اليووووم جبت لكم تقرير شامل ...عن ورعااااانا ... يعني بزارينااااا
لذلك نبي نشوف وش انواعهم حفظهم الله ورعاهم وفكنا الله من شرهم
نستعرض معكم أنواع البزران
### البزر المفهي ###
هو بزر مايدري وين الله حاطه ... أي شي تقوله له بيقول هاه
... مستقبله ...
هذا مستقبله غير واضح المعالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهاوته شوي
... مثال على ذلك ...
### البزر الجنتل مان أو الجنتل بيبي ###
بزرغالبا يكون اطخم ... تشوفه دايم متكشخ ويتروش كل يوم ويتعطر ... لسانه معسول
وهالشي مخليه مخقق كل بنات الحاره
... مستقبله ...
يكون من اكبر المرقمين في ديرتهم ويكون اسمه في البلاك ليست للهيئه الله يجزاهم الخير
... مثال على ذلك ...
### بزر زلابه ###
غالباً مايكون تربية عجز ... مدلع حتى اخر قطره ... لكنه للأسف زلابه سريع البكاء
لو تقول له كيف الحال قعد يبكي
... مستقبله ...
يستمر زلابه الين يتزوج ويصير خاتم في اصبع حرمته
... مثال على ذلك ...
### البزر المهايطي ###
هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه
... مستقبله ...
يستمر مهايطياً للأبد وقد يفقد حياته بسبب الهياط
... مثال على ذلك ...
### البزر العصبي ###
هذا البزر نارٍ شابه على قولتهم معصب 24 ساعه يستحسن أن يكتب بالقرب منه خطر
... مستقبله ...
أمراض ضغط وسكر وقلب بسبب هالعصبيه أو في السجن لأنه فقع عين احد ولا ذابح له واحد
... مثال على ذلك ...
### البزر الملقوف ###
هالبزر عكوز بكوز في كل مكان مركوز ... لا تستبعد ان تجده في أي مكان
... مستقبله ...
بيجيب العيد وماظنتي بيصير له مستقبل
... مثال على ذلك ...
### البزر الدافور ###
هذا البزر دائما متفوق في دراسته دائما يحب يتعلم ويتثقف هالعينه نادره في الخليج طبعاً
... مستقبله ...
دكتور اومهندس او أي شي زين ... أما إذا كان عندنا بالسعوديه مثلا فآخرته مصكوك بعين ... والله اعلم
... مثال على ذلك ...
### البزر اللي حظه مقرود ###
هذا النوع من البزران اقل مايقال عنه انه مسكين حظه شين دايم
... مستقبله ...
سيئ للغايه
... مثال على ذلك ...
### بزر مدمن تلفزيون أو في روايه بزر دلخ ###
24 ساعه عند التلفزيون يتأثر على طول أي شي يشوفه يروح يسويه
... مستقبله ...
يظل دلخاً للأبد
... مثال على ذلك ...
### بزر رومانسي ###
راعي جو .. حساس ..
... مستقبله ...
شاعر
... مثال على ذلك
### بزر اختلف العلماء في تسميته ###
... مستقبله ...
طقاقه أو فنان كسرات
... مثال على ذلك ...
www.princehisham.com/up/uploads/5bcb4935b1.jpg
مواقع النشر (المفضلة)