.. im3 قصيده عجبتنــــــي كثيـرا وحبيت أنقلهاا لكم im3 ..

.. إليكـــــــم القصيده .. .. :25ar: ..


يا رفيف الماء .. وفجر العيد .. واحزان المواني
يا أكثر أهل الارض طيبة قلب .. وأسرارٍ دفينه
**
المكان اللي هنا .. مليان ضحكات وأغاني
والكلام اللي بغيت اقول .. يحتاج لسكينه
**
شوفي الركن البعيد هناك .. كنه صدر حاني
هذا هو اللي يليق بشاعر وبنتٍ حزينه
**
أنسي الشارع , وعتمات الزوايا , والمباني
هاتي يدينك .. نلف الغيم ونشكل مدينه
**
عندي الليله كلام وصمت .. وأخاف الثواني
تظلمه .. أو تظلم اللي فيه كم ضاعت سنينه
**
بس لازم تسمعين اللي ابي والا تراني
لو بعيده لك نسيت ورحت أقول اللي تبينه
**
شيء واحد قبل ما أبدا .. ما أبي شيء ثاني
يخطر في بالك .. وأنا اكشف لك شعورٍ تجهلينه
**
إن أنا .. وبكل ما تحمله كلمة<أحبك> من معاني
كنت وراح أبقى أحبك .. لين مدري وش هو لينه
**
بس والله ما قدرت أنسى .. ولا همي نسياني
لا ذكرت إنسان فيه أسرار ما بينك وبينه
**
كل ما تطري علي فكرة هواك الاولاني
أشعر أني أنطعن مليون مرة من يدينه
**
أشعر أن عيونك الله ما خلقها إلا عشاني
كيف كانت تبتسم له ؟.. قولي أنك تخدعينه
**
صورة أنه كان يمسح دمعتك .. تزلزل كياني
وكيف كان يلم شعرك .. ويتبعثر في يمينه
**
حتى أسمك يوم رحت أدلعه حظي رماني
بنفس الاسم اللي يقول .. بذمتك ماهي غبينه ؟!
**
وكني اللي .. كل ما أناديك بالاسم الفلاني
أطلب النسيان .. يترك منه شيء تذكرينه
**
لا تظنني أناني .. لا .. أنا ما نيب أناني
لو سلمت من الغرق بموت في ظهر السفينه
**
يا أني ما أكمل وأعاني .. أو أكمل ثم أعاني
كل ما اسمع طاري اسمه .. أو تجيء عيني فعينه
**
أينّا كان الضحية ؟.. وأينّا اللي كان جاني ؟
مدري .. ولكن قراري لازم أنك تقبلينه
**
مثل ما أكره فكرة أنه واحد يأخذ مكاني
ما اقدر أجلس في مكان انسان كنتي تعشقينه .,,..
**

اتمنى يعجبكم اختياري .. im3 im3