ألسلام عليكم ورحمة الله وبركاته
أخواني وأخواتي إدارت ومشرفي وأعضاء وزوار هاذا الصرح الشامخ
أسعد الله أوقاتكم بالخير والمسرااات
أخواني إليكم ألقصيده ألتي تعم جميع شعراء وشاعرات الزين
ولكن للأسف لم يكتملو جميعاً فلا أدري لماذا هل الجميع لم يرى الموضوع وهو مثبت
أم صادفهم شيء آخر الله أعلم
أخواني لقد رتبت هاذه القصيده حسب ألأرقاام المتسلسله للأبيات لك شاعر وترتيبه
فكل شاعر أمامه رقم أبياته ( من و إلى ) وعسى ان يكون هاذا الترتيب واضح
وأرجو أن أكون قدمت ماهو من أختصااصي تجاه هاذا الصرح الشامخ
وثم تجاااه هاذا الموضوع
إليكم أسماء الشعار بالتسلسل وأرقام أبياتهم
وإعذروني على القصور تراي مقصر كثير حبايبي
1- نواف ألمطيري من ( 1 إلى 4 )
2- لحن ألمشآعر من ( 5 إلى 8 )
3- خالد ألشوق من ( 9 إلى 12 )
4- ألحوراء من ( 13 إلى 16 )
5- فهد المطيري من ( 17 إلى 20 )
6- فيصل اليامي من ( 21 إلى 24 )
7- سعود القحطاني ( 25 إلى 28 )
8- ألمختلف من ( 29 إلى 32 )
9- شاعر مشاعر من ( 33 إلى 36 )
10- الدره المكنونه من ( 37 إلى 40 )
11- مشعل البقمي من ( 41 إلى 44 )
12- فارس مطير من ( 45 إلى 48 )
13- لحن ألمشآعر من ( 49إلى 50)
[poem=font="Simplified Arabic,5,blue,bold,normal" bkcolor="transparent" bkimage="" border="outset,6,darkred" type=2 line=0 align=center use=ex num="1,red"]
بديت باسم الله على نظـم الابيـات=بحـروف فكـرن مانـزل للدنـيّـه
يرسم حروف الزين للزين لوحـات=الغيـم والـوان الـورود البهـيّـه
البارحه قلبي غـدى فـي متاهـات=مـادري ولكـنّ ابتـلانـي بلـيّـه
قمت اتفكر في زمان (ن ) مضى فات=يوم(ن) خوي اللاش مزعـل خويّـه
مزعل خويه مانفع فيه منخات=إمجنبـن لسلومنـا ألمرجليّـه
نواف هاك إعلوم مني وصلفات=هالمنتدى فيه ألأُخـوُه قويّـه
ولا ألزمن داير علينا بـدورات=يكشف خفايا بالقلوب ألخفيّـه
لاكن عسانا نحتمل كل صكـات=هاذا ألزمان ألي حياته شقيّـه
الي قضىّ عمره بلوعه وحسـرآت=متقلب (ن) ما بين حسنّـه وسيّـه
مآ عآش في دنيّآ الترف والملـذآت=ولا شآف دورآت الزمـآن الهنيّـه
عزآه يا قلب (ن) عن الحب ما بآت=يسـجّ فكـره بالـديّـآر الخلـيّـه
يذكر زمآن (ن) فيّه صوله وجولآت=يقطعـك يـا دنيـآ علينـآ رديّـه
ياما قطعنـا ياعشيـري مسافـات=مره على الرجلين ومـره مطيـه
دنيـا تقلبنـا تقلـب عقـيـلات=وياما تلوعنـا صبـاح وعشيـه
درب الهوى لوعه وجمره وأهات=وطب الهوى زود على الكي كيـه
يسهر صويب القلب ماشاف شلات=جالس(ن) وحيد(ن) ويتذكر خويه
ذكرى يعايشها على مر الاوقـات=بأحزانهـا وافراحهـا الأولـيـه
مرات تضحك له . وتبكيه مرات=متقلبه مابيـن هـاذي . وذيٌـه
