مستشفى النفسيه بالرياض لاللضحك ابتسم فقط
[align=center]بينقز واحد او وحده ملقوف او ملقوفه الحين ويقول حرام عليك تتشمت في المرضى
انا مانيب اتشمت والعياذ بالله ، لكن الاستئناس باخبار الظرفاء والدراويش وسماع طرائفهم وارد ومافيه شيء ... وللعبره وعشان تحمدون الله على نعمة العقل ( المفقوده بهالمنتدى )
دق علي واحد من الشباب الاسبوع اللي راح وقالي الله لايهينك ابيك تودين عندي موعد وانا استعمل علاج ما اقدر اسوق بعده ، قلت طيب ، وتفاجئت بعد مامريته انه قال ودني لم مستشفى الاملبالدائري الغربي بالرياض ومير أكع فرامل ما رده الا الطبلون بخشته
قال وش فيك ؟
قلت مخدرات ياحمااار ؟
قال : اعووووذ بالله ............. قلت : أجل وشو ؟
قال : ياخي مستشفى الامل فيه قسم نفسيه وقسم مخدرات وانا آخذ علاج نفسيقلت أشوى وكملت الطريق ودخلنا المستشفى وجينا عند مدخل العيادات ومير تبدأ التحف
....
لاقانا واحد رابطن ثوبوه على خصروه ولابس كنادر بدون شراب ومسرع ... يوم دخلنا جوا وتلاقينا أمه قالت ماشفتوا ورعن مر منيا .... قلت الا هج مع الباب
جلست بالبوفيه انتظر خويي يخلص وطلبت شاهي ، جا لمي رجال كبيرعمروه 40 يمكن قال لوسمحت ابغى شاهي قلت رح هيناك عند الهندي ، قال ياخي ماتفهم انت ؟ مامعي فلوس ، طلعت انا اللي ما افهم images9 المهم شب تسبدي وطلعت ريال مدري ريالين وعطيته واخذهن ومشى ولا شوكرن ولا حاجه ،،،،
بعد هالخبل ذا اللي ينفخ دخل للبوفيه واحد مكلبش ومعه عسكري ، الظاهر هذا كل شياطين الرياض براسوه، المهم جلسوه العسكري بالكرسي اللي جنبي وراح ، الصز اني طقتن ام الركب اللي قبل شوي خبل وعطيته ريال وراح لكن هذا وش بيرضيه ؟؟
قلت خل أببدابوه قبل يبدا بي ، والتفت عليه وبنبرة اقلاع قلت سلامااات يالحبيب ، قال ياخي مو راضين يصدقوني هالزلايب !!!
قلت وشلون ؟
قال أنا محكوم علي بقضية 3 سنوات ، ويجيني كل فتره صرع وابدا ازعق من غير ما ادري كذا عباطه !!
يوم قال كذا عباطه ... ومير افقع ضحك قلت من اللي يستعبط الحين قال ياخي ركز معي اقولك كذا انا نفسيتي تستعبط علي ...!!!
وهذولا العساكر مو راضين يصدقوني جايبيني هنا يتأكدون ، لكن ودين اهلي لقلبها هينا منكده ... قلت ايه عليك بهم تراهم جلم مايفهمون ....وبعدين ليش مايصدقونك ؟
قال ايوه معاك زقاره ؟
شكلوه ماجازلوه هرجي ..
قلت انا ما ادخن ، قال اجل ليه عايش ؟
المهم خلص خويي وناداني وماصدقت على الله .... ومير التفت على هاللي مكلبش قلت جعلهم يجلدونك لين تعض الارض (هماه مكلبش بس) عضيت ثوبي وقضبت الباب ، قلت لخويي احلق ساقي ان جيت معك مره ثانيه ...[/align]
مواقع النشر (المفضلة)