)*^^*(هموم بزران )*^^*(
-
-
-
-
-
-
-
-حياك
-
-
-
)( المقدمة )(
اه بس الواحد اذا تذكر ايام اول يتعجب ويستفهم لكن اخرتها يقول بزران
ومثلكم لا يخفى عليه >> متوب عليها
تأثير افلام الكرتون والمصارعة الصدقية حقة اول اللي تجي بالقانات الاولى
مب مثل اللي الحين اللي تجي بالقنات الثالثة يضرب في الهواء والثاني ينقز مترين ويتبعرص سنتين !! >> متعوب على السجع الولد نحوي
)( السالفة )(
هذا ياطويل العمر وياطويلة العمر >> ما تجي بس اخاف يزعلون علينا
كان عندي عيال خاله >> جاب جديد
وكنا انا وعيال خلتي وهم 3 وانا الرابع نجتمع في بيت جدتي الله يرحمها كان لنا غرفه وفي بيت جدتي مستحلينا وسميناها جحر التماسيح
>> والله من زين التسميه صدق تماسيح
وللاسف كنت زعيمهم لاني كنت كبيرهم وكان عمري آن ذاك 9 سنوات >> ابعد على اللغة العربية يالكبيررر
عاد الواحد منكم يقول بنفسه وش بالغرفه اللي مسمينها جحر التماسيح ..
سؤال وجيه >> ابعد يالقرداحي >> يسمع بالمقدمين
طبعاً اول ما تقبل >> تقبل بمعنى تتوجع اي تضع خشتك الى الغرفه >> ياهوووه قايلكم نحوي
على الغرفه تصقع بباب حديد مصدي يشبه باب المصمك اللي بالديره >> يبي يعلمكم انه قد راحله
اول ما تفتح الباب المصمك اقصد الغرفة
تدخل يقابلك فرن خربان مقلوع بابه >> يسمعون بتصليح الفيشار
وبتلقى ورى الباب قواطي ببسي وسبرايت زارفينها من سابرجال راعي البقالة اللي بحارة جدتي الله يذكره بالخير ..
هه اخبر اول يبيع لنا كوالتي التوت بريال ويوم درينا انه بنص جمعنا ورعان الحارة واتفقنا اننا مانخلي في البقالة حبة فصفص كلش زرف الله يغفرلنا بس ..
نرجع لسالفتنا ..
واذ بحلقت وناظرت زين بتشوف على يمينك باب صغير يطل على المطبخ>> العالم يقولون يطل على المسبح وانت المطبخ الله يصلح الحال
علشان اذا بدأ القصف قدرنا نخزن >> اه يا صدام
والباقي جلسه ..عادية
ومساحة الغرفة مترين طول في 1ونص عرض والارتفاع 5 متر علشان الواحد يبنط صح
المهم كنا نجتمع فيها وكانت هذي هي حلبت المصارعة لنا ..
نناظر المصارعة الليل ونصبح في بيت جدتي ويبدأ التطبيق العملي عاد شف تطبيق الورعان الله لا يوريك
اصبحنا ذاك اليوم اللي صارة فيه الحادثه المروعة >> متعوب على المروعة
دخلنا الجحر واستعدينا للمصارعة كالعادة
وجلسنا على الجلسة العربية >> زارفينها من خالي
علشان يعلمنا كل واحد وش اختار من مصارعين وشخصيات معروفه مرموقه >> ابعد على المرموقه
وبعد ماعرفنا الشخصيات الله لا يوريك سوينا قرعتنا وطلعت القرعة كالاتي
&&& 1 &&&
هوق هوقن ( اللي هو انا )
والخفاش ( ولد خالتي عزيز ) اللي بفلم كرتون حق النمر المقنع >> وصف كروكي ذا
&&& 2 &&&
وغرندايزر ( ولد خالتي الكبير انيس )
وهايدي >> هذا (ولد خالتي الصغير عماد ) المايع
والحكم ( اختي الصغيرة ) >>> خخخ الواحد اذا انهزم يطلع حرته فيها
بدت المصارعة ومامدى وخيتي تبدأ الا وهالخفاش قارمن أذني >> قارمن يعني عاض يعني مشععم خخ
يمين يسار اللجوء الى الحبل الإستعانة بصديق مافي امل الرجال شادن حيله ..
يالحبيب ياللبيب اشتريلك اندمي من البقالة وفك مررره مافي امل >> يموووت بالاندمي
إلين قلت بس يا ولد مالك الا الفرن المخروع بابه >> اخبار الفيشار
والله وجيتلك ماشي الفين واصقطه فيه >> اصقطه بمعنى ادخله او الفزه >> خل النحو لهله
واشغل الفرن الين قالي طف واشتريلك اندمي خخخ قلتله لا قل انا عمك >> بزران من جد
وبعدها طلعته ورحة فاكلك العدة وجبتلك بو جلمبو >> زارفه من الوالد
وافتح شارع براسه ..
الرجال قام وهو يخر دمامين راح يصيح عند امه ..
