وش السالــــــــــــــــــــــــفة؟

[أم صقر]

السلام عليكم

بدخل بالموضوع على طول بدون مقدمات لأن مالي خلق

_1_

في السابع من شباط في الساعه الرابعه عصراً وعند بوابة السوق

أخوي: هاه متى أمرك؟

أنا: مدري إذا خلصت دقيت عليك

أخوي: طيب

ونزلت بكل عنفوان وعزيمه وأقعد ألف في السوق :173[1]:

ولأول مره في التاريخ أخلص في ساعه

المهم إني وبنفس العنفوان والإصرار أخذت شنطتي أدور جوالي وأدور يمين ؟ يسار ؟

مالقيته:9ar:

وينه؟ للآسف إني نسيته في سيارة أخوي:9ar:

الساعه ست وأخوي ماراح يجي إلا إذا دقيت

ياربييييييييييه ياحياة الشقى وش أسوي لحالي ؟:39ar:

ملللل

وبعد تفكير شديد مع إني نادر ماأفكر:28ar:

قلت مالي إلا إني أذب وجهي وأطلب جوال:28ar:

جلست جنب حرمه معها بنتها وميلت راسي كنايه على إني مسكينه وأنرحم

وقلت: ممكن الجوال :*؟

أدق على أهلي:*

ناظرتني من فوق لتحت وقالت بكل إحتقار وبصوت يخوف( مامعـي):9ar:
وقلبت خشتهاimages9

قمت وأنا أجر أذيال الهزيمة وأتحلطم وأقول في نفسي:إيييييه أما مامعك جوال يالتسذوبim5

عاد من زينه تلقينه يا كوبرا أحمر ولا العنيد:160[1]:

وش خايفه منه؟؟:9ar:
تخافين أسرقه وأنحاش ؟:9ar:

صرت شبهه :9ar:

يعني لو شكلي زي شكل بنتك لثام وكيلو مكياج راح تثقين فيني !!images9


سؤال: ليش ماعطتني الجوال؟ هل مافيه ثقه ولاوش؟:9ar:

_2_

في السابع من تموز وفي أحد الأسواق

<<<وش عندتس للاسواق..

قابلت صديقه عزيزه علي ومعها بنتها عمرها سنتين:173[1]:

أنا: ماشاء الله ياملحها والله وصارت عروس:confused:

وكان جوالي في يدي

أنا :لا..لازم أصورها

<<< أتميلح عليها

صديقتي وكأنها مقروصه: لا لا لا لا معليش صعبه:9ar:

أنا:هاه ..إيه ..طيب ..
:frown:
إلا ماقلتي لي من متى جايه للسوق؟

<<<<تصريفه:159[1]:

لحظتها سألت نفسي هي وش خايفه منه تخاف أنشره الصوره ولا أركب عليها صوره

لو كبيره قلت من حقها بس المشكله إن عمرها سنتين

سؤال: ليش رفضت أصورها؟هل مافيه ثقه ولاوش السالفة..؟؟

_3_

في الرابع من نيسان وفي أحد البيوت

دقت مزنه على بنت خالتها هيله

وبعد السلام والحش

مزنه: هيله من زمان ماسيرتيim5؟وش رايك تجيني بكره؟

هيله:أوكي

<<<<< مزنه وهيله وأوكي مدري شلون تركب:9ar:

بعد فتره دقت هيله تعتذر لأن أبوها رفض إنها تروح بعذر إنه في بيتهم إخوانها شباب

مزنه والتعجب بخشتها..

أولا الشباب إللي يقول عنهم عيال خالتك إللي كلهم ثنين واحد عمره 30 والثاني صك 40

يعني مو مراهقين وبعدين أنا وإنتي بنقعد في غرفتي إذا كان قصده نضايقهم

وأوعدك إن شاء الله إنهم ماراح يكسرون باب غرفتي ويهجمون عليك..

هيله: وش أسوي هذا أبوي وهذي أفكاره..

سؤالين:

1/ أبو هيله وش خايف منه؟وشلون يفكر؟وليه ماصار عند الناس ثقه ببعض والا وش السالفة؟؟

2/هل يوجد علاقه بين إسم هيله ومزنه وصيته...وإلخ وبين العنوسه

<<<<طسي بس

_4_
في التاسع من حزيران وفي دوله إندونسيا

وعلى المستطيل الأخضر وفي هجمه للمنتخب السعودي

يحتفظ عبد الرحمن القحطاني بالكوره لما ضاعت الهجمه

سؤال:ليش مامرر الكوره لياسر ولا مالك؟هل مافيه ثقه بقدراتهم ولاوش السالفة]

::





الخلاصه:

ليش حنا مجتمع خوافين؟
عندنا أزمة ثقه في غيرنا ودائماً نتوقع أسوء الإحتمالات !


