ناصر / هلا والله بخالد حبيب قلبي هلا وغلا
خالد / هلابك ياناصر وش اخبارك ؟
ناصر / انا بخير دامك بخير ياوجه الخير
خالد / ياعمري كل ذا حب ؟
ناصر / والله لو تدري وش لك بقلبي ان يوقف شعر راسك انت قدوتي ومثلي الاعلى في الحياه ,, يعني انت والفيصليه واحد ؟!
خالد / الله يسلمك والله ياناصر وتأكد اني احبك اكثر
بعد فتره من الزمن
محمد / الوووو ناصر انزل يالله انا تحت عند الباب
ناصر / شفني عند موتري باخذ بوكي بس يالله طوطوطوط
هلا محمد ما انتبهت لي اجل
محمد / لا ياخي اتصل علي خالد وخرشني نبي نمره ولا نتأخر عليه
ناصر / لا يا ابن الحلال فكنا من خالد وش نبي فيه ؟
محمد / افا ليه ماتبينا نمره ؟؟
ناصر / يابن الحلال انا اعرف خالد اكثر منك انسان حقير ونذل ولاهوب كفو من يماشيه اصلا اسئلني انا انقرصت منه اكثر من مره
محمد / ؟؟؟؟ وشلون هالكلام وانت امس متقابلين بلوت وماغير تمدح فيه وتسولفون وتظحكون وتقوله انك تعزه وتغليه ؟
ناصر / يارجال لايهمك اريش فيه انا بس ولا هو مهوب كفو ما خلا احد ماتكلم في ظهره وانت اول واحد يقول انك تسمع كلام فلان وفلنتان عشان ضد اخوياك عشان مصلحة نفسك !!
محمد / افاااا كل هالكلام يطلع من خالد ؟؟؟؟؟
ناصر / يابن الحلال قال كلام يشيب له راسك بس خلني ساكت ,,, لحظة لحظة هذا خالد يدق على جوالي خلني ارد
الوووو .. هلا والله ابو خلود هلا بالغالي
محمد / ؟؟؟؟؟؟؟؟ << من هنا الى بن دايل
ناصر / وينك فيه ياحبي يالله عشان نمرك الحين
خالد / كلمت محمد وقالي جايينك بالطريق
ناصر / " مقصر صوته عشان لايسمعه محمد " يارجال محمد مايبي يمرك اذا قابلتك علمتك وش يقول عنك بعد ؟؟
=================
كثير بحياتنا نقابل ناس نسميهم بلهجتنا انسان ابو وجهين .. يعني يقابلك بوجه ويبين لك انه يحبك وحريص عليك وهو من وراك يشرشحك ويتكلم عنك بأبشع الكلام ويحاول يشوه سمعتك بأي وسيله
طبعا هالنوعيه من خلال البحوث معروفه ان هالمرض اللي فيهم هو عباره عن احساسهم بالنقص وفيهم كمية حقد وحسد للغير وهالاشياء تخليهم يسوون اي شي عشان يشوهون سمعة غيرهم
محاور نقاشنا :
ماهو رايك بهالنوعيه وهل واجهت ناس مثل هالنوعيه وتعرضت منهم لتصرفات وكلام يمس سمعتك ويأثر على علاقاتك بالغير ؟
اذا جاك احد ونقل لك كلام عن شخص صديق او صديقه لك هل تأخذون بكلامه على طول او تسألون الطرف الثاني وتتحقون من الموضوع وتواجهون اللي نقل الكلام بالشخص المنقول عنه الكلام
نبي رايكم ونبي قصص ونبي نساهم بحل هالمشكله بأسلوبكم
لكم المايك
تحتي لكم
وعلى فكرهـ منقووووووووووول
حورور
مواقع النشر (المفضلة)