اف والله الوهقه وش نسوي ياعيال ..
قال انس يبن الحال اطلع منها امي واتفاهم معها ..
جت امه طايره وتناديني ..
لحوووووول وش اسوي .. يارببببببببببيه
اول ما اقبلت قال انس : يمه قضاء وقدر ومحد ميت قبل يومه وصبري وحتسبي ولا تنسين من لا يرحم الناس لا يرحمه الله ..
ما امداه يكمل الا واشوف شي طار من جنبي توقعته علق باطوق كنا نزبنه بالزاويه >> يحجرونبه النمل
واشوف الا واللي مر من جنبي انس !! >>> اف والله ياهو طراق
صراحة اول ماشفته قمت اصيح وركضة لمي وخالتي كافخه بالجلمبو وراي ..
امي شافتني اركض وخالتي وراي وزتني وراها وقالت لخالتي : علشاني ماعطيتس الحنا حقي الاصلي قمتي تحطين حرتس بالبزارين ياقليلة الادب .. >> والله من زين التفكير وش نقول شيبان
قامت خالتي تلجلج ولى اشوف انس يشرلي ويقولي تعال >> مسوي ذيب هالبزر
وانحاش بانسيابيه وتوازن وعبر زاوية تسعين قدرت انحاش >> ابعد يالنحوي !! >> امحق
قال انس عطينا >> عطينا بمعنى انحشنا او فركنا او فقعنا او هجينا او فركنا او او او >> اسئلوا اهل الخبره
والله واقضب باب البيت انا وياه والعطه ..
فركنا وقمنا ندوج بالشوارع هالكلام كان حدود اذان الظهر ..
صلينا وبعدها قمنا نكمل الدوجان >> بزر وعربجي
حدود الساعة 2 حسينا بالجوع ..
وش الحل يابن الحلال بطني يغرغر يا انس
قال انس : والله يالحل عند ربك توكل عليه بس ..
قالت : طيب لازم نفع الاسباب ..
قال : بس هناك اوقات ما تقدر تسوي فيها شي
>> قلبوها درس توحيد
المهم وبعد النقاش ومع زحمة السير و صفير قدر المضغوط عند مطعم المضغوط قررنا اننا نقوم بعمليت شحاذه على باب المطعم ان لقحة ولا ما ظرها الفحل >> يسمع بالامثال
والله جلسنا نطر عشر دقايق .. ربع .. نص .. ياولد محد عطانا شي كل اللي يدخلون حظارم ..
فكرنا شوي ..
قال انس مشينا نرجع لبيت جدتي بلا مذذلتهم ..
قلت : مافي امل يالحبيب امك تلقاها عند الباب تحتريني ..
وجت ببالي فكرة ..
ناكل وبعدها نفقع ! والله الفكرة شي .. اتفقنا ..
انس : اتفقنا
دخلنا وعينا من الله خير وطلبنا وتغدينا ويوم خلصنا ويربط كل واحد ثوبه وانحححححش مع الباب >> ايام البقالة تعلم اللي ما يتعلم
اول ما حسينا بالامان وريحنا ..
قلت لانس يبن الحال وددي اهظم مشينا لشارع الحوامل .. >> يمديكم على الحوامل
قال انس : قدام والقير عايدي >> قصده باللموزين
وصلنا وخذنالنا لفتين ومع اللفت الثالثه نغزت انس ..
التفت علي وقال : ياحيوان لا تتحرش >> تفكير سعودي افأ بدى يغلط
قلتله كل اترام >> يسمع بالكورة ..
قصدي كل ترابالمهم شف هالعبد اللي ورانا من زمان وهو ورانا ماغير تقل يلاحقنا >> قراوا يحسبون الشارع شارع ابوهم ومحد يدور الا هم
التفت انس وقال اي والله ..
)( الحادث المروع )(
من ما سبق ..( ... لا تتحرش >> تفكير سعودي افأ بدى يغلط
قلتله كل اترام بس شف هالعبد اللي ورانا من زمان وهو ورانا ماغير تقل يلاحقنا >> قراوا يحسبون الشارع شارع ابوهم ومحد يدور الا هم
التفت انس وقال اي والله ..)
وش الحل يبن الحلال ......
نعط >> بس اخاف مب كل مره تسلم الجره
ندق على الدوريات >> اخاف كلامنا يطلع خرابيط ويصير بلاغ كاذب ووش يفكنا من هالدوريات
اففف مشكلة ..
جاء انس وقال عندي حل خطيييير > اسمعوا الحل انما ايه
انا بأنسدح واتبعرص وامسك بطني وانت قل بصوت عالي ايدز ايدز >> يسمعون بالايدز الله يجيرنا وياكم والمسلمين اجمعين
قلتله يا حمار ايدز بالبطن قال ايه هذا اخر ما اكتشفه الدكتور ربيعة >> امحق فقشه
قلت مادامه الدكتور ربيعة وخاصة انه من سدير فهو صادق >> يبي يعلمكم انه من ديرته
قلتله خلاص ياولد ..تم.. طبق
...
