السلام عليكم
كل عام وانتم بخير
جبت لكم اليوم صور ابي افيدكم لعلها تجد صدى القبول منكم
وعقبال اشوفكم من تجارها
تحديد اسنان الغنم اللي هي تشمل الضان والماعز
نبدا في
الجذع / جذعه
من ولادته حتى عمر 14 شهر يعني إذا وصل سنه وشهرين يتغير سنه
هذي الصوره لسن الجذع وتلاحظون ان الاسنان لبنيه يعني توه مادرس هع
نجي الحين لسن ثني الثني
يبدا من 14 شهر إلى سنتين تقريبا
وتلاحظون ان الثنايا طاحت طلع غيرها تكون اكبر واعرض من اللبنيه
وهذي الصوره لسن الثني
نجي الحين لسن الرباع
وهو من سنتين إلى سنتين ونص تقريبا
تطيح سنونه الرباعيه اللي هي اللبنيه وتطلع بدالها سنون جديده اكبر واعر ض
هذا سن الرباع
نجي الحين لسن السديس اكيد فهمتو السالفه الحين كلها
وعمره من سنتين ونص إلى ثلاث سنوات
ويسمى سدس او سديس
وبعدها نجي لسن اربع سنوات اللي هو تام او قارح
الاسنان السداسيه اللبنيه تطيح وتطلع بدالها اسنان ثانيه
بعدها خلاص تبدا في العد التنازليتطيح من جديد سن الهرم
الله المستعان مابقى لها شي واخرتها يمكن ماتجي عشر سنوات عمر الغنم قصير
يالله عقبال ما نشوفكم تشاركون المكيرش
الحين اخذو الصور هذي عشان مايلعبون عليكم اهل الغنم
تحيتي
حيران
مواقع النشر (المفضلة)