ماهقيت إن البراقع يفتنني ..
لين شفت ضبّا النفود مبرقعات ..
الله وأكبر ياعيون ناظرني ..
فاتنات ناعسات ساحرات ..
على طاري البراقع تلاحظون إن أغلب الرجاجيل يخقون على طاري البراقع ! :8ar:
المشكلة ماش ماشفت هـ الزين اللي يقولونه بـ عيون المبرقعات أحسها تشين العيون !
الوكاد ..
أنا وحدتن عندي إختبار :8ar:
واللي عنده إختبار وش يصير فيه im3
يصير من المرفوع عنهم القلم لأنه مثله مثل المجنون وأشد والله im3
الوكاد !
أنا فيه حاجة لي فترة أفكر فيها ,
هـ الشيء ممكن يقول بعضكم أو كلكم إنه حاجة مجنونة بس والله جد مسكت معاي أفكر فيه بـ ضمير وجتني فترة تأزمت منه ..
لأن كل من قلت له هـ الشيء ختم نقاشه معاي بـ جملة الله يخلف على أميمتك وأبيّك خليفة الصالحين ..
هـ الشيء هو ..
الحين الأيام سبعة صح !
طيب شلون صار الإتفاق العالمي إن الأسبوع يكون سبع أيام !
ليش ماصار ثمانية !
ليش ماصار تسعة !
بـ تقولون لي حاجة دينية ..
بـ أقولكم فيه أديان كثيرة موضوعة ليش ماصار فيها إن واحد منهم قال الأسبوع عشر أيام شلون صار الإتفاق الغريب هذا !
+
الحين حنا شلون ندري إن الجمعة هو الجمعة والسبت هو السبت !
ليش مايصير فيه لخبطة وحنا نحسب إن الجمعة هو السبت والسبت هو الجمعة ؟!
شلون عرفنا ترتيب الأيام !
يمكن صار فيه خطأ ..
لا أحد يقولي الله له حكمة ومدري وشو ..
أنا ما أتكلم عن الحكمة ..
أنا أتكلم عن إن الأيام شلون نتأكد إنها نفسها خصوصاً إن فيه أيام مقدسة عند الديانات السموية ..
مثل الإسلام ويوم الجمعة ويوم الأحد عند النصارى والسبت عند اليهود ..
شلون نتأكد إن اليوم هذا في مكانه الصحيح !!
شطحة :
أخوي شاري عود قبل كم أسبوع طبعاً ماعلم أحد إلا أنا وبعد فترة صارح أمي بـ الشيء هذا لأنه على قولته ما أقوى أتسذب عليها :24ar:
الموهم أمس كان عندي إختبار واليوم اللي قبله كانت نفسيتي جداً تعبانة ووصلت لـ مرحلة الجنون حقت اللي أصيح وأضحك بـ نفس الوقت من الضيقة
عاد كان جايب أغراض وطلعت أدخلهم معاه ويطلع لي العود ويناظرني بـ نظرة خبيثة وهو عارف أفكاري ويقول تجربين !! :24ar:
قلت تم يا كفووووووووو أنت :24ar:
وأتربع على الأرض وقسم بالله جاني إحساس إني عبادي الجوهر ولا خالد عبدالرحمن وأحس إني فنانة كبيرة وحسيت إن عندي موهبة للحين ما أكتشفوها :24ar:
وأناظر أخوي بـ عيون حالمة وأنا أقوله صح موهبة !! :24ar:
ويرد علي وضحكته واصلتن آخر الحارة :
هاتي هاتي بس قبل لا يجي أبوي ويشوفه قال موهبة قال وأنتي قالبتن العود !!:8ar:
عاد رحت لـ أمي وأنا واثقة من موهبتي وأناظرها وأقول أبي عود هدية نجاحي :24ar:
وكـ عادة أي مرأة سعودية نجدية ردت علي وهي تناظرني بـ نص عين :
كانتس بنت أبوتس سويها والله لا أسوي فيك سواة محمد المنصور بـ منى شداد وأكسره فوق راسك أنتي والحمار أخوك
لـ الأسف أمي من مضطهدين المواهب
عاد لـ الأمانة أحس الحين يمدي أموت بما إني حققت واحدة من أهم امنياتي :8ar:
باقي لي التدخين والتخرج من الجامعة المشكلة خالي ماد لي الزقارة وقايلن لي والله ماتدمنين جربي لو تبين مانيب قايلن لك شيء :8ar:
بس ماش رقله قلبي ماطاوعني حسيت إني ممكن أدمن وأبلش عاد والله إن يعلقني أبوي على باب بيتنا غير مأسوف علي :/ !
حاجة ثانية ..
هـ الشيء مسبب لي أزمة من زمااااااااااااااااان
وأكتشفت قبل فترة إن أخوي مفكر نفس هـ التفكير
الحين ..
العيون تشوف نفس الألوان !
ولا تختلف !!
يعني مثلاً أنا أشوف اللون هذا أحمر وإنتم تشوفونه أخضر بس هو بـ الأساس بني !
يعني شلون نعرف إن الألوان نفسها وهل يمكن إن يكون فيه إختلاف بـ الألوان وإن كل شخص له ألوان خاصة فيه !!
تحسون إني مريضة صح !!
عادي ترى المجنون دايم هو اللي يحس نفسه عاقل والباقين مجانين :8ar::5ar:
بـ النهاية ..
دعواتكم تكفون الأحد عندي فوناتكس إبن الست وستين كـلب :24ar:
وأوقع وأبوس أيده ..
ورويحتي بـ أيده ..
حسباله أنا أريده أنا ..
وأنا المسيكينة أنا !
مواقع النشر (المفضلة)