وعندنا إن الغريب متهم حتى تثبت برائته

صحيح الحرص مطلوب بس مو لدرجه الهوس والمرض

الحمدلله إننا مسلمين نعيش أمن وأمان ونسبة الجرائم عندنا بسيطه جداً جداً

لكن إللي يشوف درجة الحرص والخوف يعتقد إننا نعيش في غابه

أجل لو نعيش في ميامي وش بنسوي؟


::

إللي فهم مقصد موضوعي يتفضل ويناقشنا :confused:

وإللي مافهم يقراه مره ثانيه وإن مافهم فيه إكس فوق يقفل الصفحه ويطلعim5

تحياتي للكل00

[-{ سآحبه ع الدونيا]

//

عليكم السلام ورحمـة الله وبركاته

تسلميـن أم صقـر

على هيـك موضوع

لـي عودهـ

//

سحووبـه

[حبيبتي حطمتني]

السلام عليكم ورحمة الله وبركاته

أهلا ً وسهلا ً أختي العزيزة

أم صقـــــــر

حركات والله موضوعك

بجاوبك على أسئلتك :

ليش ماعطتني الجوال؟ هل مافيه ثقه ولاوش؟

بعض الحريم تخاف يشوف زوجها رقم غريب في جوالها

أو تخاف يدق عليها اللي البنت متصله عليه مثل أخوها

أو تخاف ينسرق الجوال لأن منتشره وبكثرة ..

ليش رفضت أصورها؟هل مافيه ثقه ولاوش السالفة..؟؟

حتى هنا الثقة مفقودة يمكن الخوف من تنتشر صورة الطفلة

يمكن خايفه من العين بعد ..

1/ أبو هيله وش خايف منه؟وشلون يفكر؟وليه ماصار عند الناس ثقه ببعض والا وش السالفة؟؟

بصراحة له حق يخاف على بنته هالأيام ما في أمان

لا تلومينه يكفي اللي نسمع ونشوفه ..

2/هل يوجد علاقه بين إسم هيله ومزنه وصيته...وإلخ وبين العنوسه

لا بالعكس ما للأسم دخل وهيله أسم حلو زوجها أن شاء الله

بيدلعها هلهوله ومزنة مزنونة *_^

ليش مامرر الكوره لياسر ولا مالك؟هل مافيه ثقه بقدراتهم ولاوش السالفة

هو فيه حب بروز

ونسبة الجرائم عندنا بسيطه جداً جداً
لكن إللي يشوف درجة الحرص والخوف يعتقد إننا نعيش في غابه
أجل لو نعيش في ميامي وش بنسوي؟

أم صقر أنتي غلطانه الجرائم والبلاوي في أزدياد للآسف

الله يحمي أبناءنا وبناتنا .

تسلمين على الطرح الجميل والممتع

تملكيين قلم مميز .. الله يعافيك

دمتي بصحة وعافية

[دموع المطر]

وعليكم السلام ورحمة الله وبركاته ...........

حياك الله يام صقر .............. وحيا الله موضوعك


موضوعك بشكل عام يتحدث عن الثقه .صح كذا يالغلا ..............


خلينا نجاوب على اسئلتك .............. ومن ثم ناقش الموضوع بشكل عام



سؤال: ليش ماعطتني الجوال؟ هل مافيه ثقه ولاوش؟

عن نفسي انا عادي اعطي الجوال ................ لانها ماطلبته ودفقت موية وجها الا وهي محتاجه ومظطره ................. والحرامي يبان عليه

لاكن الناس الي ماتعطي فاكيد لها اسباب عدهـ

يمكن يكون الجوال عائلي ............. يمكت تخاف من الصرفيه

يمكن عندها في البيت شخص شكاك ....................... او تخاف ان رقمها ينتشر

ومثلك عارفه من خاف سلم ...................... وكلا له اسبابه ................

ويمكن هي ماعندها ثقه باحد ............... وهذا امر راجع لها .............



