بسم الله الرحمن الرحيم
...>>معكم جادر في صقاع من قناة الزين الفضائيه مرحبا بكم في أخبار الساعة<<...
والآن مع أهم وأخر الأخبار ...
توجه جنون إنسان أمين عام الامم المتحده إلى مقر ضيافة منتدى الزين في مجلس الزين للترحيب والإهداءات
واستقبلته نورمينا بما لذ وطاب من المأكولات فتناول المطازيز والجريش وأعطبها بالفول المدمس (بالملعقه) وتناول بعدها راحة الحلقوم ==>الحمدلله أنه ماأستفرغ عقب هالبلاوي
وبعدها قام بجوله تفقديه للموقع أصطحبه بها حاااتم ونورمينا وبعض المشرفين الي قدموله معاريض
وندد جنون إنسان على أنه لابد من إنضمام قوات اليونيسيف في منتدى الصرقعه والإقلاع وعلى رغبته في إلقاء القبض على
المجرمين الخطيرين كااتم الآهات و تحدوك يا قلبي
وبعدها توجه إلى مجلس الزين للشعر وهمس القوافي وقدمت له حوراء نجد قصيدة بمناسبة زيارته مطلعها يقول((يا جنون شوفتك تخلي كل شي يهوون))
وكانت قصيده جميله لدرجه ان المترجم نام وهو يترجم الكسيده
وبعد زيارته لمجلس الزين للصرقعه والإقلاع وأخذ له صكت بلوت قمت معه بهذا الحوار::
جادر : يالله حيه
جنون : الله يحيك
جادر: من طول الغيبات جاب الغنايم
جنون: يارجال ماحولك الا الخرطي
جادر : احم ترانا عالهوا جنون مو في الاستراحه...
جنون : لاياشيخ عالهوا مالك داعي
جادر : أقول صه ونبدأ من جديد ==> متربي في حراج سيارات في الصين
جادر : جنون تقهو
جنون : بس
جادر : واحد
جنون : مايجي
جادر : اقدع
جنون : بعرسك
جادر : على بنتك <== وهنا صارت الطامه
جنون : تـم تـم <== (جنون مو متزوج هذي المشكله )
جادر : أقول راح اللقاء سواليف وقهوه...
جنون :أزين كذا ياخي....
جادر : أقول لايكثر قم تقلع مناك لابوك أنت ومقابلتك ...
جنون : وش دعوا ياجادر ..
جادر : اها بس
هذا فيما يخص زيارة جنون الي منتدانا ومع الخبر التالي ::
وجه عمرو موسى خطاب الي جميع أعضاء الزين بالصبر والتكاتف ومحاولة أن يرتقو بمستوى المنتدى إلى الأفضل
ونوه على غياب المشرفين وقال إن تواجدهم قد يجسد بعض الروح الجماعيه ==> نفاق إجتماعي
وقال على بعض الأعضاء أن يفكروا بلقمة المشاركات الشريفه وليس مناقزهم بالألعاب وردودهم الي زي وجيهم ( شكرا نتظر جديدك)
ماندري واحد نشوفه بعامود الأعضاء الجدد ومن بكرا تلقاه بالأكثر مشاركات وشدد على المشرفين بإقامة قمة زينيه طارئه
ومن جهتن أخرى ظهرت حالات (تسمم موضوعي ) لبعض زوار المنتدى وذالك لقراءتهم بعض المواضيع الماصله لبعض الكتاب ومنهم جادر
وصرح مسئول رفيع المستوى بعدم ِقراءة مواضيع الكتاب الخشاش وِقرأت مواضيع الكتاب القياديين ==> متأثر بمحللين الاسهم
أمثال حااتم ونورمينا و حبيبتي حطمتني و .. و .. و .. و بالعربي كل أعضاء الزين
...>> والان مع نشرت الأحوال الجوويه بإشراف مشرفين الصرقعه والإقلاع ( أم صقر ) <<....
خجووول ::::: إختفاء افي ظروف غامضه وقيل انه في سويسرا ===> (السجن)
نورمينا ::::: طاحت من وانيت في كشته مع العائله وصارت رومنسيه وتكتب في مجلس الزين للشعر وهمس القوافي
جادر في صقاع ::::: توبته واللتزامه بالحجاب الشرعي الكامل ==> حتى الالتزام ما يعرف له ..
عووده للاخبار الزينيه...
وفي موضوع خطف مصورة قناتنا ساحبه على الدوونيا في الأراضي العراقيه
أدلا الخاطفون بشروطهم وهي خمسة ألاف ريال لفك أسرها ولاكن مدير القناة جنون إنسان يقول ماوالله خمسة الاف عبسه
وبدأت مناوشات حاده حول سااحبه على الدوونيا ( مكاسر ) الخاطفين في السعر ولاكن الخاطفين ملزمين على الخمسه
وأخر شي قال جنون سااحبه بلوها واشربو مويتها
وكانت مطالب سفيرة الأحلام كما جاءت في الشريط الصوتي..
1:صارحيني 2: تذكار 3: بوصالح<===مرسله لنا جلسه خالد
والآن مع مراسلنا من الضاحيه الجنوبيه الدوسري
جادر : الدوسري كيف هي الأجواء عندك...
الدوسري : والله برادات وفله وسعت صدر وين جنون ودي نروح نتمشى ..
جادر : أقول الدوسري ترانا مودينك صحفي موب تصيف..
الدوسري : أقول وش هالزين الي عندهم والله ياهم يهبلون.. بس ( أنحرف الولد )
جادر : الدوسري ما أخر الأخبار ..
الدوسري : وصلت قوة إيطاليه سوف تنظم مع قوات اليونسيف الله من الزين والحلا
يالله ياجادر خل أروح أكحل عيوني بهالزين أبرك من خششكم طوووط طوووط..
جادر : الدوسري الو .. الدوسري هل تسمعني
ونصل معكم الي نهاية الموجز الاخباري ومبروك شهر رمضان ومبروك اليوم الوطني ومبروك العيد مقدما اتمنى لكم صياما مقبول
وياليت ماحد يزعل مني يعني لوو مش عاوزين نزيع مش حنزيع
كان معكم أخوكم الفقير الي الله جادر في صقاع طش ام طش قناه الزين الفضائيه.... وقومو إلى الصلاة يرحمكم الله .. ( فيس مبتسم ابتسامة غير مفهومه !! )
مواقع النشر (المفضلة)