موضوع أعجبني وحبيت تشاركوني قراءته::::::
تعيش كثير من البيوت هذه الأيام أزمة المراييل
" زي الطالبات في المدارس " << وهـ بس :frown:
ويشاركهم في هذا الكثير من الخياطين والأخ المريول الحر ..
والكثير من المحلات هنا وهناك ..
كما أن الأزمة شملت بيتنا أيضاً فلدينا :confused:
" نفرة واحدة فقط " هي والوالدة في معارك طاحنة
حول القماش والموديل ..
وأشغلتنا بالبحث عن موديلات !!
وبعض الحفيدات حدثت بينهم مشادات مع أمهاتهم
بسبب موديل المريول ولكن راحوا الله يساعدهم
وأخذوا قماشاتهم معهم ولا أدري بصراحة وش بيصير عليهم ؟؟
وأنا بس أتفرج عليهم
لكن ! صدق أن المريول الجاهز نعمة !! :23ar:
وبما أن الحديث عن المريول والمراييل ..
اذكر لكم سالفت وحده
تقول :
لازلت أذكر مواقف مضحكة حصلت لي مع مراييلي سابقاً ..
أذكر يوم كنت في الصف الثالث متوسط !!
جرت العادة أن أرسم الموديل في ورقة وأجهز مقاس مناسب
وأشرح لواحد من إخواني الموديل وهو بدوره يأخذه
للخياط ويشرح له وإذا أشكّل عليه شيء يتصل عليّ
وأوضّح له وهكذا ..
لأني بصراحة أكره الوقوف أمام الخياط .. !!
ولكن ذاك اليوم اضطريت أشرح الموديل لأخوي الثاني
اللي ما يدبر شيء بالمراييل ولا الموديلات ولا شيء !
برئ جداً !!
فـ من باب توضيح الشرح أكثر وأكثر ..
رحت - ومن زين الوجه - أعطيه " طرحَتي " كان فيها
زخرفة حلوة معجبتني ..
وللمعلومية كانت الطرحة حلوة وسعرها غالي شوي ..
وقلت له :
قل للخياط يسوي لي نفس شكل الزخرفة هذي على
الطوق والأكمام ..
قال : طيب خلاص يا الله هاتي ..
ويبدو أن العم ما فهمني كويس !
المهم أخذه للخياط !!
وكتب له في الفاتورة موعد استلام المريول ..
وجاء اليوم الموعود !!
وإذا بالكارثة !!
أثر العم قايل للخياط قص الزخرفة اللي على الطرحة
وحطها في الأكمام والطوق ..
أنا بصراحة قعدت أتأمل المريول شوي ومب مستوعبة
وش الغلط اللي فيه ؟؟
وش هذا الأسود اللي في الأكمام والطوق ؟؟
قلت له : وش سويت أنت ؟؟
قال وهو يضحك بقوة
مب أنت تقولين قل للخياط يقص الطرحة ويحطها
في الأكمام والطوق ؟؟
يوم قلت للخياط قعد يضحك قال لي : ما يصلح .. !!
قلت له : إلا يصلح .. هي قالت لي كذا ..
قال الخياط : بس خسارة الطرحة .. ممكن أسوي نفس الزخرفة في المريول ..
قلت له : لا .. قص الطرحة نفسها ..
ورحمة الله عليك يا طرحتي المسكينة !!
راحت فيها ..
كثير ما يذكرني أخوي بهذا الموقف
.,.
موقف آخر مع مريول آخر ..
يوم كنت في المتوسط ..
أحياناً تجيني حالات عناد مع غباء مدري وش تبي ؟
أذكر أهلي يصير فوق رؤوسهم علامات تعجب واستفهامات !!
من قراراتي الغبيّة .. !!
أذكر رحت للسوق مع الوالدة أشتري قماش مريول
وكان في بالي موديل معين
شفته على وحدة من الصديقات << يقطع أبو التقليد !!
قلت لصاحب المحل أبي أربع أمتار من هذا القماش !!!!
قال : أربع أمتار !! ترى أربع أمتار كثيرة !!
قلت : قص أربع أمتار !!!!
يمكن أحسب مريولي خيمة على غفلة ..
قالت لي أمي : استحي على وجهك أربع أمتار !!
وش هالموديل اللي يبي أربع أمتار !!!
قلت : لا .. يمه .. يمكن بعد ما يكفي أربعة لازم أكثر ؟
لسان حال صاحب المحل .. الحمد لله والشكر !!
وكالعادة رسمت الموديل وأرسلنا للخياط ..
ويوم جاء المريول !!
وإذا وش هـالمريول ؟؟
يذكرني بـ فستان آنسة منشن اللي في سالي ..
وإلا فستان كلارا أخت لوسي ..
كان وسيييييع تقل فستان سهرة !!
ومن زين الوجة الوضع عندي عادي جداً
رحت ألبسه من بكرى مباشرةً وبكل ثقة عمياء .. !!
أذكر إذا جيت أرقى على الدرج ما أقدر أمسك إلا نصه
والباقي يسحب على الدرج .. << ينظف الدرج
والبنات يناظروني
ويحمدون ربهم على العافية .. !!
ويا حظي المنحوس أول يوم لبسته جتنا عاصفة قوية
" عجاج " وجلست أحاول أمسكه
أمسك جهة .. وجهة تطير ..
ولا تسألوا عن شكلي حينها !!
صرت تقل باراشوت !!
والله إني خفت لا أطير .. !!
عقبها أخذته مني أمي وأرسلوه للخياط
يقص منه أمتار .. ويخفف منه
وأخذت أمي باقي القماش وفصلوا منه مريول ثاني ..
ههههه شيء لا يوصف سعة ذلك المريول !!
والكثير الكثير من القصص
فـ أعتبروا يا أولي الأبصار .. !!
.,.
المريول قصص وحكايات .. :39ar:
أشكال واقتراحات ..
تحياتي << ترا معرفهم هع هع ومايقربون لي
<< فزيــحــه :23ar:
مواقع النشر (المفضلة)