ياقلــــــب
ياقلب
ياقلب هود واترك اللي يناجيك
اترك همومٍ تجزي العين قره
انا ادري ان البعد ياقلب طاويك
وادري بعد ان المفارق مضره
وادري انا ان القدر دوم واطيك
هذا القدر وقسمنا منه مره
مار الصبر اوصيك يالقلب اوصيك
بتالي الصبر تلقى لصبرك مسره
وناخيك انا على المفارق وابا ارجيك
خلك معي نضد خيره وشره
وكان الولي بالخير ناوي لتاليك
لابد مايشيل الكدر من مقره
ويبدله بوصال غروٍ يصافيك
غروٍ زوال الهم عنك يسره
باطراف عينه صادق الحب يوريك
وبهدابها موتك لو انه يشرّه
وبخدودها بروق مزنٍ مشابيك
ساقه ولي العرش يم المجره
حبي لها ماجا برقم وشبابيك
حبي لها من يوم عقله يغره
من صغرها والروح عنده بتمليك
شاهد على البيعه ربٍ نبره
وانا احمد الله سيدي جاعله بيك
بين البني للزين تاجٍ وغره
وسلامتكم
رد مع اقتباس
مواقع النشر (المفضلة)