بالله مـا تحسين بالاحرآج !
[align=left]
*
السلام عليكم ورحمة الله وبركاته
شبآب وشآبات الزين
كيف الحآل؟
لآأجيد المقدمآت :18ar: ,, بآختصآر
بالله ماتحسين بالاحرآج !
كلمة قيلت لي كثير .. ومن فتره قالتها لي وحده هنآ
بالله ماتحسين بآلآحرآج .. تبون تعرفون وش هالاحرآج ؟
آمي ماهي سعوديه ...,,
قلت لهآ ليه آحرآج ..؟
قالت مدري احس لو انا انحرج من الناس ومآقدر امشي معها بكل مكآن
خآصتن امك ماهي عربيه يعني ماتتكلم عربي ابدا ولآتقرا عربي ..
:
من الموآقف اللي مرت علي
بالابتدائي قالت لي وحده :
الله يحب اللي عيونهم سود وهم المسلمين
واللي عيونهم خضرا كفآر
انتي كآفره
ومن وقتها وانا مقهوره اني كافره ..
لي اخت اكبر مني لون عيونها اغمق مني ,, كنت اقول ياحضها قربت تصير مسلمه .. gif22
فتره طفوله مآنلآم على تفكيري
:
هالحين كبرنآ وامي عندي اغلى من هالدنيآ
اللي خلآني انقهر شغله حصلت وابي رايكم انتم يالشباب والصبآيآ
قبل فتره تمت خطبة اخوي وتقريبا اعطونا اهل البنت الموافقه المبدئيه
لكن يوم درو ان امي ماهي سعوديه هونو ..
العذر : امه ماهي عربيه .. كيف تتفاهمين معها !
وقسم بالله ناس مدري وين عايشه انتِ بتزوجين بنتك الولد ولا الام ..
ياربي الناس وصلت القمر كيف يفكرون هالعالم وش هالتخلف لازم علامة الجوده يعني
وش الزود بالام السعوديه ؟
< على الاقل امي مثقفه تعرف انجليزي وفارسي
قليل تلقى سعوديه من الجيل السابق تعرف انجليزي ..
:
وكثير تمر في موآقف شي مضحك وشي محزن مع هاللغه المكسره :*
زبدة الموضوع :
انت يالشاب والشابه تقبل بالزوآج من فتاه /شاب من ام غير سعوديه وماهي اسبابك ؟
- لو كانت امك غير سعوديه تتغير نظرتك بالاصح تحس بالاحرآج ؟
:
عندي كلآم كثير بس ماودي اطولها
مدري وش خلآني اكتب هالموضوع يمكن وصلت فكرتي ويمكن لآ :21ar:
:
خودا هافز بي اومدي ديدارim8[/align]
مواقع النشر (المفضلة)