!!=ياجعل ربي مالمقاريد ياقاك
لاجيت أبوصف خايف(ن) ما أوفيك=كلك حلى .. من راسك لحد ماطاك
ولا تلومني لاصرت أنا هايم(ن) فيك=حوريت(ن) لكن على القاع ممشاك
والله أحبك جعل مايوم أبكيك=وسعادتي مرسومة(ن) في محياك
تعال وأدخل في عيوني وأدفيك=لك رمش(ن) يدفي ولك رمش يحماك
ولك قلب ساهر خايف(ن) ما يأذيك=حكي الرموش اللي تحالف على غطاك
هذي مشاعر من يحبك ويغليك=ولو تطلب عيونه ترى من فداياك
فإن غبت ياقافي عن ( الزين ) ما أبغيك=القاف في وصفه ترى من مزاياك
الله من عيون الحسد دوم يحميك=والله من صدوف المقادير يحماك[/poem]


وسلاااامتكم أخوكم // محمد بن زميع البشري

[مين على جرحي سأل]

الله يعطيك العافية وصح لسانك ماهذا الابداع غبت وعدت بحلة رائعة

[الحوراء بنت نجد]

الشاعر البشري

بعد غياب حياك الله---

لانعذرك يالبشري فقد اطلت علينا غيابك--

ولكن بهذه المعاني نرتقي معك لعذب البوح

صح لسانك -- وننتظر المزيد من تواصلك بعون

الله دونما غياب ---

هلابك--

[كلي وفى]

صـــح لسانك ...

والله يعطيك ألف عافية ،،

[حُـــلم]

[align=center]

البشـــــــــــــــري




صح لسانك




ولا هنت على الرائعة





ودي


[/align]