][®][^][®][ـــ تنبيه عام ـــ][®][^][®][
اعلم اخي المقلع واختي المقلعه.....انه بدخولكم هذا الموضوع الداج.....
فأنكم اشخاص فاضين تبحثون عن"سعة الصدر" و "الوناسه"
التي لم تجدوها في المواضيع الأخرى.....
وضاق بكم الطريق الى ان وصلتو لموضوعي هذا......
لكن احب ان اقولكم ان موضوعي هذا الماثل امامكم ماهو الا لسعة الصدر والوناسه ......
وماهو الا محاولة "خنبقه" في زمن قلة به الخنابق(جمع خنبقه)....
وانه احد اهم اسباب انفلونزا الطيور كما صرح بذلك حسن شبكشي >>>> يااخي قديم أنت....
فلذلك جرى التنويه .....وشكرا لحسن استماعكم ....
ذبحني الأندومي(دراما - تشويق - اندومي- واحد شاورما بدون مخلل)
في يوم غابر عاصف ليلاً... بارد شتاء... حار جاف صيفاً...
اشرقت شمس يوم جديد <<< لا تدققون على التعبير تكفون
قمت من النوم فوجدت الغمص يملى عيوني ( حتى ظننت انني اعمى )......
والسعابييل تملى ارجاء الغرفه(لأني نسيت لا اسكر فمي قبل ماانام)>>>أدري اني مصختها+
(راح نقلب عامي هاللحين) <<< من زين الفصحى اللي فوق
لقيت كيسة الأندومي قدامي........
ايه نعم......
فطوري اندومي ....
وغداي اندومي ....
وعشاي اندومي .......
حتى سحوري اندومي بعد.....
بس اندومي بطعم الخضار <<< لاعاد تنكت تكفى
هذا الواقع اللي مااقدر اغيره.....وهو انه من خشونة اظافري والفقر ملازمني ...
ماعندي مصروف شاورما بسبة الفقر الشديد .... وصرت اشوف الفقر في كل مكان.....
في الثلاجه....في مخباتي... حتى انه كان يطل علي مع الدريشه ....
لدرجة ان الميانه طاحت بيني وبين الفقر......حتى انه صار يسير علي كل يوم......
وصار يجيب خويه "الجوع" معه..... وصرنا افضل ثلاث اخويا.........
حتى جاء "العطش" علشأن يكملنا رابع بلوت ...
مسكت كيس الأندومي ...وافرغته في قدر (ب**ر القاف واذا ماقدرت ت**ره خل المنتشري او تكر ي**ره).....
وبينما كنت فاغر والسعابييل توقطر في القدر.....
طق باب الغرفه عندي.......يوم فتحته لقيت جني مصور على شكل ؟؟؟
ماسك كورةٍ منسمه الا شوي
ولابس بدلة رياضه ضيقه عليه...... حتى سرته (بشد الراء على مااظن ) قامت تهايق (تويق) علينا من تحت .....
وقال: هاه يابو العذاب تجي تلعب معنا كورة في الملعب
(تكفى ياستاد الملك فهد اشوى ان الملعب نصفه زفلت مقشر ونصفه صباخ وغبار ومليان مسامير و**ر قزاز).....
قلت له: قدام بس اخلص اللي في يدي (الأندومي طبعاً ).....
ويوم بلعت الأندومي....جيت ركض عند دولابي....
واطلع البدله حقتي الخضراء اللي مخططه بأبيض
ومكتوب على صدرها وزارة المعارف <<<< تراه مايدري ان اسم الوزارة تغير
وانزل للملعب....وسط حضور جماهيري كبير (المشكله ان الجمهور طبو في الملعب بعد وصارت الدعوه حوسه)....
طبيت معهم واقعد اشووت ذا الكورة يمين ويسار....
انا ماادري مع من لكن اهم شي ان اجيب قوول بغض النظر عن مرمى الفريق المنافس
طبعاً نمشي على القانون الصادر من الفيفا والمصدق من عند الأتحاد السعودي ومعتمد في حارتنا اللي يقول: اخر واحد هو الحارس
شوي الا توصل الكورة للجني ؟؟ (يادب) هههه....وهو اللي يشوتها فوق....
وكانت رايحه لمرمانا.....وانا كنت اخر واحد عند القول...قلت مابدهاش دنا حأرد الكورة....
واجيك وانقز....واطلعها برجلي "دبل كيك" من حلق المرمى(طبعا نسيت اني انا الحارس).....
