(( لــعـيـــــــون ســـــــاره ))

[فيصل بن عسكر المهلكي]

[poem=font="Simplified Arabic,5,darkblue,bold,normal" bkcolor="transparent" bkimage="" border="ridge,7,darkred" type=2 line=0 align=center use=ex num="0,black"]
الحب سهم وقلب الاحباب شاره = وحكم القدر رامي والاحساس هدّيف
والشوق تاره عقل وجنون تاره = حسب اتباع الانظمه والتعاريف
وانا مع الثنتين ذقت المراره = فنجال ماقنّد هوى راعي الكيف
في وادي العشاق مابه ظفاره = ولايعترف بالخيل وبـ / شيلة السيف
فيه الشجاع اللي مجوّد وقاره = ولاساير التيار وسط الحرانيف
اللي على قلبه يلوذ بــ / ستاره = تغشاه عن شمس الضحى والصواديف
ما ساير الارياح في خشم قاره = يسرح مع التيار ويجاذب الحيف
صحيح من قال : التجاره شطاره = لــ / من يعرف التجره ودفع التكاليف
يقولها من ذاق فوح الحراره = اللي على كبده حنيذ الشواخيف
البارحه هسّ الهوى عن مساره = اقبل على الحاجز وجزّه مع الهيف
من سرع مشيه جارفٍ بانحداره = ياعونة الله من ظروف الصواديف
على الذي شوفه هزرني هزاره = واصبحت في بحره بليّا مجاديف
اسبح واشوف الماء يفيض بغزاره = وعيّت تفيدبها طوال الزعانيف
الين غصت بشوشتي في قراره = اغرق وموتي في عيونٍ مناكيف
طرّاه دمعٍ يُستثار بإثاره = في قالب درامي تنامى على النيف
لين امتكن في القلب واركز شعاره = مع لاهب الذكرى تبان التناتيف
فيه الصغاير تشتكي من كباره = النوم والظلماء وجور المواليف
ماغير اردّد ( آآآه ) يا /آخر زياره = وش بدّل ايام الهناء بالتحاسيف
ماقول درب الحب ثوّر غباره = اقول سار الدرب بعض الملاقيف
متى الهوى يزهر ويلبس خضاره = وتهل في قلبي مزونٍ مراديف
وان قال ( ابونوره ) ( ولعيون ساره ) = قولوا ترى ( فيصل ) رمته المحاريف[/poem]



[align=center]وسلامتكم[/align]

[الحرالأشقر]

[align=center] المهلكي ....


بكل معاني الإبدااااااااااااااااااااااااع ..

ابدعت ,,, فيما أبتديت ،،


وأجزلت فيما أنتهيت ...


صح لسانك ولاهان رأسك


والله يبطيبك حي ياسنايدي


الحرالأشقر[/align]

[الحوراء بنت نجد]

الشاعر فيصل المهلكي




مرحبآ بشاعرنا والذي نتشوق دومآ لنثر مشاعره


والتي تتسم بعذوبة العطاء وتميز المفرده--


المهلكي من صقور الزين الأوئل وحين يحلق بعيدآ يكون


الحنين ملازمآ لكل محبيه في شوق لعناق مشاعره وعذب


قوافيه والمشهود بتميزها ورقيها بل وقوة معانيها---


لوحة عاطفيه تسامر الشفافيه فكان الحضور بليغآ بسحر


بسمة كل حرف وكلمه وجملة أرتقت لنبراس القافيه--


صح قلبك وصح الله لسانك---



الحوراء بنت نجد

[احساسي صادق]

اخي الشاعر فيصل


صح لسانك روعه وابداع تعانقوا لأكتمال الجزاله

لوحه سطرها قلمك وتسلم يمينك عليها يالغالي

سجل اعجابي على طبق من ذهب لهذه الاسطوره


[align=right]الحب سهم وقلـب الاحبـاب شـاره[/align]
[align=center]وحكم القدر رامي والاحساس هدّيـف[/align]
[align=right]والشوق تـاره عقـل وجنـون تـاره[/align]
[align=center]حسـب اتبـاع الانظمـه والتعاريـف [/align]
[align=right]وانـا مـع الثنتيـن ذقـت المـراره[/align]
[align=center]فنجال ماقنّـد هـوى راعـي الكيـف [/align]

ودمتم ....

[فيصل بن عسكر المهلكي]

الحر الاشقر

ياحي هالحضور اللي ينومسني والله
شكرا لك اخي الرائع
وصح بدنك وكلك
لاهنت
دمت بود