السلام عليكم و رحمة الله و بركاته
.
.
[poem=font="Simplified Arabic,5,black,normal,normal" bkcolor="transparent" bkimage="" border="outset,4,black" type=2 line=0 align=center use=ex num="0,black"]
اعـانـد لهفـة اشـواقـي و اخبي رقـة الاحساس= أصارع عاطفة عشقي لجل لعبي يشب جمرك
أصد بعيد و اتغلى و اولـع فـيـكِ الوسواس= يداعب غيرتك قلبي اذا بـدل حـلا بـدرك
نسيتي يوم تجفيني على مرضاة غيري ناس= نسيتي وقفتك ضدي و انا شاري علو قدرك
مـادام انـك تـفنـّنـتـي انـا فـنـي تـرى درّاس= بعلمك السهر والشوق واسكب في الهوى حبرك
ابادلك الشعور اللي سكن فيني و انا محتاس= و ابين لك ثقل ما شفت من تقصير في امرك
شريتك جوهرة ماسه تحلت في السما نبراس= ابي اعوض ثمن تعبي و ازيـّن بالسهر عمرك
ترى مالي سوى قلبك أجنن نبضه الحساس= ابَرد باللعب صدري و اشب النار في صدرك
انا قصدي من افعالي يحارب عينك الانعاس= ابي شوقك يغنـّي لي و يفضح في الثقل سترك
بعد ما بانت اللعبه و شاب القلب قبل الراس= عرفت شلون اتحايل لجل اكسب شجن عطرك
طلبتك اقبلي عذري و لو شابه غصن يبـّـاس= كبير القلب يتسامح .. ترى قلبي قبل عذرك
مافي ابشع من مكابر تشتت ثروته الافلاس= ولا اظنك تهجريني وانا اللي مسكني قصرك
اذا قلبي ذهب خالص ترى قلبك خـُلـق ألماس= انا كلي لو اتجمل صعب اوصل ضفر شبرك
ترى مهما زعل قلبك أبـد صوب الجفا ما داس= خبرته في الغنج مـبـدع و لا يقوى أبـد يـتـرك
صدى نبضي نغم رايق و صوته عالي الاجراس= أحـبـك مـوت يـا حـلـوه و كلي مـدمـن ٍ ذكـرك[/poem]
مواقع النشر (المفضلة)