يـــــــــــــادافـــــــــع الـــــــــبـــــــــلا ...

**انشودة المطر** · 03-05-2008, 02:55 AM

الـــــســـلام عــلــيـكــم ورحــمــة الـلــه وبــركــاتــــه

مره كنت جالسه بالجامعة وقت البريك ..

وقريب من مكاني شلة بنات يسولفون ومره كان صوتهم عالي ..

حتى كان معاي كتاب أبي أقراه ماقدرت من أصواتهم ..

قفلت الكتاب ..

وقطيت معهم بسوالفهم ..

كان يسولفون عن السفر وعن الدول اللي زاروها ..

ولما كانوا بمصر ولما كانوا مدري وين ..

المهم انسدت نفسي من ذا السوالف السامجة ..

بس بعد فترة غصب عني صرت مركزه معهم ..

كانت وحده تسولف وتقول ..

لما كنا بلندن ..

وشافونا أخويا اخوي وسلموا علينا (( هي وخواتها ))

تقول بعدين أخوي قالنا ..

لما شافوكم أخوياي جو يقولون لي ان حنا شفنا خواتك وسلمنا عليهم ..

يقول كان معي واحد ..

وانهبل لما درا انهم شافوكم وصار يصارخ ويقول شلون ترضى

ولا بعد ويسلمون عليهم ..

ويقول اني قعدت أضحك عليه ..

البنات كلهم اشمئزوا وانقرفوا من هذا صديق أخوها ..

وعلى طول شو هالمتخلف .. مريض

تفكيره وصخ ..

الله يعين خواته ..

بعض الشباب تفكيرهم قديم وعقولهم مقفله ..

طبعاً أنا كنت فاتحه فمي واطالعهم باستغراب .. :9ar:

الحين صار اللي يرفض ظهور خواته عند الرجال الغرب

متخلف ومريض ..!!

اللي يطبق الدين وملتزم بالأخلاق ..

عقله مقفل ..!!

والله الدنيا الشينه ..

الحين اذا طلعت على أخويا أخواني بالغلط ..

كرهت نفسي ويعزالي أصيح ..

وهم يتفشلون ..

وذولا يوقفون مع بعض ويسلمون ..؟؟

أنا مدري وش صار بهالدنيا ..

الوحده بدل ماتعتز بغيرة اخوانها وشيمتهم ..

وبدل ماتفتخر بزوجها وغيرته ومحافظته عليها ..

صارت تدعي ربها مايجيها رجال متخلف ويعقدها .. images9

كثروا العوائل اللي يسمحون لبناتهم انهم يفتشون

والوحده ماتصدق تقلع الطياره وترمي غطاها

كن ربنا بس بالسعوديه وبرا مافي رب ..

تجي الوحده وتعلم أهلها انها شافت فلان وسلمت على علان ..

وينبسطون ويقولون ياحليله جاي لحاله والا مع اهله .. :56ar:

وش صار بهالناس ياربي ..

انقلب كل شي .. واختلفت الموازين

واللي طول عمرنا كان هو الصح ..

صار الحين غلط وجريمه ..

فهموني لان أنا جد مو فاهمه

تحياتي

أنـــشــــودة الــــمــــطـــــر

**كاتـم الآهــات** · 03-05-2008, 03:37 AM

الله يكفينا الشر

ويصلح النيه والذريه

**حنين الشوق** · 03-05-2008, 04:55 AM

..

بصراحه مستغربه ..

وين غيرتهم ع خواتهم .. ولا صار متخلف الي يخاف ع اهله ..

اجل مانلوم البنات اذا خذت لها صديق وطلعت معه .. بعد تطور هذا ..

وكل اشوي بيجبون شي غريب وبيقولون تطور .. مابقى شي .. مانقول الا الله يعين ..

الله يستر علينـــآ ..

..

..

**حاملة الفل** · 03-05-2008, 05:26 AM

تصدقين انا صار لي نفس موقفك بس للاسف مع بنت خالي

هم بعدين عنا شوي لانهم بجده واحنا بالرياض

المهم رحنا محل عندهم على البحر

وتفجات كلهم كاشفات انا وخواتي براقع بينهم

لو تسمعين كلامهم لما نصحناهم مايكشفون

صرنا احنا بعصر التخلف والرجعيه

وهم بالتقدم والتطور

الله يحفظ بنات المسلمين