السلام عليكم ورحمة الله وبركاته
كيفكم ؟؟
يقول المثل لا طاح الجمل كثرة سكاكينه !! ..
وناصر الفراعنه يقول :
ناقتي يا ناقتي ما عليك من الهروج ... صيحتينن في قفى الذيب يقفاها العجاج
العدل يبقى عدل والدروب العوج العوج .. والعمى من لا ما معه من فعل يده سراج
يامكثرة الحكي والفعايل عوج هوج ... ما يحذف الناس من كان بيته من زجاج !
وأنا أقول : الخلا لا بارك الله فيكم الخلا
وصرخة بعير يقول : الشنب وإن راح ماراح العقل ! ... والفعل يذكر ولو كانت مرة << مرة يعني حرمة مسوية فعل يشرف وصايرة شنب مثل أم صقر
حقيقتاً وصلني هروج من بعض الأخوان هداهم الله < موب لايق الأسلوب
العضو الفلاني فيه كذا وكذا وكذا
والمشرفة الفلانية ماهيب مضبوطة !!
والعضو ذا راعي مشاكل وعليه حركات ما تذكر !!
والمشرف ذاك لسانه يبي من يقصة !!
انا وقتها صابني ذهووووووووول كل ذا يطلع من الأعضاء بشكل عام والله الدنيا خربت gif22
بالأخير أكتشفت إن اخوانا العضو ما عنده إلا الدجة في لسانه !!
ويمشي وينقل الحكي واكتشفت ايضاً إن من بين الأعضاء اللي قطع فيهم عندي رايح لهم ويقطع فيني أنا !!!!! im22
يعني لا سلمت انا ولا سلموا هم !!
فجلست مع نفسي جلسة وقلت :
لما وصلني من كذا عضو إن فيه عضو يتكلم فيني وانا بريئ !! كيف صدقته يوم يعلمني عن الأعضاء وانا ما لقيت دليل !! ؟؟
وهم لما سمعوا الكلام عني راحوا يسالوني بيتأكدون وانا بررت موقفي والحمد لله !! ..
بس أحس إني ظلمت الأعضاء لما أنا صدقت اللي نقل لي الكلام
ومن الأعضاء اللي سمعت عنهم كلام جوني وقالوا إنهم سمعوا فيني كلام وقاموا يكلموني والإبتسامة على شفاتهم !!
فكان المفروض ما اصدق انا على طول لين أتاكد
الأسئلة :
ليه نقل الكلام بين الأعضاء ؟
إلا متى وحنى نصدق وحنى ما تأكدنا ؟؟
هل الغيرة لها دور في ذالك ؟؟
ليه كاتم الأهات رومانسي وحنى من جنبها ؟
ليه صرخة بعير في أمريكا وحنى طايحين في الصحراء ؟
ليه كل ما جيتك أكثر زدت قسوة ؟
...
مواقع النشر (المفضلة)