واجيك محول على دمجتي.....صحيح انه مؤلم.....لكن مايهم اهم شي اني خلصت الكورة من المرمى.....
ويجون افراد فريقي ويشيلوني على الأعناق....وسط تصفير وتصفيق من عيال الحارة....
والبنات المعجبات يطلطلون من درايش بيوتهم وما عرفت فيهم الا خدامة جيرانا بلى معها الليف
وطبعاً ــــــــــــ لانها تشر بسعفه (مكنسه قديمه تقطع من النخل) ...
وقلت لهم خلاص رجعوني لغرفتي مابعد الدبل كيك شي ......
وراحو زفوني عند غرفتي ....وخلوني اريح هناك بعد ماسويت لهم الأنجاز الكبير .... من زود الوناسه نمت وانا مبتسم والسعابيل تقوطر كالعاده ...
صباح اليوم الثاني طق الباب .....فتحته لقيت شخص لاعبه بوجهه الثعلبه....
قلت له يالحبيب فلوس ماعندي ...تبغى زكاة رح شف في اخر الشارع فيه الجمعية الخيرية....كودك تلقى شي يسد حاجتك
قال: ماعرفتني؟؟؟ انا "رومان ابراموفيتش"رئيس نادي تشيلسي الأنجليزي <<< اما عاد
قلت له: الملياردير الروسي البطران ماغيره...يالله انك تحيه
قال: قل ماشاءالله <<<< ايه هين قال كذا
قلت له: بشرنا وش اخبار تشيلسي عساه طيب <<< خويكم يحسب ان تشيلسي رجال
قال: اقول لا يكثر بس....انا جاي هنا علشاني شفتك امس بالجزيرة الرياضيه وحسيت ان فيك موهبه كرويه وحبيت اعرض عليك انك تنضم للفريق...
لأن فيه مبارة ديربي بين تشيلسي وارسنال ابغاك تلعبها ....هاه وش قلت
قلت له: قدام لعن ابو صدام والريوس مفصول
هذا ابراموفيتش وتلاحظون الثعلبه لاعبه بخشته..صار تقول واحد(ن) من هاللي يشحذون عند باب المسجد
وصلت لندن ....واخذتلي اجره وعلى ملعب تشيلسي .... في الطريق حصلت اشياء غريبه .....
لقيت كتابات على جدران مثل Chelsea is high high and Arsenal is under my sandals ...
ترجمتها : تشيلسي عالي عالي وارسنال تحت نعالي ....بصراحه شكيت قلت انا بلندن ولا بشارع الجيش .....
واللي زاد شكي ان حصلت قبل حديقة "الهايد بارك" خيام يبيعون "حطب نص استوى" للي وده يكشت في "الهايد بارك"..... والله اني حسيت اني في حدى شيش خط مكه ....والله منتو بهينين يالسعوديين ثقافتكم وصلت لندن <<< ابد تراه مايقصد شي
دخلت الملعب.....لقيت المدرجات مليانه جمهور.....
والشقر كثر التراب (بعذرهم ذا الأوربيين يلعبون زين....لاقين ذا الطخوم يستعرضون قدامهم....مهو بحنا الله يخلف علينا ....
انتم جربو يالاتحاد السعودي وافتحو المدرجات للجنس الناعم....وشوفو كيف اللعب بالملعب والمدرجات )........
لقيت افارقه متجمعين في اخر المدرجات ويشجعون ارسنال
ويقولون: We will eat u Piece Piece....We will eat u like Barshomy ...
ترجمتها: اخاف يزعل علي ........
بدة المباراة .......طبعا المدرب الله يخسه حاطني احتياط (ماعندهم اكرام الضيف ثلاث ايام)......
تقدم ارسنال بهدف سجله تيري هنري.....وانا قاعد احاول بالمدرب يدخلني الملعب
وهو معصلج ( اي : رافض ) .....انتهى الشوط الأول ....بدء الشوط الثاني وانا مازلت بالأحتياط.....
جاب هنري الهدف الثاني .....بعدها قفلت الأخلاق.....قلت للمدرب ياتدخلني ولا ترى ابذب البدله بوجهك ....
قال المدرب: وش عنده رونالدو الغفله"قالها المدرب مستهزئاً ".... وبعد شد وجذب بيني وبين المدرب رضا هذا الأخير انه يدخلني...
يوم دخلت الملعب ....
تفاجأت بان الحكم هو ماجد عبدالله واقف قدامي ويمنعني من دخول الملعب
قلت : هلا ابو عبدالله قال: متى المعرفة وجحدني!!!!>>>بس شعره صار اشقر
قلت يا ابو عبدالله: خير وش المانع!.....
