بسم الله الرحمن الرحيم
هذي قصيده تابعه لقصيدة/شالح بن هدلان اللي قال فيها:
ياذيب انا بوصيك لاتاكل الذيب...كم ليلةٍ عشاك عقب المجاعه
هذي القصيده اللي تحت بنفس بحر وقافيه قصيدة لبارح اللي ورد منها البيت اللي فوق!!!
في هذه القصيده فيهــا! جاوب شالح الذئاب بعويلها ثم رجع الى خالقه وطلب منه الفرج ثم لام نفسه واعترف بأنه هو السبب بتحريض ابنه ذيب على غزوته المشؤومه وبعد ذالك عزى نفسه بركوبه الهجن وأنه يتقدم بها على اعدائه حتى ينيخها بالقرب من البيوت الكبارويتخطى الأطناب ويكسب الناقه الحائل التي تهاوي الجمال وتجعل منه خليلاً لها وأخيراًيوصي جماعته بأن يختاروا (المَناسِبْ) الطيبه ليأتيهم أولاد طيبون نجباء وقال لهم: ان بنت الرديء تأتي بولد لايهمه أكثر من نفسه وأن يشبع بطنه رديء الهمه ميت الأنفه تافه الشخصيه...
وهذه القصيده يقول فيها:::
ذيب عوى وانا على صوته اجيب .. ومن ونتي جضت ضواري سباعه
عز الله اني جاهل ما اعلم الغيب .. والغيب يعلم به حفيظ الوداعــــــه
يـــــالله يارزاق عكف المخاليب .. يا محصي خلقه ببحره وقاعـــــــه
تفرج لمن صابه جروحٍ معاطيب .. وقلبه من اللوعات غادٍ ولاعـــــــه
إن ضاق صدري لِذْتْ فوق المصاليب .. مانيب من شيمت فعايل ذراعـــــه
صار السبب مني على منقع الطيب .. ونجمي طِمَنْ بالقاع عقب ارتفاعــه
ياطول ما هَجَّيْتِهِنْ مع لواهيب .. ولاني بداري كسرها من ضلاعـــه
وياطول ما نوختها تصرخ النيب .. وزن البيوت اللي كبــار رباعـــــــه
واضْوي عليهم كنهم لي معازيب .. إليــا رمى زين الوســايد قناعـــــــه
أضوي عليهم واتخطى الاطانيب .. وآخـــذ مهاويــة الجـمـل بـاندفـاعــه
أبا انذر اللِّي من رَبُوعي يبا الطيب .. لا يـاخــذ إلا من بيــوت الشجــاعــه
يجي ولدها مْذرّب كَـنَّه الذِّيب .. عــزّ لِبُــوه وكُــلِّ مـــا قــال طـاعــه
وبنت الردى ياتي ولدها كما الهيب .. غَبْنٍ لِبُـوه وفَــاشِـلَــه بـــالجـمـاعــــه
ياكبر زُولِهِ عـند بيت المَعَازيْبْ .. متـحــري مـتـى يــقــدم مـــتــاعــــه
وســـــــــــــــــــــــــــلامـــتــــكـــــــــ ـم ، ، ،
ياليت تعجبكـــم يا الغاليــــــــــــــــن .. .. ..
مع تحياتي /// نـNـواف
مواقع النشر (المفضلة)