بسم الله الرحمن الرحيم
السلام عليكم ورحمة الله وبركاته
موضوع داااااائماً مايرتفع ضغطي منه ،، وهو المخالفات المرورية ،، ولكن مو المخالفات الي متعارف عليها ،، سرعة وربط حزام الأمان وتفحيط ،، لالالا ...
هي قد تكون عادة عند أغلب السعوديين مع الأسف ومالقاها أي بال او اهتمام ،، مثل :
1 / التجاوز من يمين السيارات (( وهذا ممنوع ،، والصحيـح التجاوز من اليـسار )) ..
2 / عكس الشارع (( وبالذات الشوارع الي داخل الحواري )) يجيك شخص ويقول شارع حارة يعني مو رئيسي والمشكلة اليو تيرن قدامه بعشره والا بعشرين والا بثلاثين والا حتى بمية متر ،، ومتعيــــــجز يروح له ،، يقول أعكس أسهل لي وياما وياما حوادث صارت بسبب هالأمر (( وانا شخصياً اعرف واحد ماشي في سبيله في شارع اتجاهين بالحاره وصدمة واحد وانكسرت رقبته )) ..
3 / بالإشارات بالعادة الي بالسيـد اليمين (( يعني بيروح يمين )) يمشي ومايوقف عند الاشارة ،، ويجيك واحد ويوقف يمين ويسكر الشارع يحتري الاشارة تفتح عشان يمشي سيده ،، مايبي يوقف ورى خمس او ست سيارات ،، طيب يمكن فيه ناس مريضة ،، ناس عندها مواعيـد تحدد مستقبله ،، مثل اختبارات او مقابلات عمل وغيره ..
4 / في بعض الأماكن تلقى المواقف مخططة باللون الأبيـض او الأصفـر لتحديد وقف السيارة بالشكل الصحيح حتى يكون فيه مكان لسيارات اخرى ،، يجيك واحد مروق ويوقف عرض وياخذ مساحتين او ثلاث ،، او واحد يوقف بالطول ولكن بميلان خفيف وياخذ مساحتين ،، ليش ماتوقف نظامي زي ماهو محدد لك ،، لو فرض وجا شخص يبي يوقف سيارته ولقى المواقف فلللل وشاف واحد موقف بالعرض وماخذ موقفين او ثلاثة ،، تخيل انك مكانه ترضى بهالشي ؟!
5 / ناس تمشي بسياراتهم ومولعين النور الصغير (( السـكـن )) فقط ،، وتلقى نوره مو واضح ،، يجيك واحد شوفه على قده ،، زي حالاتي ماينتبه للسيارة ،، ثم يصدم او يستر الله ومايصدم ولكن يرتبك وممكن يربك السيارات الي جنبه ،، النور الواطي اخترعوه عشان تشغله بالليل ،، سواءاً كان في لمبات بالشارع او مافيـه ،،
وأشياء كثيــــــــرة ،، تتعبني لما اشوفها
قبل الأسئلة بلفت نظركم لـ شغلة يمكن الكثيـر غافل عنها ،،
يقول الله سبحانه وتعالى : (( وأطيعوا الله وأطيعوا الرسول وأولي الأمر منكم )) ،، هذي الآيـة فيها دلالة واضحة ان إطاعة ولّي الأمر في غير معصية الله ،، هي إطاعة لأوامر الله ،، والعكس صحيـح ..
إذاً !!
الي ذكرته انا باللون الأحمر كله مخالفات مرورية ،، والقوانين المروريـة وضعها ولي الأمر أو من ينوب عنه ،، ومخالفة ولي الأمر او من ينوب عنه (( الي هي إدارة المرور )) ،، هي مخالفة لله سبحانه وتعالى ،، لذلك الواحـد المفروض مايستهين بهالأمور بتاتاً ،، ومايكسب ذنوب عشان تأخير دقيقة أو دقيقتين او حتى خمس دقايـق ..
:: الأسئلة ::
س1/ ناقش ماكتب اللون الأحمـر ..
س2/ هل أنت ممن يطبقون النظام بطبيعة الحـال؟! ام تطبـقـه فقــط في حالة وجود الـشرطة أو المرور ؟! (( ولاحظ ان كذا طبقت النظام لإتقاء المرور ،، لا لـوجـه اللـه ))
س3/ الموضوع هذا هل غيـر نظرتك او فكرك للأمور المذكورة وغيرها من مخالفات مروريـة ؟!! ولماذا ؟!
ختاماً
قال صلى الله عليـه وسـلــم : (( لايؤمن أحـدكــم حتى يحب لأخــيـه مايـحــب لـنفــسـه ))
عذراً عالإطالـة
تمنياتي للجميـع بالسعادة والـسـلامــة
مواقع النشر (المفضلة)