علاقة الشرطة بالمواطن و المواطنة >>
شلونكم ؟
هذا بحث عن علاقة الشرطة بالمواطن و المواطنة أو الذكر بالأنثى .. لان في معاملة خاصة للمخالفات يعني سبشل ..
و تبدى الهوشة اقصد المخالفة .. الدورية ورا السيارة و الشرطي يلعلع ( وقف .. وقف ) و بعدين ينزل بعصبية إذا كان المخالف ريال .. و إذا كانت حرمة ينزل بابتسامة عريضة ..و إليكم الجدول
نوع المخالفة :
1. السرعة الشديدة
على الريال :
1. ليش مسرع؟ شنو ما عندك عيال ؟ لا يكون وزير و عندك اجتماع مهم ؟ أنت ما تخاف على نفسك بالطقاق خاف على عيال الناس ...
عطني الإجازة و الدفتر
على الحرمه :
1 . بابتسامة ..ليش مسرعة ؟منو هذا سعيد الحظ اللي مستعيلة و رايحة تشوفينه ؟ إذا ما تخافين على نفسج إحنا نخاف عليح .. لو سمحتي الإجازة و الدفتر و الرقم !
نوع المخالفة :
2. مو رابط الحزام
على الريال :
2. يا بني ادم .. مليون مرة قلنا اربط حزام الأمان .. ليش في حزام بالسيارة للزينة ؟ مو للزينة .. عشان تربطه عسى تنربط من رقبتك .. عطني الإجازة و الدفتر (ما عليه الشرطي ملسون شوي ..)
على الحرمه :
2. هلا و الله .. يا مواطنة في بلدنا الحبيب .. ربطي الحزام .. علشاني .. شنو ذنب الحزام المسكين انه ما ينربط على هالجسم الحلو ! لو سمحتي الإجازة و الدفتر و الرقم !
نوع المخالفة :
3 . طايف الاشارة الحمرا
على الريال :
3. يا حمار .. أنت عمي ما تشوف..لمبه كبيرة حمرا جدام عيونك .. تبي تذبح العلم بغبائك و عنجهيتك ( شنو علاقة العنجهية بالمخالفة الرجاء مراجعة الشرطي ).. عطني الإجازة و الدفتر
على الحرمه :
3. ليش طايفة الاشارة اللي مثل خدودج الحمر ؟ أوقفي عشان لا تحرمين الناس من شوفتج عند الاشارة .. يبا الاشارة الحمرة ما حطوها إلا للحلوين مثلج .. لو سمحتي الإجازة و الدفتر و الرقم !
نوع المخالفة :
4 . عدم وجود اسبير
على الريال :
4 . سيارة ما فيها اسبير ليش يبا خلاص حاشكم الفقر ؟ تيمع فلوسك حق منو ؟ اشتر لك اسبير و عطني الإجازة و الدفتر و الرقم
على الحرمه :
4.تصدقين حركة حلوة .. الاسبير شحقه؟ هالتواير ما ينفشون و أنتي عليهم .. ما عندج اسبير انا أصير لج سبير..لو سمحتي الإجازة و الدفتر و الرقم !
نوع المخافة :
5 . القيادة عكس السير
على الريال :
5 . ليش ماشي عكس السير ؟ شارب شي ؟ و لا ما تعرف يمينك من يسارك .. منو هذا اللي مآخذ عقلك لا يكون تفكر بعقاراتك في سويسرا .. عطني الإجازة و الدفتر
على الحرمه :
5 . تصدقين انج ماشية عكس السير .. يا بخت اللي مآخذ عقلج .. انتبهي لا تمشين عكس السير بعدين ازعل ..و خاصة انك حاطة ريحة حلوة .. لو سمحتي الإجازة و الدفتر و الرقم !
نوع المخالفة :
6 . الجامة مبطوطة
على الريال:
6 .أنت ما تشوف الكسر؟ عسى راسك الكسر .. ليش مهمل ؟ خلاص لازم إحنا نلحقكم و نقولكم صلحوا , ما تعرفون تسون شي بروحكم ..عطني الإجازة و الدفتر
على الحرمه :
6 .أختي الحلوة ترى مو حلوة تسوقين و الجامة مبطوطة .. تصدقين يزيد وزنج 4 كيلوات .. هذا رقمي و اتصلي متى ما حبيتي تغيرين الجامة !
نوع المخالفة:
7 . عدم وجود مطفأة حريق
على الريال :
7 . طلع قرار .. لازم طفاية حريق .. فرضا شبت فيك السيارة و احترقت .. منو بيطفيك ؟ منو فاضي لك ؟ عطني الإجازة و الدفتر
على الحرمة :
7 . لازم تحطين الطفاية مو علشان السيارة علشان تطفين قلبي ..لو سمحتي الإجازة و الدفتر و الرقم !
نوع المخالفة :
8 . الوقوف في الممنوع
على الريا ل:
8 . يا حبيبي الرصيف قد راسك اصفر و أسود يعني ممنوع الوقوف ممنوع الوقوف ممنووووووووع الوقوووووووووووووووف
متنا و إحنا نعلم فيكم
عطني الإجازة و الدفتر
على الحرمه :
8 . حلوة وقفتج هذا الرصيف حاطينه و ناسين يكتبون تحته ممنوع الوقوف للجياكر مو أنتي .. و إذا زعلانه أروح اشتري قوطين صبغ و أغير لون الرصيف .. لو سمحتي الإجازة و الدفتر و الرقم !
قريت هالمقالة و عجبتني و حبيت انقلها لكم
منقــــول
لكم تحياتي
وانتبهوا يابنات الثمامة
وياشباب الهجولة
لوووووووووول
-----------------------------------------------------------------------------------
التوقيع : معقدني,,, يعني نتلقى هدية التوقيع
king500_8@hotmail.com
مواقع النشر (المفضلة)