من يحملها ومن هو بعد تزعل ايجي ايجاملها
من هو بعد توحل ايفك وحلها
ايشيل العناء عنها ايروف عليها

عهود المحبه ايصون ما يخالفها
صادق الوعد و بالوفاء ايكافيها

من هو بعد تحتاج ما يخذلها
يبسط اليد ايمدها يعطيها

من هو بعد تبكي ايحيد جضرها
ايجفف الدمعه ويمسحه ماقيها

ان جاته شكتله منكسر خاطرها
ايظمد الجرح ويجبره يرضيها

من هو بعد تمرض ايجي ايساولها
ايطيب الخاطر عالمرض يلهيها

من هو بعد تشتاق ما يهملها
ايبلل الشوق بطيبته يرويها

انت زهاها في زمان زعلها
و انت هناها بيك ما اتخليها

انت المحنه ونبعها ومنهلها
من فيض ودك مالحنان اسقيها

انت عديل الروح يا ملهمها
و انت خيال وطيف ساكن فيها

و انت دليل العين فيك املها
البر السلامه شيلها وديها