حتى غدا فكره من أسبابها اشتات=وساد السواد . بعينه الجرهديـه
واصبح حكايه غير كل الحكايـات=من وقتنا الحالي . إلى الجاهليـه
لكن نصيحه للذي شاف زلات=إمن ألخوي لازم يعدل خويه
هاذا خويك بالرخاء والمشدات=عزوتك في يومن حوته ألمنيه
هو عزوتك لاجاء من الوقت دكاك=دكات مافادت بها البندقيه
هاذي نصيحه من سمعها فلا مات=في يوم فيه أعاداء مع النار حيه
دنيا رديه ماتعـرف المقامـات=شفنا الغرايب بين روحه وجيـه
ياوجد حالي بعدهاا آجر آهـاات=واسأل فوآدي ويش صاب البريه
اتعبت رجلي في كثير المسارات=ولابه فوايد شفتهـا تبـان ليّـه
يالله ترحم عبد يرفع لك اصوات=وافرج كروبه ياعليـم الخفيـه
قمت اتذكر وانثـر الدمـع بسكـات=على زمان(ن) فات نفسي رضيـه
واليوم للدمعـه بوجهـي علامـات=زماني اتعبنـي وصـرت الضحيـه
ياجعل حضي ما يجي فيه عثرات=وعسى عنود الصيد تعطف عليـه
الجـادل الـي حبهـا حـي مـا مـات=لهـا سـلام الحـب واعضـم تحـيـه
بكتب على ابياتي حروف وعلامات=للي فهـم بالقصـد يصبـر شويـه
ياخوي أببعثلك نصيحه كمـآالاآآت=خذها من اخون لك نظر فالمنيـه
اللائحات اللي عليهـا الاشاعـات=ابعـد وتبعد عنـك بعـد الحويـه
واللي تجاهل مقصدي وسط الابيات=وجـه مـراده يـم بنـتٍ مطـيـه
شفت الهوى قوى على القلب ضغطات = وش عاد لو هو منخفض بالجفيّه
لاجاء على القلب العذي في مساحات = حرك محلّه مثل مقلع طميه
يزيد فيه الهم يزداد نبضات= ويرمي علي الهم وأصبح شقيه
ياكثر مانصبر ليالي طويلات= لاحدن ملا عيني ولا لدّ ليه
الزين يحمل بالمزيـــــــــــااامزااايااااات = يحمل تحياااات الخوي لخويــــــــــه
يازين في قلبـــك لقينــــــا العلاقاات = احلى علاااقـــات العيوون الشقيـــه
حنــا لقينـــا في هواكم بداايــــات= احلى بدااايااات الغراام العذيــــــــه
وحنـــا بدعنـــا بالقصاايــد والابيــات = للمنتدى والشااات احلى هديـــــــــــــه
هيضت قافي واكتب القاف مـرات=واكتب بيوت الشعر والنـار حيـه
شفت الليال وساكن الليل وقفـات=ولقيت صبحه ساهرن لاضحويـه
ولقيت حزنه جاعل الخـد دمعـات=اللي كسر كسّرْ العـذول الخطيـه
شفت الخزامى نابت إبوسط فيضات=وعرفت إن الشعـر روح البنيـه
والخاتمه يارب يا خالق الذات=تجعل لنا ( ألزين ) ألموقر مديه
وتعمنا بالخير وأيضا ألمؤاخات=نسند بعضنا بالضحى والعشيه[/poem]
وسلامتكم جميعاً بإسمي وبإسم اخواني ألشعراء
من يريد ألتنسيق من أخواني ألمشرفين وألإداره فله الحق في
ذلك لأني لآ أعرف ألتنسيق ألصحيح
إعذروني على القصور جميعاً
تقبلو تحيتي وتحيت أخي نواف ألمطيري فهو من ساعدني في ترتيب
ألأبيات وتنسيقهاااا
دمتم بخير جميعاً
سلمان المطيري ( لحن ألمشآعر )
نواف المطيري
مواقع النشر (المفضلة)