انا وبنت الجيران
الســـــلام عـليكم
شلــوووونكم شخبــــاركم انشاء الله تقزحون
<<< امووت واعرف من وين اصل هالكلمه
يا ناس و الله العظيم ان لكم وحشته ما هي لغيركم من النااس
<< امشي يانجاح المساعيد وش هالكلام الحلو
المهم
ودي اقولكم سالفة خطيرة مره
يعني رجاءً الي عنده بزران يطلعهم
واللي عنده نياق يحلبهم
واللي مولع النور يطفيه
واللي مطفي النووور يولعه
<< والله ياهي بتنفرش
واللي نايم يصحى
واللي صاحي يركض
واللي جوعان ياكل
واللي شبعان ينطم
<<< خربتها
واللي لين الحين يقرا الله يخلف عليه
إيه على كف االقدر نمشي ولاندري عن المكتوب
<<< سارقتها من جدار الحاره اللي جنبنا
المهم
انا بقولكم سالفه صارت لي قديم و انا صغيرونه
تقدرون تقولون سالفة حب و تقدرون تقولون اللي يعجبكم
هذي يا جماعة الخير من زمان يعني من حوالي عشرين ..خمس وعشرين سنه اذا ما زاد يعني
<< حشى عجوز
كان لنا جاره
وكانت شيء لا يوصف من اللقافه و الطفاقه و شوشتها دايم طايره شكلها تكدها ببرايه
ولونها برونزي على اخضر مدري كيف جاي
بس بصراحه دلع <<< امحق دلع
وعاد انا في وقتها كنت صغيرونه و في عمرها
بس عاد ماني حاطه اوصافي اخاف الشباب اللي هنا يروحون فيها
بس بااختصار كنت حلوه خاصه اذا طلعت حافيه بدون نعل الله يكرمكم
المهم
كانت هالبنيه زي ما قلت لكم جارتنا و الجدار في الجدار و البيت في البيت و الخشه في الخشه اربع و عشرين ساعه
كان بيننا عيش و ملح
و كان دايم بيننا مطالب و مهاوش و فك الشوشه وافك الشعر
<<< يعني دايم متماسكين بالشعر و من زود الميانه بعض المرات تنام في حوشنا
كنا دايم نجلس عند الباب على الدرج و نتبادل اطراف الحديث و الفقه و التاريخ
<< لاتفهمونا غلط براءة
و في ذات يوم كعادتنا جالسين عند الباب
وانا اناظر فيها نظرات تأمل و شفت البراءه في عيونها المشدوده كأنها فلبينيه
و حسيت بشيء غريب مدري وشهو يدور في كبدي و تنهدت تنهيده قويه
قلت: اااه
قالت هي : لعنه تنعلك وشفيك ؟؟
قلت : و الله مدري بس كنت افكر في حياتنا وفي مشاكل المجتمع والصراع اللبناني الاسرائيلي مادري الحين وائل كفوري مات والا باقي اخاف يموت ومايغني ياحبيبي قرب لي
<< كنت اتنبيء بالمستقبل..
قالت : من زينه عاد مع حواجبه .. تصدقي عاد جاني نفس الشعور اللي جاك بس انا خايفه على وديع تتوقعي اذا مات بيحطوا ستار اكاديمي والا لا
قلت لها :اتوقع بيحطوا بداله طوني؟؟
عاد مااسمع الا صااارخها : لالالا مافيه يموت .. انا احبه
و تنحاش من عندي وتنط الجدار على بيتهم ويوم نطت واسمع قرقعه و صقع مدري وشو ؟؟
اثريها طاحت في الغساله اللي حاطينها في الحوش
المهم
راح يوم و يومين و ثلاثه و البنت ما عاد اشوفها ؟؟
بالعاده من الصبح و هي محضره عند الباب ؟؟
عاد قلت انا خليني اشوف المطفوقه وش صار عليها لا يكون انتحرت والا شي
المهم
اوقف عند بابهم و اقعد اناديها
و ما دريت الا القدر اللي يمشي الفين محضر في جبهتي
من اثر الصدمه بغيت اطيح واناظر الا هي جالسه في السيب و تضحك
-وشفيكي يا مال المرض لك ثلاثة ايام ما جيتينا ؟؟
قالت: و الله خلاص يا شجنجن ما عاد اقدر اجيكم انا كبرت ؟؟؟
قلت: اما عاد كبرتي ليش ما علمتيني طيب << تستهبل هي ووجهها
وش السالفه قلت اكيد البنيه انهبلت ؟؟
يا سرعها ما كبرت و انا ما كبرت لها الحين << يلعن ام التفكير اللي عندي
و يوم حسبتها في راسي طلعت البنيه معها حق ؟؟
الى متى حنا على هالحال صغيرين ؟؟ اكيد بيجي يوم و نكبر و نعقل
<< و الله الظاهر انك ما تعقلي ابد
فقررت اني اكبر << يصير خير
المهم
كبرت انا و هي و صرنا ما نشوف بعضنا الا با الشفاقه
<< هذا حال بنات السعوديه
وتـوووته يا توووته خلصت الحتووته
وهـذي سـولافتي انا و بنت جيراننا
مايوستفادوا من القووصتوا ما يلي
نصيحه نمبر ون/ الباب اللي يجي منه الريح لا تلحسه كله
نمبر تو/السفر للخارج بدون محرم عيب >> دوروا لي محرم
نمبر سلاسه / ياحلوين اشربوا الحليب ،، للصحه والقوة اسألوا الطبيب
مواقع النشر (المفضلة)