سؤال: ليش رفضت أصورها؟هل مافيه ثقه ولاوش السالفة..؟؟


................... ليش رفضت ؟ يمكن تخاف على بنتها من العين .................

او انها تخاف ان الصوره تنتشر ................. لاكن تركيب ومادري وشو

ماعتقد لانك قلتي انها صغيره واستنكرتي الشي هذا ....................

............... وبرضو لو كانت تثق فيك كان سمحت لك ................. اذا الثقه مهمه ...


1/ أبو هيله وش خايف منه؟وشلون يفكر؟وليه ماصار عند الناس ثقه ببعض والا وش السالفة؟؟

خايف على بنته يالغلا ..................

يفكر تفكير الاب .الحريص على بنته ............. وبليس ما مات ...........

.............الثقه موجوده ................. لاكن مو لدرجة التفريط

..........وبرضو قلة الثقه مو زينه وعكسها مو زين ......................

خير الامور الوسط ...........لا ضرر ولا ضرار ........................

*************************

يالغلا احنا صح شعب مسلم وبرضو محافظ بعد الدين تحكمنا عادات وتقاليد

الكل يعرفها ومايجهلها ........................ الثقه حلوه ونحتاجه لترسيخ قواعد شخصاياتنا

ولاكن بحدود ..................................

وصعب ان احنا نقارن بين حاظارتنا وبين حظارات الغرب

لنا قوانين تحكمنا وهم كذالك ............................

ولاكن شتان بينننا وبينهم

ولسنا بغابه ..................... ولاكن نحن في صراع بين الخير والشر

وبامكانك التئكد من ذلك من خلال مشاهداتك لارض الواقع ..................

نحن نعيش بئمان كما قلتي والحمد لله ................... ولاكن الامر لايخلو

واكرر لك من خاف سلم .............. والخوف في بعض الاحيان نعمه

.....واخذ الحيطه افضل من التسيب والاهمال

ومن ثم الوقوع في مالاتحمد عقباه...........................

هذه الثقه نطلبها ونعطيها لمن يستحقها

...................... ولاكن بروابط وظمن اسس صحيحه ...................

ام صقر / يعطيك العافيه على الطرح الجميل

ودمتي بـــــــــــــــــــود

[funny girl]

ام صقـــر موضـــوع روعــــة تسلميــــن
بـ النسبة لـ أســألتكــي

ليش ماعطتني الجوال؟ هل مافيه ثقه ولاوش؟
يمكن خــآيفة على جوالهــآ ويمكن خــآيفة
انك تكلميـــن شبـــآآب ( لآ سمح الله يعنـــي )
كثيـــر من الحريم مــآ يعطوون جوآآلتهـــم
لو ايش السبب راجع لـ طريقة تفكيرهــــم
بس اتوقــع لو طلبتي مثـــلاً من وآحـــد رآآح يعطيكــي هوآآ


ليش رفضت أصورها؟هل مافيه ثقه ولاوش السالفة..؟؟


اتوقـــع مــآ تبي صورة بنتهــآ تتنتشـــر
او انهـــآ خايفة على بنتهــــآ من العيــن والحســد

1/ أبو هيله وش خايف منه؟وشلون يفكر؟وليه ماصار عند الناس ثقه ببعض والا وش السالفة؟؟

ابو هيلـــة طريقة تفكيرة غريبـــة اكيـــد خــآيف على بنتــه
و الصرآآحة يحق لــة ..!

2/هل يوجد علاقه بين إسم هيله ومزنه وصيته...وإلخ وبين العنوسه ؟

اذا كـــآن الشخـــص يهتــم بـ المضــآهر
حيكوون فية عـــلآقة ..
بس اهم شيء الأخـــــلآق والأدب

ونسبة الجرائم عندنا بسيطه جداً جداً
لكن إللي يشوف درجة الحرص والخوف يعتقد إننا نعيش في غابه
أجل لو نعيش في ميامي وش بنسوي؟

صرآحة انتي غلطـــآنة النسبــة عندنــآ عــآلية مررررة
الله يحمينـــآ ويستر علينــــآآ بس

سؤال:ليش مامرر الكوره لياسر ولا مالك؟هل مافيه ثقه بقدراتهم ولاوش السالفة]

اتوقـــع هــو يبي اللي يسجـــل الهدف
مو مـــآعندة ثقــــة

ام صقـــر
عوآآفــــي