إيه أحبه..وأشتهي قربه وأبيه
إيه أشوفه كل معنى للحياة
إيه أعيشه..والحقيقه أموت فيه
دربي الضايع لقيته في حماه
روح روحي والمشاعر ملك إيديه
والخفوق إللي تعلق في هواه
قلبي إللي ما عرفتوا ويش فيه
إتركوه ولا تزيدون بعناه
ياعواذل وش عليكم لو آتيه
الضياع بحب (..... )من لقاه
صدقوني... ما لخلي من شبيه
كامل والكامل الله في سماه
أشتهي جرحه وأعشقه وأحتريه
الجروح إللي تجي منه..فداه
خبروه.. إن كان حبي ما يبيه
والهوى إللي جاه مني ماخذاه
وقلبي إللي من عرفته يرتجيه
والقصيد إللي كتبته ما كفاه
لا يهمه... كلهم فدوة عينيه
تفدى رغباته عيون إللي نساه
ولا يهمه باكر... الدنيا تجيه
بالذي وده... وهو غاية مناه
وأنا بكيفي... فؤادي وإللي فيه
يشهد الله مانوى يومٍ جفاه
وإيه أبيه... والله إني حيل أبيه
لعنبو حظي قصر دايم...معاه
رد مع اقتباس
مواقع النشر (المفضلة)