السلام عليكم ورحمة الله وبركاته ,
أنا طالب تخرجت من ثالث ثانوي بنسبه كويسه وتقدير جيدجدا وكنت أبغى قسم إداره في الجامعه وطبعا
جلست أحاتي النتيجه وإنها تكون بالتقدير المطلوب وكنت أضغط على أعصابي
الحمدلله طلعت النتيجه وكانت بنفس اللي توقعته , بعدين جلست أنتظر إسمي يطلع في القبوول ,
وتعرفون الجامعه تنزل الأسماء على دفعات وكل مره تنزل دفعه أترقب إسمي يكون فيها ولكن للأسف
يخيب ظني ولا ألقاه
وجلست انتظر وأحاتي إلى أن طلعت آخر دفعه والحمدلله طلع إسمي فيها ولكن في كلية العلوم وأنا أبغى
كلية الإداره فما حسيت بفرحة القبوول نهائيا
ورجعت أفكر وأضغط على أعصابي مره ثانيه , ومع الواسطات الحمدلله نقلوني في كلية الإدارة ,
بدأت الدراسه وسجلت المواد ودرست أول ترم والحمدلله مشيت ونجحت فيه , بعد كذا جاني القولون
العصبي وألآم في البطن رحت لأكثر من دكتور وكلهم يقولون لي الحمدلله كل شي سليم ولا فيك حاجه
وكنت لما أروح الجامعه أحس بقلق فضييييع لدرجة إني أول ماأدخل القاعه تزيد نبضات قلبي بدرجة
فضيعه ولا أقدر أستقر على مقعد الجامعه
وكنت حاط ببالي إني ممكن يزيد علي ألم بطني وأنا محكور بدكتور وطلاب ومحاضره ولا أقدر أطلع ويزيد
التوتر والقلق علي أكثر وأكثر
بعدين قررت إني أوقف قيد قلت يمكن نفسيتي تعبانه من ضغط النتايج والقبوول بآخذ راحه ترم والسنه
اللي بعدها أكمل
جات السنه الجديده وفكيت القيد وسجلت المواد ويوم بدآ أول يوم دراسه رجعت لي نفس الحاله
قلق شديد شديد أول ماأدخل الجامعه وإضطراب في نبضات القلب وصرت أغيب عن المحاضرات يوم
أجي ويوم ماأجي
وكنت أفكر بالمستقبل وكيف راح ألقى وظيفه وأنا ماعندي إلا الثانويه ويمكن حتى لو جاتني وظيفه يجيني
هالقلق ولا أقدر استمر حتى في الوظيفه وقعدت أفكر في أمور الزواج وكيف أبني أسرة و و و
وكنت عايش في هالمشكله لحالي لا أحد من اهلي يعرفون ولا أحد من أصدقائي
ونفس الشي قدمت على وقف قيد ووقفت ترم , جاء الترم اللي بعده وفكيت القيد وسجلت مواد
وبدأت الدراسه واستمرت معاي الحاله
قلت لأمي عن المشكله اللي أعاني منها وحاولت بكل الطرق معي لكن مافاد وحرصتها إنها ماتعلم أحد
من اهلي وخصوصا أبوي
استمرت المشكله لدرجة أمي شارت علي أروح لطبيب نفسي قالت يمكن عندك ضغووط نفسيه روح
وفضفض للدكتور مو شرط تاخذ علاجه بس استشيره
وفعلا رحت للدكتور لكن ماقتنعت من كلامه أبد كان مغرور جدا وماسمع لي كثير وقالي عندك قلق
وكتب لي حبوب بس طبعا ماأخذتهم لأني ماقتنعت من كلامه
كبرت المشكله وأمي ماقدرت تسكت إضطرت تقول لأبوي وماقصر أبوي وقف يمي وساندني وكلمني
وقالي إطرد الأفكار من راسك و و و و بس هالشي غصب عني كل ماأروح الجامعه أحس شي يسحبني
على ورى مااستقر فيها دقيقه وحده
وهالمشكله مضايقتني بدرجة كبيره ودي أكمل وينحرق قلبي إذا مريت عند الجامعه وشفت الطلاب
داخلين وطالعين منها وأنا مو قادر أدرس
والحمدلله أنا ممتاز وأمشي في الدراسه مو من النوع الكسوول وهذا الشي اللي معذبني أكثر
وأفكر كيف بتكون نظرة المجتمع لي إني انسان فاشل , وكيف بيكون وضعي لو طلعت من الجامعه ؟
وخايف إن أحد يلومني وأنا آخر فرصه لي هالسمستر إذا مادرست بتطردني الجامعه
حتى اتفقت مع شيخ يقرا علي قلت يمكن منفووس وواعدني على يوم معين بس أنا خايف إن هالمشكله
ماتروح
مع العلم إني الحمدلله أمارس حياتي طبيعيه في كل الأوقات ولا عندي قلق في الاماكن المزدحمه والا في
الاجتماعات العائليه او المناسبات
يعني هالمشكله ماتصير لي الا في الجامعه بسس
تكفووون أبي حل تعبت ودي أفرح أمي وأبوي
.......
:25ar:
مواقع النشر (المفضلة)