[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهـاتـفـي مـــن نـقـلــك الــيــوم مـلـيــت=ثــقــلــت مـخــبــاتــي بــلــيـــا فـــوايــــد
عــز الله انـــي يـــوم سـددتــك اخـطـيـت=الـفــود مـامــن فـــود والـصــرف زايـــد
سقـت الدراهـم لاجـل مشـراك وارهـيـت=مـاقـلـت ســـوق الـمــال لـشــراك كـايــد
وشـريــت ذاكـرتــن كـبـيــرة وحـطـيــت=فـيـهـا الـرسـايـل والـصــور والقـصـايـد
مـع شاحـن الموتـر ومـع شاحـن البـيـت=وكـمــلــت مـطـلـوبــك بــلــيــا زهـــايـــد
ولــك وقــت ماحلـلـت صـرفـك ورنـيــت=وفـرقـت عـــن كـبــد الـحـزيـن اللهايـــد
صمـتـك يشـتـت شــرد الافـكـار تشتـيـت=ويضـيـق بـــه خـاطــر وسـيــع البـنـايـد
يــامــا وانــــا بــيـــن الاوادم تـحــريــت=رقــم الحبـيـب الـلـي لــه الـقـلـب حـايــد
ويـامـا وانــا فــي غـرفة الـنـوم فـزيـت=ويـامـا جفـيـت الـنــوم فـــوق الـوسـايـد
انــاظــر الـشـاشــة واجــــر الـتـنـاهـيـت=مــتــذكــر يــــــوم اتــصــالـــه يــعــايـــد
الـعــام مـــن قـلـبـه تمـكـنـت وارهــيــت=وهــــذي مـراسـيـلــه لـحــبــه شـهــايــد
الــى اتـصــل رحـبــت بـــه واسفهـلـيـت=واهـديـت لــه مــن نـظـم شـعـري قـلايـد
والـيـوم هـجـره عــذب الـحـال وابطـيـت=ابـطـيــت مـاجـانــي عــلــوم ن جــدايـــد
مدري وش اللي مزعله ؟ ويش سويت؟=مـانـيـب خـابــر لـــه بـهـجـري عــوايــد
يـالـلـي تـجـونــه قــــول انــــي تـعـنـيـت=وقـولــو لـــه ايــامــي بــدونــه شــدايــد
وقولـو لـه انـك فابـن راكـان مـا اقـديـت=يــومــك تــــرد لــــه الـبــرايــر مـكــايــد [/poem]
الشاعر :: عبدالرحمن العريفي الخالدي
مواقع النشر (المفضلة)