السلام عليكم ورحمة الله
الموضوع خاص بصبايا ياليت الشباب
يطلعون
ولي مو طااااالع لازم يرد
ويعطيني رايه مفهوم
خلاص اتفقنا
بسم الله
طبعاً كل بنت تحلم بفارس احلامها
يجي على الفرس الابيض ويخطفها لاحلى مكان
وانا كنت مثل هالبنات احلم الين طفح الكيل>>حلوه طفح الكيل
بعدها قلت خلني اغير هل قصه يمكن يجي فارس احلامي
والحلم الحالي هو كل آآآتي
احلم اني قاعده عند باب بيتنا حوالي الساعه ثمان الليل لابسه جلابيه حمراء مقلمه باسود واصفر
ولافه عباتي على خصري وعلى وجهي ذاك البرقع الي مبين هالعيون الحورالي خلصت عليها الكحل
المهم وانا قاعده اسمع صوت طخ طربخ ططططخ
الا وذاك الددسن ابو غماره الي منكسره لبته
ويسحب جلنط الاوذاك الشاب الي لابسلك الثوب وفاتح الازره الي عند الرقبه وحاط الشماغ على كتفه وفوق راسه طاقيه مايله فوقها العقال
ويضربلي بوري انا قلت خير ان شاء الله
وفصخ نعلتي وقرب
انا:خير ان شاء الله يابو الشباب
ابو الشباب:هلا والله (ويرفع حواجبه) اول شي نزلي نعلتس خلينا نتفاهم
انا:ماااالك دخل بنعلتي تكلم بنات الناس وتبيني اسكتلك
ابو الشباب:اقوووووول(وفتح اعيونه على اوسع نطاق ) بتنزلينها ولا اجي اتوطى في بطنس
انا طبعاً استحيت على وجهي وخفت من اعيونه الي بغت تاكلني
انا: خير وش تبي انت ووجهك
ابو الشباب: انتي داقه على الي يرسلون فارس الاحلام
انا: وانت ويش دخلك
ابو الشباب: داقه ولا مادقيتي ياجعل المخباط الي يخبط راسس
انا: ايه داقه
ابو الشباب:وهم روحوني لس علشان اصير فارس احلامس
انا هينا احمرة اخدودي
انا:طيب وراك ماقلت من الاول
فارس:انتي خليتيني اتكلم فاصخه نعلتس ودي اخذها واكفخس فيها الين تعضين الارض
انا: اقوووووول تراك طولتها وهي قصيره وش تبي الحين
فارس:ابد قلت ورا مانطلع مثل الي في القصص اخطفس لمكان ما يدري عنه احد
انا: لاوالله
فارس: لاحووووووول انتي الي تبين فارس احلام ويش اسويلس
انا:بس ويش اقول لاهلي
فارس: اقووووووول بتركبين ولا اروح لوحده ثانيه
انا: طيب طيب خلاص جايه
واقرب ابي افتح الباب ولا قي على الكرسي خبز صامولي وزمزميه شااهي
انا: وخرهم خلني اركب
فارس:ماني فاضيلس اركبي ورا في الغماره
وانا الي انبسط قلت اخيراًبحقق حلم حياتي واقلد مثل رقيه الي بطاش ما طاش
ورفع عباتي واشمرعن سيقاني سيقان سلوى وانط واناظره الاوهو يقزقزني من المرايه الي قدام
واقوم وخبط القزازه وهو يرتاع وانا انبصط
ويشغل السياره اوووووف وانا الي ارجع الوراء واخبط بجدار الغماره طرخ طربخ
واقوم بعد جهداً جهيد وتمسك واسوي مثل رقيه
الين وصلنا لطعوس ويقوم اهو ويطعس
وانا الي انرج بذا الصندوق طخ طربخ ططططططرخ طخ طخ
واخيراً يوقف وينزل ويرتفت علي
وانا كل جزاء بجهه ولبلاوي طالعه العبايه فاتحه خشتها على الاخر ولبرقع طااااااااار
وينبسط ابو الشباب
واقوم على حيلي واعطيه ذاك البقس الي طير ضروسه
فارس: وجع ان شاء الله ( ويدفني الين طحت من الغماره)
واقوم وامسك اذنيه واشدهن ( شسوي ماله شعر)
وهو يمسك شعري وشتغل التكفيخ وترفيس وتمعيط وحنا على ذا الحال حوالي ساعه
تعبت وهو تعب
انا: فك وافك
فارس: لا فكي انتي
وبديناء فك وافك واخيرافكينا بعض
فارس: انابروح ادور حطب
انا: وتخليني الحالي
فارس:انثبري هنا الين ارجع ويليت ارجع والاقي الذيابه حولس تاكلس وتمصمص عضامس
انا: وجعاً يوجعك ونت قبلي ان شاء الله تقلع تقلع يله
راح فارس وانا الي مت من الخوف واسمع صوت الذيابه ودعي ربي انه يرجعه لي
ولمح شيء من بعيد الاويوقف قلبي وهو يقرب وانا اتشهد
واقوم واصرخ: فااااااااااااااااااااااااااااااااااااااااااااااااا ااااررررررررس
واصيح وبعد برهه>>وين جت برهه معه
المهم الا وحس بشئ يمسح على راسي ويقول: لا تصيحين هذا انا>>>بدت الرومانسيه
ولتفت والاقيه فاارس:هذا انت
فارس: ايه انا رحمتس يوم شفتس تصارخين باسمي ولا كنت ناوي اروعس
وابتسم وتذكرت انا البرقع مو علي وارفع يديني واغطي وجهي
فارس:وهذا الي عاجبني فيس
انا: وشو
فارس : انس محافظه ان مايشوفس احد
ويمد شماغه ويقول: خذي تغطي فيه
واخذه واتلاطم
فارس: ماشاء الله عيونس حلوه(ويرفع حاجبه)
واستحي والتفت على الجهه الثانيه
ويقوم ويقول: بروح اجيبلس الخبز واشاهي تتعشين عليه
انا: لا مابي شي
وهوما صدق: خلاص اجل( كنت ميته جوع)
ويمسك يديني ويشدني ويقول: قومي نتسابق ولي يفوزيسوي فثاني الي يبي( ويناظرني بخبث)
وانا الي اعجبتني الفكره قلت خلني ارجع حقي منه بكم كف على اشويه بقوس حق شعري الي قطعه
انا: يله
وبدينا السباق
ومره انا الي اسبقه ومره هو الي يسبقني
وانا كنت متحمسه وركض وركض واطيح من فوق الطعس
الاوهويجي يركض ويسمي علي ويقومني
طخ الكف الاول طخ طخ
وافتح عيني والقاها اختي تكفخ فيني تقول: قومي جعلس القام
وانا الي ارتاع من كشتها وارجع على وراء وطخ في حافه السرير ولاني طايحه منه وحسبالي طايحه
من فوق طعس انا وخشتي
حولت بعدها اكمل الحلم لاكن دون جدوى اهئ اهئ اهئ
وتأكدت انا لو غيرت القصه نفس الشيء
بيضل فااااارس
احلااااااااااااااااااااااااااااااااااااااااااااااا اااااااااااااااااااااااااااااااااااااااااااام
هاااااااااااااااااه ويش رايكم
لكونهاا اول موضوع اكتبه بنفسي
ابيكم تعطوني رايكم ولا تبخلون علي بردود
مواقع النشر (المفضلة)