طاح انس وقام يصوصي ويلعلع وماسك بطنه وانا اقول ايدز ايدز ...,
ويجيك هالعبد كافخ وفاقع >> صدق كمخه
ويشوفونه الناس منحاش وينحاشون يحسبون فيه انفجار ..>> مع الاحداث الله يجيرنا
ويقوم انس واجلس اظحك عليهم انا وياه ومادرينا الا والدوريات فوق راسنا
حنا : هلاا طال عمرك سم امر
الشرطي : وتضحكون بعد !
حنا : ماشاء الله اليوم غريبه جايين بدري يعني بالنية تصدق ناوين ندق عليكم بس هونا ارجعوا ..!
جاء انس ونغزني وقال اسكت لا يقول بلاغ كاذب جيناهم بالنيه وصارت نواياهم كاذبه ! >> صدقوا البزران الدوريات تدور اي شي
قال الشرطي : الحين ما تستحي انت وياه جالس تزعزع امن البلد !!
حنا : ترانا بزران شكلك غلطان تأكد >> اول مره اشوف بزر ويعترف انه بزر الى جاء الجد جد
قال : وتنكر الجريمه .. يالجندي ركبهم ..
يبن الحلال يالحبيب ياللبيب استاذي الكريم ... مافي امل
ودونا القسم وقال الجندي للضابط هذولي جالسين يزعزعون امن البلد ويخوفون المواطنين اللي بشارع الحوامل ..!
قال الضابط : كفوا يالسبع رح ترقية السنه هذي ! >> مشي ياوسطه
حطهم بالتوقيف ..
من بكرة في التلفزيون وفي نص ( مسلسل احلام هند الخشاب) >> تحس متابع من جد
وقفوا المسلسل وقالوا خبر عاجل ..
اعلن مسؤول بوزارة الدخلية عن القبض على ارهابيين يعملون تحت اوامر مجموعة من الرؤساء وقد تم رفع القضية الى مجلس القضاء >> فقاشين ما ودوا شي كالعادة
وصدر الحكم بالاتي .. القصاص على مجيد بن فلان الفلاني وانس بن فلان الفلاني
ونأكد بأننا ساهرين على راحتكم >> موبايلي عالم من اختياري
صراحة الخبر كان مروع للجميع ..
لـ خالتي اللي تحتريني عند الباب
لـ لبوي ولامي ولجدتي
وايضاً لـ هندي البقالة >> وش دخله
وللجميع المسلمين بالشرق الاوسط ..>> مادروا عنك
)( النهاية )(
من ما سبق ..( ... القصاص على مجيد بن فلان الفلاني وانس بن فلان الفلاني
ونأكد بأننا ساهرين على راحتكم >> موبايلي عالم من اختياري
صراحة الخبر كان مروع للجميع ..
وانا بالسجن وجالس اتحسر : اخ يا شبابي اللي راح >> نصاب توك بزر 9 سنين
اخ يا عسكريمي اللي بالفريزر ما كلته الى الان
اخ يا قروشي اللي بالحصالة من بيورثهن >> ابعد يالثروه كلها ريالين وربع
قال انس : يازينك وانت ماكل تراب >> قافلة معه
ومع الزحمة ذي كلها ..
جاء الجندي وفتح الباب وقال : امش ياارهابي انت وياه ..
حنا : وين بتودينا يالحبيب
الجندي : امش وانت ساكت بلا قرقه >> والله من زين الاخلاق
ودانا للضابط ..
جلسنا الضابط وقال : احمد ربك انت وياه الف مره
انس : نحمدوا ونشكروا >> قلب مصري
مجيد : ليش صار شي جديد خففتوا الحكم سجن مدى الحياة بدال القصاص ؟ >> يسمع بالاستلكاع
قال الضابط : لا اليوم صدر عفو من الامير عبدالله علشان شفاء الملك ..
>> هالسالفة كانت قبل موت الملك بيوم الله يرحمه ويغفرله ويوسعله بقبره ..
)( حوادث بعد سماع الخبر )(
>> وش زود هالمسلسلات اللي تختم مسلسلاتها بالاخبار ..
انس : (اول ما سمع الخبر جته جلطه ومات >> علقل مات بكرامته )
مجيد : ( حي يرزق وله ولدان >> خخخ وش الفايدة من المعلومة يامخرج )
خالتي : ( مازالت نايمة عند الباب تحتريني >> ياليل ما اطولك )
امي : ( متمسكه برايها الحنا منب معطيتس اياه لو تموتين >> شيبان اول )
عزيز : ( اثار الفلقه اللي بأبو جلمبو بدأت تروح >> طالعة من قلب )
جدي : ( عازم على الزواج من سورية >> عناد لابو براهيم جارهم بس )
عماد : ( مازال يحب هايدي >> العالم يكبرون وهم يصغرون )
هندي البقالة : ( سفروه للهند >> اكيد بعد ماصارة البقالة حديد )
تحياتي
مواقع النشر (المفضلة)