قال ماجد: انت سعودي؟...
قلت له: لا اندونيسي منتهيه اقامته اكييد سعودي...
قال : "مازحاً غاضباً "....... وش حيثكم بالسعوديه ماتلعبون الا ثلاث اجانب......
قلت له: وانت وش حارق رزك ان شاءالله نلعب بربع لاعب ولا بنص لاعب ..دورينا وبكيفنا....
قال:دام الدعوة كيف اجل جب ورقة من المرور (عفوا ) ورقة من الفيفا علشأن تدخل الملعب انا الحكم هنا بكيفي.....وبعدها صار ماجد يلعب برموشه
وانا اطير زي البرق لسويسرا مقر الفيفا......واجيك وادخل على رئيس الفيفا بلاتر.....وارمي شماغي على مكتبه (مع اني ماكنت لابس شماغ!)....
وقلت له: تكفى وترى تكفى تهز الرجاجيل
هذا بلاتر يوم انه حالف(ن) على الجماعه ويقول: ترى غداكم (القايله) عندي
قال بلاتر:خير ان شاءالله.....
قلت له: ابغى ورقة من عندكم مختومه عندي مباراة مهمه الأن والحكم مانعني من اللعب....
قال:الحكم صادز(صادق) لازم ورقة بس مهو كل واحد نعطيه ورقه....
قلت له: يعني تبغون شهود ومزكيين ولا وش السالفه....
قال: لا مايحتاج مثلك عارف ياما وياما مشينا ملفات مهي بكامله وعقود لاعبين واهداف يعني لا يخدم بخيل(ملعون بلاتر ).....
قلت له: انت كم تبي بس لك مني شيك مفتوح (كله على حساب ابو ثعلبه ابراموفيتش )......
يوم قلت له شيك مفتوح شفت سعابيله تقوطر على المكتب وعلى طول يطلع الورقة لا ومختومه بعد
(اتوقع لو زدت المبلغ شوي كان يعطيني قرار بفصل الحكم عن التحكيم )....
اول ماخذت الورقة واحط رجلي....واسمع بلاتر يناديني: يا مجنون وين الحساب؟؟.....
قلت له: الحساب يوم الحساب <<<< حركات عرابجة
جيت طاير....وصلت الملعب وباقي دقيقه على نهاية المباراة <<< ترى حنا في عصر السرعه لا تدققون كثير
والنتيجه هدفين لهدف لصالح ارسنال.....واجيك واحذف الورقة في خشة ماجد عبدالله....
وانطلق واخذ الكورة....واجيك طاير متجه للمرمى.....
يوم وصلت المرمى وهو ينفرش هنري علي بكبره <<< تراه مايعرف الا ذا اللاعب من ارسنال
ويصفر الحكم عن ضربة جزاء....اول ماطحت مسكت الكورة وحضنتها وقلت مايشوت البلنتي الا انا <<< حركات ابتدائية
قلت هذي فرصتي اني ادخل بوابة العالميه.....ولا وش الفرق بيني وبين بيكهام اساساً.....
بس نفرق بالشكل اكيد ....طبعاً الطخامه لصالحي <<< يارجال يحلفون ان رونالدينهو اطخم منك
يوم جيت ابسدد البلنتي احترت....ماادري اشوت يمين او يسار....بس قررت في النهايه اني اشوت وسط....
اضمن انها اذا ماجت قوول فأنها راح تصفق خشة الحارس....يعني **بان في النهايه
واجيك واشوووت الكورة
طااااااااااااااااااااااااااااااخ
نكمل القصه
طاااااااااااااااااااااااااخ
شوي الا اشوف الأندومي منتثر في كل مكان بالغرفه .....
والقدر مصقوع في الجدار ومن**ر ....واصابع رجلي متورمه وتصب دم.....
اتضح اني شت القدر بدل الكورة
يعني كل السالفه اللي فوق طلعت حلم يقظه ......يعني مافيه لا شهره ولا فلوس......
مافيه الا اندومي ..... ومنتهيه صلاحيته
اااااااااه يالأندومي.....اااااااااه يالأندومي
اااااااااه يالأندومي.....اااااااااه يالأندومي>>>> على وزن اااااه ياحمزه
وبس انتهت القصه !!!
ملاحظه صغينونه:
سبق عرض له بموقعأ اخر ماهو ببعيد عن موقعكم
وتقبلو خالص تحياتي
im5
مواقع النشر (المفضلة)