قصيده قالها ... يوم زفاف حبيبته ؟؟
أبد .. ما جيت أبارك لك ولكن جيت باوصيك
على اللي ناوي تدخل بها الليله .. معذبتي
ترى لو لا الظروف اللي عطتك .. وحدت محاكيك
قسم بالله ما تدخل عليها لو على رقبتي
ولكن النصيب اقوى ولا ادري ويش اسوي فيك
نعم .. صارت معزبتك .. ولا صارت نعزبتي
كذا شاءت بنا الاقدار تحرمني .. لجل تعطيك
كذا لازم عشان تفوز إنت .. اخسر بتجربتي
تراها غاليه جدا .. وتكفى .. والله يخليك
تدللها .. تدلعها .. تنسيها مصاحبتي
انا من كثر ما اغليها أحس اني بديت أغليك
ولا تسأل بأية حق .. ولا .. وش مناسبتي
لإنك لو بتسألني بتسمع شيء ما يرضيك
لذا يا خوي لا تسأل .. ولا تسمع لأجوبتي
أبيك تحطها في داخل عيونك وبين ايديك
وهي دلوعه اعتادت على كثرة مداعبتي
فداعبها شوي شوي حتى تشتهي طاريك
وشاغبها إلين تقول لك : بطل مشاغبتي
واذا هي مالها خلقك ولا تضحك .. ولا تسليك
تحملها وإسألها : ياعمري ليه عصبتي
وبالك اسمع انك يوم تضربها وهي تشكيك
ما يحياج اروي لك بفن الضرب موهبتي
صحيح انك بتملكها ومعك العقد بالتمليك
وانا عارف حدود الله ومن حقك معاقبتي
ولكن قلها " مجنون " وصاني وهو يعنيك
يقول انه بينتظرك ولو شيب .. وشيبتي
وانا مجنونها اللي ما نساها وانت ما يمديك
تغطي ذكرياتي في هواها .. وربع تجربتي
أحس اني تماديت بكلامي .. والغضب حاديك
لو انك في مكاني ما تفكر في محاسبتي
كفاك اني تركت الليله اشغالي .. عشان اجيك
دخلت القاعه برجلي ولا ادري ويش عاقبتي
وانا جيت عشان اخاطبك واسمع مخاطبتي
توصى .. وانتبه .. واحرص عليها .. والله يهنيك
ترى كل الكلام اللي طلع من ضيقي .. وكبتي
ولكن ما قدرت اني اقوله وانت ما يخفيك
أخاف اني اذا قلته تقوم وتقطع رقبتي
مواقع النشر (المفضلة)