يا وسع صدر الأرض من بعض الاشكال
مساء الخير
مساء الطيب
مساء الشعر
/
/
قصيدة بحجم قائلها للأخ العزيز : نايل بن سالم البقعاوي
/
لا تقدر الرجال من شان ماله
لان ماله له مالك ولا ريال
وش دخلك هذا حلاله لحاله
غلطان يا نذاخ في مال رجال
إلا ليا من صار حلال قاله
يستاهل التقدير في طيب الافعال
اللي ليا مالت فزع و ارتكاله
يقلط على الاحمال ويشيل الاحمال
ماهو من اللي شوفته قد حاله
رجال يسوى له ثمانين رجال
وإلا الردي ماله عساه لزواله
صبخاء ولا تنبت من السيل لا سال
من خلقته ما قيل سوى جماله
يا وسع صدر الأرض من بعض الاشكال
حتى الشجر يذري على اللي بجاله
وإلا الردي ماله مذاري ولا ضلال
همه بنفسه كم صافي حلاله
هو ما سمع عن فعل ماضين الافعال
الله واكبر يارجال الشكاله
ياهل المواقف والمواقف للابطال
ودمتم بود وعافيه
رد مع اقتباس
رد: يا وسع صدر الأرض من بعض الاشكال
مواقع النشر (المفضلة)