[align=center]--------------------------------------------------------------------------------
.
.
.
.
.
يمكن هالسالفه الي بقولكم اياها شوي غريبة ، لكنها تشكل نموذج تفكير لبعض الناس!
يأتي لصديقه ( فواز ) ويتناقشان في أحد المواضيع وجاء طاري الزواج
فقال مساعد : ياخي بيني وبينك شلت فكرة الزواج من راسي!
فواز ناظره باستغراب :: خير يامساعد وش الطاري
قال : ياخي بلا زواج بلا بطيخ الواحد يعيش حياته طبيعي!
سكت فواز وهو مستغرب هالتفكير من صديقه المتعقل !
وبعد أخذ ورد بالسواليف عرف فواز ان صديقه مساعد طايح على ( شلة بنات ) على قولته كلكهم فرافير
اعمارهم بين ( 33- 40 )
حس فواز ان البنات لاعبين شوي بعقل خويه مساعد صاحب الـــ 25 ربيعا
قال بحاول اجيب له حجة ثانيه وخلنا نشوف::: يامساعد انت وشاب وماعليك :: طيب عندك الحين 3 خوات ، شلون ماتبي زواج ! يعني يعنسون !!
ناظره مساعد باستغراب وقاله:: وليه يعنسون ! يعيشون حياتهم ياخي :: مو لازم زواج،، يسوون علاقة وخلاص بلا بزواج بلاهم!
طارت بوهتة فواز وقال لمساعد يعني تبيهم يعييشون طول عمرهم يكلمون بالتلفون! ( قالها وهو صار امله في الموضوع ان تفكير خويه يوقف هنا ))
قال مساعد : لا ياخي ماهو تلفون.... يعيشون حياتهم يسوون كل شيء بس بدون زواج!!
فواز جائته صدمه تامه من صديقه فقال بعطيه اخر شيء يمكنه يوعى صحيح ::: قاله اجل عطني رقم وحد من خواتك خلني اتعرف عليها!!
وبلا مباله ابدا طلع مساعد جواله وقال:: عادي ان قدرت تجيب راسها عادي،، تبي اي وحدة فيهم !!!!!!!!
فواز سكت شوي وقاله ليه تفكر كذا ! وش الي غيرك
مساعد ناظره ويضحك ويقول ياخي الدنيا مافيها شيء ابيض الخيانات بكل مكان ، الواحد كان يفكر بالزواج عشان يستقر والحين كلوا يلعب مع كلوا ...الرجال يخون زوجته والزوجة تخون زوجها،، وكل البنات يعرفون شباب فليه نضحك على بعضنا !!
فواز بدأ يتوقع ان سبب تغير حالة خويه صدمات معينة فقاله :: ياخي اذا انت شايف ان المجتمع والوضع زفت!
رح لبيتكم ناظر امك وخالاتك وعماتك هل امك خانت أبوك!
مساعد ولع الزقاره قال وش دراني انها ماسبق وخانته !
يمكن يوم من الايام خانته ، تقدر تثبت لي انها ماخانته !
فواز انفجر :: قاله ياااااخي امك !!
قاله مساعد: ياخي اذا بنتكلم عن مثاليات في المجتمع بقول امي وياويل الي يتكلم عليها
بس هذا الواقع تقدر تثبت انها ماسوت شيء في الماضي!!!!!
..-- بلا زواج بلا بطيخ ..عيش حياتك ياولد --..
............
ثم قال مساعد ياخي عارف ان كلامي مو عاجبك بس فكر بكلامي زين ولنا لقاء بكرة !!!
ماكان في الأعلى فهي قصة واقعية تماما مع تفيير الاسماء وامور اخرى حتى لايشاع منه صاحب القصة
المهم قصة واقعية تماما واعرف اشخاصها!
سؤالي : ما الذي قاد مساعد للوصول لهذا التفكير! هل هو الشك ! هل هي النظرة السوداوية ! ام هو موقف معين !
أم علاقاتهم ببنات اكبر منه بسنين كثيرة قدرت تغير تفكيره ! ام ماذا[/align]
مواقع النشر (المفضلة)