الملك عبدالله يقرر زيادة رواتب المواطنيين الى 30%
السلام عليكم ورحمة الله وبركاته..
المواطـــن/ وشلووووووووون .. لا يابو متعب تكفى مانبي زياده خلاص شبعنا .. هه شوف هذه الفلوس وهذه الحسابات مليانه بس مانبي زياده يابو متعــب تكفى .
الملك عبدالله/ ليــش ماتبي زياده ..!!
المواطــن/ خيرك سباق يابو متعب وقلت لك ماحنا بحاجتهاا شبعانين < يقرض اصبعه
الملك عبدالله/ ايه الحمدالله .. بس هذه هديه مني لكم فالمواطن له حقه في كل شي
المواطـــن / تبي حقنا ياطويل العمر ..؟
الملك عبدالله / اكيــد
المواطـــن / لاتزود رواتبنا الي فينا الي مكفينا .. انا كل شهر يبقى من راتبي 1000 ريال .. خلها يابو متعب لاتطيرها علي .. اذا زادة رواتبنا طارت الالف ريال !!
الملك عبدالله/ كيــف
المواطــن / انا اقول لك كيف ياطويل العمر .. فلك كلمتي وكلمة كل مواطن سعودي ...
عندما تقوم حكومتنا الرشيده بمساعدة المواطنيين من حيث الزياده في رواتبهم وتأتي هذه الخطوه تحت مصلحة المواطن .. يأتون من يجعلون هذه المصلحه مخربه علينا .. فأذا زادت رواتبنا كل شي اصبح في العلالي .. ابو ريال يصير بخمسه وابو خمسه يصير بعشره وكذاا .. وغيره هذا الاجارات رات تطير ياطويل العمر .. وربي اقشرها اخر شي ( بصنادق ) اذا بوفر لي دراهم .
ابو متعب المواطن ليس بحاجه الى زيادة رواتب .. لأن الهوامير ياكلونها علينا في كل شي فتروح دراهمنا لهم .. اذا اصبحت زيادة المواطن على مرتبة 100 ريال . راح يرفع الايجار 200 ريال .. وفي هذه الحال يأدفع ولا اطلع .. والمواد الغذائيه ترتفع ويأكل ولا بموت جوع .. نبي قانون يحمينا من هاالارتفعات الغير مبرره .. نبي قانون يحمينا من اتفاق اهل النفوس الضعيفه على رفع كل مايمول المواطن .. يابو متعب نبي منك القضاء على هالاشاكله هذه حتى لو لهم ثقلهم في هذا الوطن .. يابو متعب زيادة الرواتب تفتح لنا ابواب نحن اغنياء عنها .. زيادة الرواتب كنا تذهب لحساب الهوامير زيادة الرواتب اصبحت تخيفنا .. عرفت ليش مانبي زيادة رواتبنا ؟؟
بقلم سعودي وايلي
مواقع النشر (المفضلة)